Բելառուսի նախագահ, Հեյդար Ալիևի շքանշանակիր Լուկաշենկոն, հայկական հողերի շուրջ չհաջողված, ամոթալի առևտրային գործարքի առաջարկի մասին սկանդալային ձայնագրության արտահոսքից հետո, շարունակում է տարբեր առիթներով պնդել, որ Սերժ Սարգսյանը լավ կաներ համաձայներ Իլհամ Ալիևի առաջարկած հինգ միլիարդի գործարքին` ազատագրված և Արցախի անվտանգային գոտի դարձած հինգ շրջանները հանձնելու՝ առանց անվտանգության երաշխիքների և բանակցություններում ձեռք բերված հիմնարար սկզբունքների ամրագրման ու ապահովման:

Գերիների փոխանակման մասին տեղեկատվությանը զուգահեռ եկավ նորությունն այն մասին, որ խաղաղության պայմանագրի ստորագրում Ադրբեջանի և Հայաստանի միջև մինչև տարեվերջ տեղի չի ունենա։ Սույն լուրն ազդարարեց Նիկոլ Փաշինյանի հատուկ հանձնարարություններով դեսպան Էդմոն Մարուքյանը։ Դա բնավ չի նշանակում, թե պայմանագիրը պատրաստ չէ ստորագրման։ Ավելի շուտ՝ հակառակը, պայմանագիրը գործնականում պատրաստ է, և եթե ԱԳՆ ղեկավարները հանդիպեին և ավարտին հասցնեին աշխատանքը, ստորագրումը հետաձգելն անտրամաբանական կլիներ։ Բայց կան որոշ հանգամանքներ…

Եթե Հայաստանում լիներ առողջ, հեռանկարային ինստիտոցիոնալ ընդդիմություն, այն այսօր պարտավոր էր պաշտոնապես պատասխանել ՌԴ ԱԳՆ պաշտոնական ներկայացուցչին՝ երեկվա հայտարարության առիթով։

Որպեսզի Ադրբեջանն ազատ արձակի մնացած հայ գերիներին, Ադրբեջանի վրա պետք է ավելի ուժեղ ճնշում գործադրվի, քան այժմ։ Հակառակ դեպքում, Բաքուն ծանր զիջումներ է սպասելու Երևանից։ Այս մասին News.am-ի թղթակցի հետ զրույցում ասաց Ֆրանսիայից քաղաքական գործիչ Հիլդա Չոբոյանը։  

«Զովիգյան» հանրային գրասենյակը հրապարակել է բաց կոդով հետախուզական (OSINT) և գեոլոկացիոն զեկույց՝ Լեռնային Ղարաբաղի (Արցախի) շրջափակման մեկամյակին ընդառաջ: Զեկույցը նախատեսված էր պարզելու, թե արդյոք Ադրբեջանը Լաչինի միջանցքում իրականացրել է շրջափակում՝ Արցախի բնիկ հայ բնակչության նկատմամբ:

Այսօր մենք ականատեսն ենք հայ-ռուսական հարաբերությունների ամենասուր ճգնաժամին ողջ հետխորհրդային շրջանում։ Այս մասին News.am-ի թղթակցի հետ զրույցում ասել է ռուս քաղաքագետ Ալեքսանդր Կռիլովը։

Վաշինգտոնի պաշտոնատար անձինք կրկնապատկում են Կովկասով անցնելիք նոր էներգետիկ միջանցքի ստեղծման ջանքերը, այն կմիավորի Եվրոպան և Ասիան, գրել է FPIF-ը։

Նախագահ Ջո Բայդենը կողմ է Ուկրաինային աջակցությանը, բայց այնքան էլ վստահ չէ, որ կկարողանա իրականացնել այդ աջակցությունը, գրել է Politico ամերիկյան պորտալը։

Եվրամիությունը մտադիր չէ զորավարժություններ անցկացնել Հայաստանի հետ, հայտարարել է ԵՄ արտաքին քաղաքական ծառայության պաշտոնական ներկայացուցիչ Պետեր Ստանոն: «ԵՄ-ն չի դիտարկում Հայաստանի հետ համատեղ զորավարժություններ անցկացնելու հնարավորությունը։ ԵՄ-ն ռազմական դաշինք չէ, այն արժեքների քաղաքական և տնտեսական համայնք է»,-նշել է Ստանոն՝ հավելելով, որ Եվրամիությունը չի նախատեսում հայ զինվորականներին մարզել ԵՄ անդամ երկրների տարածքում։ ԵՄ-ն ուսումնասիրում է Խաղաղության եվրոպական հիմնադրամի միջոցով հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, սակայն այս առումով կոնկրետ որոշումներ դեռ չկան: