Ըստ ոստիկանության օպերատիվ հաղորդագրությունների ամփոփագրերի՝ նոյեմբերի 25-ից 28-ը Հայաստանի Հանրապետության ոստիկանության ստորաբաժանումները բացահայտել են հանցագործության 95 դեպք, որից 3-ը՝ նախկինում կատարված։

Մենք պետք է էլ ավելի խորացնենք համագործակցությունը Հայաստանի հետ։ Այս մասին ասված է Հայաստանի և Հնդկաստանի միջև դիվանագիտական ​​հարաբերությունների հաստատման 30-ամյակի կապակցությամբ միջազգային համաժողովի մասնակիցներին ուղղված ուղերձում։

Շիրակի մարզի Պեմզաշեն համայնքի 31-ամյա բնակչուհու և նրա 12-ամյա դստեր և 8-ամյա որդու սահմռկեցուցիչ սպանությունների գործով մեղադրյալ Վրույր Բարսեղյանի նկատմամբ նշանակվել է դատահոգեբուժական փորձաքննություն։ Այս մասին NEWS.am-ի հետ զրույցում ասաց Քննչական կոմիտեի մամուլի խոսնակ Գոռ Աբրահամյանը։

Իրանի իրավապահ մարմիններն արևմտյան երկրների մի շարք քաղաքացիների են ձերբակալել։ Տեղեկությունը հայտնել է Իրանի ԱԳՆ պաշտոնական ներկայացուցիչ Նասեր Կանաանին:

Հայաստանում քրդական համայնքը ՄԱԿ-ի գրասենյակի մոտ բողոքի ակցիա է անում ընդդեմ թուրքական ագրեսիայի և Սիրիայում թուրքական կողմի գործողությունների։ Քրդական համայնքի ներկայացուցիչները քայլերթով ու ավտոերթով Երևանի Հանրապետության հրապարակից «Թուրքիա՛, տեռորի՛ստ» վանկարկելով ՄԱԿ–ի գրասենյակի մոտ գնացին։  

Հարավային Կովկասում ԵՄ հատուկ ներկայացուցիչ Տոյվո Կլաարն իր թվիթերյան էջում գրառում է արել` ամփոփելով նախորդ շաբաթվա վերջին Բաքու կատարած այցը:

Գեղարքունիքի մարզպետ Կարեն Սարգսյանը 2022 թվականի սեպտեմբերի 13-14-ին ադրբեջանական ագրեսիայի հետևանքով տեղահանված բնակչության կարիքների գնահատմանն ու աջակցության ցուցաբերմանը վերաբերող հարցեր է քննարկել ՄԱԿ-ի փախստականների հարցերով գերագույն հանձնակատար Ալմազ Բուրկուտովի հետ։ Նա այդ մասին գրառում է արել ֆեյսբուքյան իր էջում։

Ադրբեջանի նախագահ Իլհամ Ալիևն այսօր ընդունել է ԵԱՀԿ Մինսկի խմբի ԱՄՆ համանախագահ, Կովկասյան բանակցությունների հարցերով ավագ խորհրդական Ֆիլիպ Ռիքերին։ Տեղեկությունը հայտնում են ադրբեջանական ԶԼՄ–ները։

Հնդկաստանի և Ավստրալիայի բանակներն այսօր Ռաջաստան նահանգում անցկացրել են առաջին համատեղ «AUSTRA HIND–22» զորավարժությունները։ Տեղեկությունը հայտնում է ՌԻԱ Նովոստին՝ վկայակոչելով Հնդկաստանի պաշտպանության նախարարությանը։