ԼՈՒՍԱՁԱՅՆԱՅԻՆ ՆԱԽԵՐԳԱՆՔ. Ի՞ՆՉ Է ՀԱՋՈՐԴԵԼՈՒ ՓՈՔՐ ԱՐՅԱՆԸ

Հիվանդը ընկնավորված է, հասարակությանը սպասում են զանգվածային ձերբակալություննե՞ր

Կառավարության մեր աղբյուրները հայտնել են, որ հունիսի 3-ից հետո Փաշինյանը փորձել է կառավարության աշխատակազմի ղեկավար Արայիկ Հարությունյանի և էլի երեք վստահված անձանց հետ համաձայնեցնել հեռավար ռեժիմով մամուլի ասուլիս անցկացնելու հնարավորությունը։ Սովորական ասուլիս ռեժիմի պարագլուխն իրեն թույլ տալ չի կարող այն մտավախությունից, որ իրեն կարող են այցելել ընդդիմադիր պարբերականների լրագրողները, այդ պատճառով էլ ծրագրել էր անցկացնել միջոցառումը վիրտուալ տարածքում՝ պատասխանելով ծախված պարբերականների նախապես ընտրված հարցերին:

Մեր ունեցած տեղեկություններով, Նիկոլին խորհուրդ են տվել չշփվել ԶԼՄ-ների ներկայացուցիչների հետ նույնիսկ այդ ձևաչափով, այն մտավախությամբ, որ նրա պատասխանները կարող են է՛լ ավելի սրել իրավիճակը փողոցներում։ Այլ կերպ ասած, մամուլի ասուլիսը որոշել են անցկացնել աշնանը նշանակված համագումարի նախաշեմին։ «Հայաստան» խմբակցության քարտուղար Արծվիկ Մինասյանի գնահատմամբ՝ հունիսի 3-ին ոստիկանները խախտել են Սահմանադրությունը, ոստիկանական ծառայության մասին օրենքը և ոստիկանության զորքերի մասին օրենքը: Խաղաղ ակցիաների դեմ ոստիկանական զորքերի օգտագործումը արգելված է 14-րդ (3-րդ մաս) հոդվածով: Օրենքն արգելում է նաև հատուկ միջոցների կիրառումը՝ առանց ոստիկանապետի գրավոր թույլտվության և փողոցային ակցիայի մասնակիցներին նախապես ծանուցելու:

Փաշինյանը ամեն օր ու ամեն պահ անհարմարավետության զգացում է ապրում, որ իր ընկնավորական ճղավոցները փողոցային պայքարի թեմայով, որն իբր աստիճանաբար «մաշվելու և մարելու է», հեռու են իրականությունից։ Հունիսի 3-ին ոստիկանների ձեռնարկած վայրագությունները վերջնականապես ամրագրեցին Իշխան Սաղաթելյանի հայտարարած ջրբաժանը ռեժիմի և ժողովրդի, պայքարի ու դավաճանության միջև։ Պատժիչ գործողությունները, այդ թվում խոշտանգումները, կտտանքներն ու հատուկ միջոցների կիրառումը, նշանակում են, որ հիվանդը կապը կտրել է, և այսուհետ չի սահմանափակվի փոքր արյամբ:

Ոստիկանների օրինակելի պահվածքը հունիսի 4-ի համանման ակցիայի նկատմամբ ցույց տվեց, որ ռեժիմը դեռ վերջնականապես չի մարսել նախորդ երեկոյի իրադարձությունները, և բացի այդ, կատաղության նոպային, որպես կանոն, հաջորդում է ժամանակավոր հանդարտեցումը ...

Հանգստյան օրերին հայտնի դարձավ հունիսի 3-ի իրադարձությունները հետաքննելու համար ավելի քան 100 հոգուց բաղկացած քննչական խմբի ձևավորման մասին, փողոցային պայքարի համակարգողներն այդ քայլը գնահատել են որպես ռեժիմի նախապատրաստում զանգվածային ձերբակալություններին:

«Պոչդ քաշած այստեղ այնքան վախի մեջ ես ապրելու՝ մինչև վախը խեղդի քեզ»

Հունիսի 3-ին կառավարական ամառանոցներին հարող փողոցների խաչմերուկում փողոցային պայքարի մասնակիցները երթի կազմակերպիչներից պահանջեցին «հենց հիմա գնալ կառավարական ամառանոցներ ու լուծել Փաշինյանի հարցերը», ինչի մասին նշված խաչմերուկում հանրահավաքի ամբիոնից հայտնեց խորհրդարանի փոխխոսնակը: Սաղաթելյանն այդ պահանջին պատասխանեց, որ «Նիկոլին պետք է իշխանությունից հեռացնել օրինական ճանապարհով, առանց արյան» ։

