2020-08-29 09:49
Марта АХНАЗАРЯН
ԿԱՐԱՆՏԻՆԻ ՄԵՋ. ԱՂՔԱՏՆԵՐՆ ԱՎԵԼԻ ԵՆ ԱՂՔԱՏԱՑԵԼ
Հեռավար ուսուցումը հասանելի է ոչ բոլորին
Ինչպե՞ս է անդրադարձել կորոնավիրուսի տարածման հետ կապված իրավիճակը անապահով ընտանիքների երեխաների վրա: Ի՞նչ խնդիրների են բախվել նրանք սոցիալական առումով և ուսումնական գործընթացի կազմակերպման տեսանկյունից։ «Ուորլդ Վիժըն Հայաստան» միջազգային կազմակերպությունը Ալավերդիում, Գյումրիում, Ամասիայում, Իջևանում, Նոյեմբերյանում, Ապարանում, Թալինում, Վարդենիսում, Գավառում, Ճամբարակում, Կապանում, Սիսիանում և Երևանում հետազոտություն է անցկացրել է կազմակերպության շահառու 1175 ընտանիքների շրջանում (6333 մարդ): Նրանք պատկանում են բնակչության աղքատ և ծայրահեղ աղքատ խավերին։
Ինչպես պատմեցին «Ուորլդ Վիժըն Հայաստան»-ի ներկայացուցիչներ Վահե ԴԱՐԲԻՆՅԱՆՆ ու Գայանե ՄԱՐՏԻՐՈՍՅԱՆԸ «Հոդված 3»" մամուլի ակումբում հետազոտության շնորհանդեսի ժամանակ, հարցված 3118 երեխաների 13,8%-ի համար հեռավար ուսուցումն անհասանելի է: Հիմնական պատճառները՝ համապատասխան տեխնիկայի բացակայություն (88%) և ինտերնետի անհասանելիություն (78,7%): Եղել են դեպքեր, երբ խնդիրը ծագել է ոչ միայն գաջեթների պակասի պատճառով, այլև նեղվածքի. խոհանոցային սեղանի շուրջ միաժամանակ երեք-չորս դպրոցականների սովորելու հնարավորություն չի եղել (հարցվածների մեկ քառորդը սեփական բնակարան չունի):
Եվս մեկ բացասական գործոն. հենց հատուկ տեխնիկայի բացակայության պատճառով հաշմանդամություն ունեցող երեխաները (113 ընտանիքների 28,6 %-ը) չեն կարողացել օգտվել հեռավար պարապմունքներից։ Ի դեպ, այս տարակարգին պատկանող հարցվողների գերակշիռ մասի համար (55,1%) հաշմանդամություն ունեցող երեխաների անհատական զարգացման ծրագրերը չեն կիրառվել այն ծավալով, ինչ նախքան կարանտինը, իսկ ճնշող մեծամասնությունը (77,6%) նշել է, որ անհատական զարգացման ծրագրերի համար սահմանված նպատակները չեն վերանայվել համաճարակի ողջ ընթացքում: Իսկ ընդհանուր առմամբ, կարանտինի շրջանում հեռավար ուսուցման որակը հարցմանը մասնակցած սոցիալապես անապահով ընտանիքների 41,8%-ը համարում է ցածր կամ չափազանց ցածր։
Պատկերի ամբողջականության համար հետազոտության հեղինակները ներկայացրել են հարցվողների եկամտի մակարդակը նախքան կարանտինն ու դրա ընթացքում: Եթե մինչ համաճարակը հարցման ընթարկված յուրաքանչյուր չորրորդ ընտանիքն ապրել է օրավարձու աշխատանքով, ապա կարանտինի շրջանում նրանց թիվը կրճատվել է 2,5 անգամ, այժմ միայն յուրաքանչյուր 10-րդ ընտանիքը կարող է օրավճարի հույս ունենալ: Մանրածախ առևտրով զբաղվողները վստահեցնում են, որ եկամուտները կիսով չափ նվազել են։ Բնավ ավելի լավ չէ վիճակը նաև արտագնա աշխատանքով վաստակողների ընտանիքներում։ Եթե կարանտինից առաջ 100 ընտանիքներից 25-ը ապրում էին «խոպանում» վաստակած միջոցների հաշվին, ապա այժմ դրա ակնկալիքն ունեն 100 ընտանիքներից 5-ը։ Յուրաքանչյուր երկրորդ ընտանիք, որը դրամական կայուն փոխանցումներ էր ստանում դրսից, զրկվել է այդ օգնությունից։ Հարցվողների 46,7%-ի աշխատանքը տուժել է COVID-19-ի տարածման դեմ պայքարի ընթացքում, իսկ 44,6%-ի պարագայում համավարակն ազդել է ընտանիքի տնտեսական վիճակի վրա:
