Ապատիայի մեջ գտնվող ժողովուրդ ես չեմ տեսնում, կան մարդիկ, որոնք հուսախաբված են, կան մարդիկ, որոնք ելքեր չեն գտնում, բայց կան մարդիկ, որոնք համառ պայքարի մեջ են։ Այս մասին այսօր՝ մարտի 17-ին, լրագրողների հետ զրույցում ասել է Բագրատ Սրբազանը՝ միանալով «Սրբազան պայքար»-ի երիտասարդների «Չենք վստահում Նիկոլ Փաշինյանի իշխանությանը» նախաձեռնությանը։  

Եմենի ուժերը վերջին ժամերին երկրորդ անգամ հարձակվել են ԱՄՆ ավիակիր USS Harry S. Truman-ի վրա՝ ձախողելով ամերիկյան ավիահարվածները։ Այս մասին հայտնում է Irna-ն։

«Սրբազան պայքար» շարժման երիտասարդները «Չենք վստահում այս իշխանություններին» խորագրով բողոքի ակցիա են իրականացնում Թումանյան-Հյուսիսային պողոտա խաչմերուկում: Նրանք սիմվոլիկ հանրաքվե են կազմակերպել՝ ցույց տալու, որ դեմ են ներկայիս իշխանություններին։  

Չեխիայի կառավարությունը ցանկանում է Եվրամիությունում քննարկել Պրահայում գործող Ազատ Եվրոպա/Ազատություն ռադիոկայանի (Ազատություն ռադիոկայանի) ապագան, որը կորցրել է ԱՄՆ-ի ֆինանսավորումը: «Նման հեռարձակումը շարունակելը բխում է Եվրոպայի շահերից»,- ասել է արտգործնախարար Յան Լիպավսկին։

Միայն անվտանգության երկաթբետոնե երաշխիքների ձևավորման միջոցով հնարավոր կլինի հասնել Ուկրաինայում կայուն խաղաղության։ Դրա մասին «Известия»-ին տված հարցազրույցում հայտնել է ՌԴ փոխարտգործնախարար Ալեքսանդր Գրուշկոն։

Վաշինգտոնը պնդում է Ուկրաինայում առնվազն կարճաժամկետ հրադադարի մասին, քանի որ ռազմական գործողությունների շարունակությունը չի նպաստում բանակցային գործընթացին։ Այսպիսի դիրքորոշում է հայտնել ԱՄՆ պետքարտուղարության ղեկավար Մարկո Ռուբիոն ամերիկյան CBS հեռուստաալիքին տված հարցազրույցում։

Այս գիշեր լիբանանա-սիրիական սահմանին մարտեր են տեղի ունեցել։ Ինչպես հայտնում են տելեգրամյան ալիքները, Սիրիայի նոր իշխանությունների զինուժը կրակ է բացել Լիբանանի տարածքի ուղղությամբ։

ԱՄՆ Պաշտպանության նախարարությունը չի մեկնաբանում Հայաստանի ուղղությամբ զինտեխնիկայի հնարավոր տեղափոխման մասին տեղեկատվությունը, որի մասին հրապարակում էր արել ռուսական RT գործակալությունը։

Ադրբեջանի ՊՆ-ն հերթական կեղծ հաղորդագրությունն է տարածել, հայտնում են ՀՀ պաշտպանական գերատեսչությունից։