ԱՄՆ դեսպանատունը կրկին հորդորում է իր քաղաքացիներին չմեկնել ՀՀ սահմանամերձ վայրեր և ԼՂ

Ամառային զբոսաշրջային սեզոնին ՀՀ–ում ԱՄՆ դեսպանատունը իր քաղաքացիներին և դեսպանատան աշխատակիցներին կրկին հորդորում է ճանապարհորդության սահմանափակումների մասին` այն կապելով «Հայաստանի և Ադրբեջանի միջև շարունակվող հակամարտության հետ»։

Հայաստանում ամառային զբոսաշրջային սեզոնի սկսվելուն պես Երևանում ԱՄՆ դեսպանատունը հիշեցնում է, որ ԱՄՆ քաղաքացիներին, ԱՄՆ դեսպանատան աշխատակիցներին և նրանց ընտանիքների անդամներին արգելվում է ցանկացած ոչ կարևոր ուղևորություն հետևյալ վայրեր․

Տավուշի մարզ Վարագավանից արևելք Հ37 ավտոճանապարհին:

Տավուշի մարզ Նավուրից արևելք Հ36 ավտոճանապարհին։

Գեղարքունիքի մարզ Վարդենիսից արևելք։

Արարատի մարզի Երասխ գյուղով երթևեկությունը թույլատրված է, կանգառը՝ ոչ:

Ուղևորվեք Ջերմուկ, Վայոց Ձորի մարզի Գետիկի մոտով Հ42 և Հ43 ճանապարհներով:

Սյունիքի մարզ:

Լեռնային Ղարաբաղ այցելությունները նախկինի պես արգելված են։

«ԱՄՆ քաղաքացիները պետք է շարունակեն զգուշություն ցուցաբերել Հայաստանի և Ադրբեջանի միջև սահմանների մոտ գտնվելիս և խուսափեն Լեռնային Ղարաբաղի հակամարտության գոտու և շփման գծի մոտ ուղևորություններից: ԱՄՆ կառավարությունն ի վիճակի չէ արտակարգ ծառայություններ մատուցել ԼՂ-ում և նրա շրջակայքում գտնվող ԱՄՆ քաղաքացիներին, քանի որ մուտքը սահմանափակ է»,– ասված է հայտարարության մեջ։

Նշենք, որ սա 2022-ի սեպտեմբերին հրապարակվածի ավելի թեթևացված տարբերակն է։

Sputnik Արմենիա