Հստակության համար ներկայացնենք պատասխանների հաջորդ հատվածամասը, որից աստղաբաշխական պարգևավճարներ ստացող պաշտոնյաների ու պատգամավորների սիրտը պետք է ճմլվի, իսկ դեմքը՝ բծերով ծածկվի ամոթից (ում մեջ դեռ մնացել է խղճի նշույլ)։
Եվ այսպես, հարցվողների 82,8%-ն իր հանապազօրյա հացն ապահովում է մասամբ կամ առհասարակ զուրկ է դրանից։ 76,7%-ը կարողանում է լոկ մասամբ հոգ տանել ամեն օր անհրաժեշտ դիմակների, ձեռնոցների և անձնական հիգիենայի ախտահանիչ միջոցների մասին կամ ընդհանրապես դժվարանում է գնել այդ ամենը։ Իսկ 67.6%-ը ի վիճակի չէ ձեռք բերել նույնիսկ լվացքի փոշի, օճառ կամ սպասքի լվացման միջոցներ։ Սա արդեն՝ ի գիտություն պարոնայք պարետ Ավինյանի և վարչապետ Փաշինյանի։
Հարցվողների 76,7%-ը խոստովանել է, որ մասամբ կամ ամենևին ի վիճակի չէ ապահովել երեխաներին հեռախոսներով կամ համակարգիչներով, որպեսզի նրանք հեռավար ուսում ստանան, իսկ 70,7%-ն անկարող է նույնիսկ դպրոցի տարրական գրենական պիտույքների հավաքածու գնել երեխաների համար (գրիչներ, գրչատուփեր տետրեր և այլն): Այս տխուր փաստի մասին տեղյա՞կ են արդյոք նախարարներ Արայիկ Հարությունյանը և Զարուհի Բաթոյանը։ Ի՞նչ միջոցներ են նրանք մտադիր ձեռնարկել, որպեսզի ծայրահեղ աղքատ ընտանիքների երեխաները կրկին չմնան անտեսված և վերջապես կարողանան սովորել այլ երեխաների հետ հավասար։
Ի դեպ, հեծանիվ հորինել պետք չէ։ Կարանտինի շրջանում ուսուցման մակարդակը բարձրացնելու համար անհրաժեշտ միջոցառումների վերաբերյալ հարցվողներն առաջարկում են իրենց բաղադրատոմսերը: Այսպես, հարցվողների 57,4%-ը համարում է, որ կարևոր է նախևառաջ ապահովել երեխաներին համապատասխան թվային տեխնիկայով (պլանշետներով, հեռախոսներով): 45,7%-ը գտնում է, որ կրթական գործընթացը հնարավոր է բարելավել անվճար ինտերնետ կապով ապահովելու պայմանով։ Իսկ 28%-ը նշել է, որ պետք է երեխաներին տրամադրել անհրաժեշտ դպրոցական պարագաները։
Պարոնայք ազնվազարմ ժողովրդավար պաշտոնյաներ, վերջապես քայլեր ձեռնարկեք, շտկե՛ք իրավիճակը: Չէ՞ որ դուք այնուամենայնիվ «ծառայում եք ժողովրդին»՝ նույն այդ հարկատուների գրպանի հաշվին...
ПОСЛЕДНИЕ ОТ АВТОРА
-
2025-04-30 09:3626 апреля сего года в столичной общине Шенгавит обвалился балкон, на котором женщина развешивала белье. Обветшалый балкон в мгновение ока разрушился на мелкие куски, металлическая конструкция повисла, а 42-летняя Карина С. оказалась в больнице. Отметим, что состояние соседних балконов этого четырехэтажного дома по улице Араратян, 66 ничуть не лучше - любой из них, судя по ветхой конструкции, может развалиться от малейшей нагрузки.