«Դու գիտես քո հանցանքը, քո դավաճանության ծավալը, դու պոչդ քաշած այստեղ այնքան վախի մեջ ես ապրելու՝ մինչև վախը խեղդի քեզ»,- Փաշինյանին դիմեց «Հայաստան» խմբակցության պատգամավոր Գեղամ Մանուկյանը։ Հունիսի 3-ի ակցիայի արդյունքը տասնյակ վիրավորներ են, այդ թվում՝ բեկորային վնասվածք ստացած աղջիկ։ Ակնհայտ է լուսաձայնային նռնակների կիրառման եղանակի խախտումը, որը թույլատրված է պայթեցնել միայն մարդկանց կուտակումից մի քանի մետր հեռավորության վրա: Մինչդեռ տեսանյութում երևում է, որ ոստիկանները անմտորեն նռնակներ են նետում ամբոխի մեջ։ Միայն երջանիկ պատահականությամբ հունիսի 3-ին մարդկային զոհեր չեղան։

Փաշինյանը կասկածում է, որ իրեն զեկուցում են ընդդիմության ճամբարում առկա ոչ ամբողջ իրավիճակը։ Մեր տեղեկություններով, նա անձամբ է հետևում Ֆրանսիայի հրապարակում տեղի ունեցող իրադարձություններին, ընդ որում՝ հետևում է շուրջօրյա։ 7 մլն դոլարով ձեռք բերված հատուկ սարքավորման միջոցով նա գաղտնալսում է բարձրաստիճան պաշտոնյաների խոսակցությունները, պարանոիկի աչքին ամենուր դավադրություններ են երևում։ Մենք բազմիցս տեղեկացրել ենք, որ Իջևանում ապօրինի անտառահատումների (2019թ.) հետ կապված դեպքերի ժամանակ Փաշինյանը Արթուր Վանեցյանից (այն ժամանակ՝ ԱԱԾ ղեկավար) պահանջել էր, որ «արյան գետեր հոսեն»։ Դժվար չէ պատկերացնել, թե ինչ պահանջներ է նա ներկայացրել Արմեն Աբազյանին ու Վահե Ղազարյանին հունիսի 3-ից հետո։ Այն, որ հունիսի 4-ի ակցիան անցել է առանց արտառոց միջադեպերի, ամենևին չի նշանակում, թե կատաղության նոպան չի կրկնվի և կապիտուլյանտը չի պահանջի մեծ արյուն, սակայն առայժմ նա որոշել է գործարկել զանգվածային ձերբակալությունների մեխանիզմը։

Ե՞րբ է սպասվում խելագարության հերթական նոպան:

«Ուսապարկերը» ձայները մեկ արած կրկնում են, թե ընդդիմությունը ձգտում է հասնել նրան, որ Փաշինյանը գնա ծայրահեղ միջոցների, բայց իրենց «մարդասեր» առաջնորդը արյունահեղություն թույլ չի տա։ Մայիսի վերջի և հունիսի սկզբի օրերի իրադարձությունները ցույց տվեցին, որ կապիտուլյանտը կորցնում է ոչ միայն համբերությունը, այլև ինքնատիրապետումը։

Հանգստյան օրերին տեղեկություն արտահոսեց այն մասին, որ նա կշիամբանքների տարափ է տեղացել քարոզչամեքենայի համակարգողների գլխին այն առնչությամբ, որ ֆեյքերի ֆաբրիկան սաստիկ զիջում է ընդդիմության քարոզչամեքենային։ Ոստիկանական հաշվեհարդարների վերաբերյալ տեսանյութերի խորապատկերին, որոնք մի շարք դեպքերում կարելի է որակել միայն որպես սպանության փորձ, ուրիշ ոչ մի քարոզչություն չի պահանջվում: Մարդիկ համեմատում են ոստիկանները պահվածքը, ներառյալ հատուկ միջոցների կիրառումը 2018-ի գարնանը և այն ինչ կատարվում է այսօր, և համեմատությունն ակնհայտորեն հօգուտ Փաշինյանի չէ…

Քանի որ խոսք գնաց քարոզչամեքենայի մասին, չեմ կարող չհիշատակել «Ազատ շփում» հեղինակային հաղորդման հյուրերից մեկին։ Թերեզա անունով տիկինը օրերս բողոքում էր Գնել Սարգսյանին, որ բոլոր բժիշկները, որոնց ինքը դիմում է օգնության համար, անմիջապես ուղարկում են իրեն հոգեբույժի մոտ։ Սա շատ կարևոր խոստովանություն է։ Ձուկը միշտ գլխից է հոտում, իսկ մեր դեպքում հիվանդությունը, դատելով ամենից, արդեն հասել է «ներքևներին»։ Նույն պրոֆիլի բժիշկներին դիմել կարելի է խորհուրդ տալ քարոզչամեքենայի գրեթե բոլոր ներկայացուցիչներին՝ Լևոն Շիրինյանից մինչև Տիգրան Խզմալյան, որոնք այս օրերին հանդես են գալիս Նիկոլի գլխավոր խոսնափողի դերում։ Խզմալյանը անցած շաբաթվա վերջին հայտարարեց իշխանության հեռուստաալիքներից մեկի եթերում, թե Մոսկվան վերջերս Ալիևին հրահրել է հարձակվել Արցախի Հանրապետության վրա, բայց Ալիևը դա չի արել Եվրոպայի ազդեցության տակ։

