Ստեփանակերտ-Գորիս միջպետական մայրուղու` ադրբեջանցիների կողմից փակման պատճառով Արցախի դեղատներում որոշ տեսակի դեղամիջոցների եւ մանկական կերերի անհրաժեշտությունն ավելի է զգացվում։

Թշնամին Արցախի Հանրապետության դեմ պատերազմում ակտիվ կիրառում է նաև մեդիագործիքները: Արցախի Հանրային հեռուստաընկերության հաղորդմամբ, այս դեպքում ավելի բնութագրական կլիներ ասել՝ մեդիատեռորը: Դրանց դրսևորումներից մեկն էլ Արցախի տարբեր գերատեսչությունների անունից բնակչության տարհանման մասին հայտարարություններ տարածելն է: Երեկ, օրինակ, հայտարարության համար օգտագործվել է հենց Հանրային հեռուստառադիոընկերության պաշտոնական ձևաթղթի նմանությամբ պատրաստված կեղծ փաստաթուղթը:

Արցախի Հանրապետության նախագահ Արայիկ Հարությունյանը  հունվարի 10-ին ԱՀ նախագահին կից Անվտանգության  խորհրդի աշխատակազմին է ներկայացրել ԱՀ ԱԽ նոր քարտուղար Արարատ Մելքումյանին:

Մտահոգ եմ Լաչինի միջանցքի շուրջ զարգացումների մասին հաղորդումներով։ Այս մասին հայտարարություն է արել Հայաստանում Ճապոնիայի արտակարգ եւ լիազոր դեսպան Ֆուկուշիմա Մասանորին:

ՌԴ Անվտանգության խորհրդի քարտուղար Նիկոլայ Պատրուշեւը հայտարարել է, որ Ռուսաստանին անհրաժեշտ է ունենալ այնպիսի բանակ եւ հատուկ ծառայություններ, որ հնարավոր հակառակորդների մտքով անգամ չանցնի պատերազմել նրա հետ։ Այս մասին նա ասել է «Аргументы и факты»-ին տված հարցազրույցում։

Այսօր առավոտյան Արցախից Հայաստան է տեղափոխվել ևս երեք բուժառու։ Տեղեկությունը Sputnik Արմենիային հայտնել է ԿԽՄԿ պատվիրակության հաղորդակցման ծրագրերի ղեկավար Զառա Ամատունին։

Լաչինի միջանցքի արգելափակումը պատերազմի առաջին արարն է արցախահայության դեմ: «Արմենպրես»-ի փոխանցմամբ՝ այս մասին հայտնել է ֆրանսիական հեղինակավոր «Le Figaro» ամսագրի փոխտնօրեն Ժան-Քրիստոֆ Բյուսոնը Twitter-ի իր միկրոբլոգում:

Հունվարի 10-ին, ժամը 18.30-ին Ֆրանսիայի Ազգային ժողովի շենքի առջեւ նախաձեռնվել է հանրահավաք՝ ի աջակցություն Արցախի։ Այս մասին Թվիթերի իր էջում գրել է ֆրանսիացի սենատոր Վալերի Բուայեն։

Երեք հասարակական կազմակերպություններ՝ Հելսինկյան քաղաքացիական ասամբլեայի Վանաձորի գրասենյակը, «Իրազեկ քաղաքացիների միավորում»-ը, «Վարորդի ընկեր» իրավապաշտպան կազմակերպությունը տարածել են հայտարարություն, որտեղ ասված է.