Հրաձգություն Տեղում, Երասխում և Հաքարիի կամրջի մոտ. սա է Հայաստանի վարչապետ Նիկոլ Փաշինյանի «խաղաղության դարաշրջանը։ Այս մասին Ազգային ժողովում, ավանդական ճեպազրույցների ժամանակ, հունիսի 16-ին ասել է Հայաստանի Հանրապետական կուսակցության անդամ, պատգամավոր Հայկ Մամիջանյանը։

Իրանը պատրաստ է աջակցել Երևանին և Բաքվին խաղաղության հասնելու քայլերի իրականացման հարցում, եթե կողմերը դիմեն օգնության համար։ Իրանում հույս ունեն, որ Սյունիքի մարզում ցանկացած օտարերկրյա դիվանագիտական ներկայացուցչության բացումը կնպաստի կայունությանն ու անվտանգությանը: Կապանում Իրանի գլխավոր հյուպատոս Մորթեզա Աբեդին Վարամինը հյուպատոսությունների կարևորության, տարածաշրջանում տիրող իրավիճակի և «Պարսից ծոց-Սև ծով» առևտրային երթուղու հեռանկարների մասին պատմել է Sputnik Արմենիային։

Թուրքիայի քաղաքականությունը Հարավային Կովկասում Էրդողանի վերընտրվելուց հետո չի փոխվի: Այս մասին News.am-ի թղթակցի հետ զրույցում ասաց Մերձավոր Արևելքի ռուսական ինստիտուտի նախագահ Եվգենի Սատանովսկին։

Հունիսի 15-ի առավոտյան Հակարիի կամրջի մոտ տեղի ունեցած ռազմական սադրանքից հետո Ադրբեջանը 2023 թվականի ապրիլի 23-ից ապօրինի տեղադրված անցակետում երկու ուղղություններով արգելափակել է բոլոր տեսակի՝ այդ թվում մարդկանց և բեռների հումանիտար փոխադրումները: Այս մասին հայտարարություն է տարածել Արցախի ՄԻՊ Գեղամ Ստեփանյանը:

Մենք տեղյակ ենք Հայաստանում իր ներկայությունն ուժեղացնելու՝ Եվրամիության հայտարարած ծրագրերին, որոնց համար առաջիկայում կբացվեն Հայաստանում ԵՄ «դիտորդական» առաքելության երեք նոր կետերը Կապանում, Իջևանում և Եղեգնաձորում։ Այս մասին ասել է ՌԴ ԱԳՆ պաշտոնական ներկայացուցիչ Մարիա Վ.Զախարովան՝ ի պատասխան Հայաստանում ԵՄ դիտորդական առաքելության երեք օպերատիվ կենտրոնների բացման մասին մամուլի հարցին։

Հաշվի առնելով Հայաստանի վարչապետի և Ադրբեջանի նախագահի կուլիսային պայմանավորվածությունները՝ մտահոգություններ կան Հարավային Կովկասում սահմանների և քարտեզների փոփոխության վերաբերյալ։ Այս մասին հայտարարել է Իրանի խորհրդարանի պատգամավոր Արա Շաhվերդյանը, հայտնում է MiranPress-ը։

Եվրախորհրդարանում տեղի են ունեցել քննարկումներ «Հայաստանի և Ադրբեջանի հարաբերությունները և իրավիճակը Լեռնային Ղարաբաղում ու Լաչինի միջանցքում» թեմայով: Պաշտոնական Երևանը կներկայացնի այդ քննարկումները որպես իր արժանիք, մանավանդ որ դրանց մասնակցել և հարցերին պատասխանել է ինքը՝ եվրոպական դիվանագիտության ղեկավար Ժոզեպ Բորելը։

Քիչ հավանական է, որ Թուրքիայի նախագահ Ռեջեփ Թայիփ Էրդողանի Բաքու այցելելուց հետո Ադրբեջանը կոշտացնի իր հռետորաբանությունը Հայաստանի նկատմամբ, երեքշաբթի հայտարարել է հանրապետության խորհրդարանի խոսնակ Ալեն Սիմոնյանը, հաղորդում է «Նովոստի-Արմենիան»։ «Չէ, ի՞նչ տարբերություն: Հիմա եթե կոշտացնելու լիներ, որ չայցելելու լիներ, պիտի կոշտացնե՞ր: Կոշտացնելը հո դրանով չի պայմանավորված, պայմանավորված է մեր դիրքից, մեր ասելիքից, մեր միջազգային գործընկերների հետ համագործակցությամբ: Ես նորից պետք է այդ օրինակը բերեմ այդ միջանցքի մասին խոսակցությունը, տեսաք, հայկական կողմը դրսևորեց իր կամքը և մինչև վերջ ասաց, որ նման բան չի լինելու»,- ԱԺ-ում լրագրողներին ասաց Սիմոնյանը։

Միշտ կա փաստաթուղթ ստորագրելու հնարավորություն, բայց այսօր նյուանսավորված սյուժեներ են ի հայտ գալիս։ Հայաստանը Ղարաբաղը ճանաչում է Ադրբեջանի մաս, բայց և պայման է առաջադրվում, ապաշրջափակման գծով պայման է առաջադրվում, սահմանազատման գծով պայման է առաջադրվում և այլն։ Կլինի՞ արդյոք ստորագրված թուղթը Հայաստանի և Ադրբեջանի միջև խաղաղության երաշխիք։ Ես դրանում վստահ չեմ։ Այս մասին «ՈւԺԻ ԳՈՐԾՈՆ» ծրագրի թողարկման ժամանակ News.am-ին ասել է Ռուսաստանի ԱԳՆ Մոսկվայի Միջազգային հարաբերությունների պետական ինստիտուտի առաջատար գիտաշխատող Սերգեյ Մարկեդոնովը։