Նիկոլական քարոզչամեքենայի «շնաձկների» ելույթներում բովանդակվող թեզերին անդրադարձել ենք բազմիցս, ուստի վերադառնանք գլխավոր հիվանդին, որպեսզի մեկ անգամ ևս հաստատենք, որ նրա շրջապատը ոչ մի կերպ չի կարողանում կանխել տեղեկությունների արտահոսքը ԶԼՄ-ներ։ Հանգստյան օրերին հայտնի դարձավ, որ Փաշինյանն իր մոտ է կանչել ուժային կառույցների որոշ ներկայացուցիչների՝ «տնավարի» խոսելու, որպեսզի հայտնի իր անհանգստությունն այն առնչությամբ, որ պատժիչ միջոցները չեն նպաստում փողոցային պայքարի թուլացմանը։

Փաշինյանի անհանգստությունը միանգամայն բացատրելի է։ Ինչպես հայտարարել է Սաղաթելյանը՝ «դեռ կտեսնենք, թե ով ում է մաշելու, ռեժիմի պարագլուխն ընդդիմությունը, թե ընդդիմությունը ռեժիմի պարագլխին»։ Դատելով ամենից, Փաշինյանի պսիխիկան մայիսի 1-ից հետո ծայրահեղ վիճակում է, իսկ հունիսի 3-ից հետո պետք է սպասել նոր նոպայի։ Նիկոլը հասկանում է, որ շուտով մենակ է մնալու, «ուսապարկերն» ու մնացյալ ծառայանին փախչելու են դեսուդեն։ Եթե այսօր փողոցային պայքարի մասնակիցները կարողանում են 2, 5 ժամով արգելափակել կառավարության միանգամից 3 մասնաշենք, ապա վաղը նրանք կարգելափակեն այդ շենքերը շուրջօրյա։

Փողոցային գործողությունների մեկ ամսում ընդդիմությունը փաստացի հասավ նրան, որ ժողովրդի ողջ ուշադրությունը սևեռվի Ֆրանսիայի հրապարակում տեղի ունեցող իրադարձությունների վրա։ Ոչ մեկին չեն հետաքրքրում կառավարության որոշումներն ու խորհրդարանի աշխատանքը, բոլոր հայացքներն ուղղված են դեպի հրապարակ, որտեղ ուժ է հավաքում Ազգային-ազատագրական պայքարը թուրքական փոխանորդի ռեժիմի դեմ, հանուն Արցախի ինքնորոշման և ադրբեջանական զավթիչներից Հայաստանի ազատագրման։

Շարունակելի…

Հանգստյան օրերին Ֆրանսիայի հրապարակն առաջվա պես մարդաշատ էր: «Պատիվ ունեմ» խմբակցության պատգամավոր Հայկ Մամիջանյանը նշեց, որ «Սվիրել» տեսակի լուսաձայնային նռնակները հունիսի 3-ին օգտագործվել են Փաշինյանի անմիջական հրահանգով:

Պատգամավորն ուշադրություն հրավիրեց այն հանգամանքի վրա, որ խաղաղ ակցիայի մասնակիցների շարքերում շատ էին 44-օրյա պատերազմի մասնակիցները: Նա փաստեց, որ պայթյուններից հետո ակցիայի մասնակիցներից ոչ մեկը տեղից չի շարժվել, իսկ հատուկ միջոցների ոչ պատշաճ օգտագործումը, պատգամավորի խոսքերով, հանգեցրել է ոչ միայն քաղաքացիական անձանց, այլև ոստիկանների զանգվածային վնասվածքների: Մամիջանյանը նշեց, որ հատուկ միջոցները եղել են ժամկետանց, այսինքն նռնակները անմիջական վտանգ էին ներկայացնում կյանքի համար։ Ոստիկանությունը հերքեց այդ տեղեկությունները, սակայն հերքմանը ոչ ոք չի հավատում:

Մամիջանյանը տեղեկացրեց, որ հունիսի 3-ի դեպքերից հետո Փաշինյանը վերջին նախազգուշացումն է ստացել արևմտյան կառույցներից։ Գուցե այդ պատճառով հունիսի 4-ի ակցիան ընթացավ առանց ոստիկանական բռնության։ Միանգամայն իրատեսական է թվում նաև այն վարկածը, որ հունիսի 3-ին հիվանդին հանգստացնող դեղամիջոցների գերչափաբաժին են տվել։

«Անհնար է, լինելով բանակցությունների ակտիվ փուլում, գնալ բացահայտ բռնության»,- ընդգծել է պատգամավորը, մատնանշելով, որ նման միջոցներ կիրառելու դիմաց կապիտուլյանտը բանակցությունների ընթացքում վճարում է ազգային շահերով։ Իսկ ժողովուրդը հիվանդի իշխանավարման յուրաքանչյուր օրն ապրում է մեծ արյան վախով։ Մի՞թե բավական չէր այն, որ թափվեց պայմանավորված պատերազմի 44 օրերի ընթացքում։ Ռեժիմի պարագլուխը շատ շուտով կհասկանա, որ զանգվածային ձերբակալություններով ոչ մեկին չի վախեցնի…