Իրանի ԱԳՆ. Ադրբեջանի պահվածքը հակասում է բարիդրացիության սկզբունքներին

Իրանի ԱԳՆ պաշտոնական ներկայացուցիչ Նասեր Քանանին մեկնաբանել է Ադրբեջանի Հանրապետության կառավարության հապճեպ, էմոցիոնալ և ոչ կառուցողական դիրքորոշումները, գործողություններն ու արձագանքները Բաքվում իրանցի ուսուցիչների և դիվանագետների նկատմամբ: «Ադրբեջանի Հանրապետության կառավարության նման պահվածքը համարում ենք բարիդրացիության սկզբունքներին հակասող»,-ասել է նա, փոխանցում է IRNA-ն։

«Այն դեպքում, երբ ճգնաժամ ու քաոս է տարածվել օկուպացված պաղեստինյան տարածքներում, իսկ սիոնիստական ռեժիմը գտնվում է ամենաանկայուն ներքին պայմաններում, և այն դեպքում, երբ նշված ռեժիմը ձգտում է բազմաշերտ ճգնաժամներ նախագծել օկուպացված տարածքների վրա՝ հարձակվելով ծոմ պահող մահմեդականների վրա և պղծելով Ալ-Աքսա մզկիթը, Իրանի Իսլամական Հանրապետությունը իսլամական աշխարհի միասնության վրա կենտրոնանալը և միևնույն ժամանակ Իսրայելի հանցավոր և օկուպացիոն ռեժիմի հետ հարաբերությունների կարգավորմանը հակազդելը համարում է անհրաժեշտություն և կրոնական պարտք»,-նշել է իրանցի դիվանագետը:

Նշենք, որ ապրիլի 6-ին Ադրբեջանը Իրանի 4 դիվանագետի «պերսոնա նոն գրատա» է հայտարարել:

News.am