Ժաննա Անդրեասյանն ազատվել է ԿԳՄՍ նախարարի տեղակալի պաշտոնից։

Եվրոպայի փաստաբանների և իրավաբանների միությունների խորհուրդը (CCBE), որի դիտորդ անդամ է Հայաստանը, ուսումնասիրելով առկա տեղեկատվությունը, դիմել է Հայաստանի Հանրապետության նախագահ Վահագն Խաչատուրյանին՝ հայտնելով իր մտահոգությունը փաստաբան Էրիկ Ալեքսանյանի ձերբակալության կապակցությամբ և հորդորել նպաստել Էրիկ Ալեքսանյանի ազատության վերականգնմանը: Այս մասին հայտարարություն է տարածել Եվրոպայի փաստաբանների և իրավաբանների միությունների խորհուրդը:

Ադրբեջանի նախագահ Իլհամ Ալիևի վարչակազմի անմիջական ենթակայությամբ գործող Aztv պետական հեռուստաալիքը Լեռնային Ղարաբաղում ռուս խաղաղապահների գործողություններն «անհեթեթ» է անվանել։ Դեկտեմբերի 12-ին, ժամը 18.00-ին «Նովոստի» լրատվական ծրագրի ռուսերեն եթերում ցուցադրվել է թղթակցի ուղիղ միացումը Ադրբեջանի իշխանությունների կողմից հովանավորվող, այսպես կոչված, «բնապահպանների» և «ակտիվիստների» ակցիայի վայրից, որոնք արգելափակել են Գորիս-Ստեփանակերտ ավտոճանապարհը։

Եվրահանձնաժողովը հավանություն է տվել 220 միլիոն եվրոյի փաթեթին՝ Թուրքիայի արևելյան սահմանին հսկողությունը բարելավելու համար։ Այսպիսով, 2022 թվականին Թուրքիայի փախստականներին աջակցելու համար ԵՄ-ի օգնության ընդհանուր գումարը կազմել է 1,235 միլիարդ եվրո։

Ադրբեջանն այսօր կրկին անգամ դիմել է սադրիչ գործողությունների՝ Շուշիի հատվածում փակելով Գորիս-Ստեփանակերտ մայրուղին. սա Բաքվի ցեղասպան քաղաքականության հերթական դրսևորումն է, ապակառուցողական և հանցավոր գործողություն՝ ուղղված Արցախի ժողովրդի ահաբեկմանը, տարածաշրջանում անկայունության մթնոլորտի ձևավորմանը և ռուսական խաղաղապահ առաքելության գործունեության խոչընդոտմանը։ Այս մասին հայտարարություն է տարածել Արցախի ԱԳՆ-ն:

Վերածննդի հրապարակում հավաքված արցախցիները պահանջում են հանդիպում ԱՀ ԱԺ նախագահ Արթուր Թովմասյանի հետ։ Այս մասին NEWS.am-ի հետ զրույցում ասաց «Հանուն Արցախի պաշտպանության» շարժման համակարգող խորհրդի անդամ Արշակ Աբրահամյանը։

ՀՀ ԱԳ նախարար Արարատ Միրզոյանը Ցեղասպանության կանխարգելման հարցերով ՄԱԿ գլխավոր քարտուղարի հատուկ խորհրդական Ալիս Վաիրիմու Նդերիտուին ասել է, որ Ադրբեջանի կողմից Լաչինի միջանցքի փակման փորձերը «էթնիկ զտումների քաղաքականության վառ դրսևորումներ» են։

Հայերն ու հույները ավելի քան 2400 տարի ապրել են կողք-կողքի Փոքր Ասիայում և նրանք տեսել են ցեղասպանության արհավիրքները. Այդ արհավաիրքը մեզ բաժանել է, թեև մենք եղել ենք նույն քաղաքների ու գյուղերի բնակիչներ, և ինչ-որ առումով նաև միավորել է մեզ: Այս մասին այսօր՝ դեկտեմբերի 12-ին, Երևանում ընթացող «Ընդդեմ ցեղասպանության հանցագործության» 4-րդ գլոբալ ֆորումի ժամանակ հայտարարեց Հունաստանի կրթության և կրոնի հարցերի փոխնախարար, միջազգային իրավունքի և արտաքին քաղաքականության դոցենտ Անգելոս Սիրիգոսը:

Հայաստանի հետ բանակցությունների հաջորդ փուլը տեղի կունենա առաջիկա շաբաթների ընթացքում։ Այս մասին ԵՄ Արևելյան գործընկերության ԱԳ նախարարների հանդիպմանը հայտարարել է Ադրբեջանի ԱԳ նախարար Ջեյհուն Բայրամովը, տեղեկացնում են ադրբեջանական լրատվամիջոցները։