-
2025-04-24 10:23Одни считает эту игру происками сатанистов, другие называют психологической диверсией, а неокрепшие ментально и физически подростки следуют инструкции в интернете, чтобы окунуться в мир неизведанного. В последнее время в соцсетях, в частности, в Тик-Токе и Ютубе набирает популярность игра, в которой подросткам предлагается методом самогипноза пройти визуально через красные, желтые и черные двери. Разумеется, можно было бы отнестись к этому новому увлечению как очередной блажи, если бы не пагубные последствия подобного эксперимента, из-за чего школьные чаты предупреждают родителей быть внимательными к досугу своих детей.
-
2025-04-19 10:31Андраник Тоноян пишет стихи и активно участвует в акциях протеста, пропагандируя национальные ценности. Он дорожит боевыми наградами и носит с собой фотографии Нжде, отстоявшего Сюник, – деятеля, с котором считался даже Сталин.
-
2025-04-15 10:16Как известно, правительство Армении пересмотрело социальную помощь арцахцам, которую выплачивало с ноября 2023 года для покрытия коммунальных расходов и аренды жилья. Согласно принятому 10 апреля текущего года постановлению, семьи, в которых ежемесячный доход на каждого члена составит меньше 55 тысяч драмов, с апреля по декабрь 2025 года будут получать дополнительные социальные выплаты (глава семьи – 40 тысяч драмов, а остальные члены – по 10 тысяч драмов). Данное решение власти озвучили после протестных акций арцахцев по поводу постановления о лишении с 1 апреля текущего года финансовой помощи трудоспособных беженцев из Арцаха, оставив соцвыплаты только для уязвимых групп (детей, пенсионеров, инвалидов 1 и 2 группы, а также семьям, потерявшим кормильца) с условием, что с апреля по июнь этим категориям будут платить 40 тысяч драмов, а с июля сократят до 30 тысяч драмов.
ПОСЛЕДНЕЕ ПО ТЕМЕ
-
2021-09-28 21:53Նիկոլը 110 հազար դոլար է վճարել դրոնների համար Հիշո՞ւմ եք նախորդ գումարման խորհրդարանի նախագահ Արարատ Միրզոյանի սրտահույզ ռեպլիկը՝ ապառիկով կենցաղային տեխնիկա գնելու մասին: Ռեպլիկն ընդգրկվել էր երկրի ամենաբարձր ամբիոնից Փաշինյանի հնչեցրած ելույթում։ Կրկնակի գործակալի մասին Միքայել Մինասյանի բացահայտումն ավելի ուշ եղավ, իսկ մինչ այդ հեղափոխական հանրությունը բառացիորեն արտասվում էր Արարատի խոստովանությունից, թե իբր՝ նա ցանկացել է ապառիկով ինչ-որ բան գնել տան համար, բայց թույլ չեն տվել…
-
2019-10-01 07:22ԱՄՆ-ի սենատը ծրագրում է Հայաստանին հատկացնել 3,1 մլն դոլար, ի հավելումն արդեն հաստատված 17,6 միլիոնի, հաղորդում է Ամերիկայի հայ ազգային կոմիտեն, տեղեկացնում է Sputnik Armenia-ն։ Լրացուցիչ օգնություն հատկացնելու նախաձեռնությունը պատկանում է սենատորներ Լինդսի Գրեհեմին և Քրիս վան Հոլենին և հաստատվել է սենատի դրամահատկացման կոմիտեի կողմից։ «Դրամահատկացումները նախատեսվում են ի լրումն Տնտեսական աջակցության և զարգացման հիմնադրամից տրվող երաշխավորված գումարի՝ 17,6 ԱՄՆ դոլարի։ 1,5 միլիոն դոլար՝ թմրանյութերի ապօրինի շրջանառության դեմ պայքարի, 600.000 դոլար՝ միջազգային ռազմական կրթության և պրոֆեսիոնալ նախապատրաստության և 1 միլիոն՝ ԶՈՒ-ի ֆինանսավորման համար», ասվում է հաղորդագրության մեջ։