Անդրեյ ԱՐԵՇԵՎ․ ԴԵՊԻ ԵՎՐՈՊԱ ՇԱՐԺՈՒՄԸ ՀԱՄԱԶԳԱՅԻՆ ՄԻԱՍՆՈՒԹՅԱՆԸ ՀԱԿԱՌԱԿ ՇԱՐԺՈՒՄ Է
Ռուս քաղաքագետ, Ռազմավարական մշակույթի հիմնադրամի փորձագետ Անդրեյ Արեշևը Alpha News-ին մեկնաբանել է Հայաստանի վարչապետ Նիկոլ Փաշինյանի, ԱՄՆ պետքարտուղար Անտոնի Բլինքենի և Եվրահանձնաժողովի նախագահ Ուրսուլա ֆոն դեր Լայենի առաջիկա եռակողմ հանդիպումը Բրյուսելում։
Ըստ փորձագետի՝ խոսքը Հայաստանի ինտեգրման մասին է ոչ այնքան նույնիսկ Եվրամիության ու ԱՄՆ-ի, որքան Թուրքիայի ու Ադրբեջանի հետ։
«Նախ ուզում եմ նշել, որ դեռևս բավարար տեղեկատվություն չկա ապրիլի 5-ին կայանալիք հանդիպման բովանդակության վերաբերյալ։ Բայց, այնուամենայնիվ, տարբեր ենթադրություններ են արվում Երևանի, Վաշինգտոնի և Բրյուսելի միջև կապերի հետագա խորացման մասին, ընդհուպ մինչև անվտանգության ոլորտում տարբեր հաղորդակցական և ռազմական նախագծեր, ինչը վկայում է այն մասին, որ Հայաստանի Հանրապետության իրական ինքնիշխանությունները գնալով ավելի են տրվում ի շահ նույնիսկ ոչ հավաքական Արևմուտքի, և չի բացառվում, որ տարբեր տեսակի անդրազգային կորպորացիաներին, որոնք իրենց տրամադրության տակ կունենան ՀՀ կոմունիկացիաները, բնական ռեսուրսները և այլ հնարավորություններ:
Կարծում եմ, որ իրականում խոսքը Հայաստանի ինտեգրման մասին է ոչ այնքան անգամ Եվրամիության ու ԱՄՆ-ի, որքան Թուրքիայի ու Ադրբեջանի հետ, որոնք ամեն դեպքում այս գործընթացի մաս են կազմում։ Լոգիստիկ, քաղաքական և այլ սահմանափակումները ենթադրում են Հայաստանի իրական ինտեգրում Կովկասի թյուրքական աշխարհատնտեսական տարածքին՝ Եվրամիության և Ամերիկայի Միացյալ Նահանգների ինչ-որ ընդհանուր ղեկավարող, ուղղորդող դերով։
Ակնհայտ է, որ դա ձեռնտու է այն ուժերին, որոնք լրացուցիչ, այդ թվում՝ կազմակերպչական և կադրային ազդեցություն են ձեռք բերել Հայաստանի Հանրապետության արտաքին քաղաքականության վրա»,- ասել է Արեշևը։
Քաղաքագետի կարծիքով՝ դեպի Եվրոպա ցանկացած շարժում ենթադրում է անվերջանալի պառակտման գործընթացներ:
«Հայաստանում արտաքին քաղաքական կուրսի նման էվոլյուցիան բավական լուրջ վեճեր ու տարաձայնություններ է առաջացնում, չնայած այն հանգամանքին, որ ներկայիս իշխանությունները փորձում են բոլոր խնդիրների ու անախորժությունների մեղավորը դարձնել Ռուսաստանին։ Իսկ մենք գիտենք, որ Ռուսաստանի հայերը ներկայացվում են որպես թշնամիներ։ Այս քաղաքականությունը ենթադրում է հասարակության մշտական պառակտում և դրա հետագա բաժանում տարբեր խմբակցությունների՝ սև ու սպիտակի։ Մենք գիտենք, որ հանրային կարծիքը շահարկելու այս մեթոդները բավականին երկար ժամանակ կիրառվում են Հայաստանի ներկայիս իշխանությունների կողմից։
Սկզբում բոլոր նրանց հետ չհամաձայնողները սևեր էին, հետո ինչ-որ փուլում անցանկալի դարձան ղարաբաղցիները։ Հիմա մենք տեսնում ենք, որ սխալ են Ռուսաստանի հայերը։ Եվ այսպես, դուք կարող եք շարունակել անվերջ: Եվ ցանկացած եվրաինտեգրում, ցանկացած շարժում դեպի Եվրոպա, ինչպես տեսնում ենք հետխորհրդային տարածքի այլ պետությունների օրինակում, ենթադրում է հենց այդպիսի անվերջ պառակտման և անվերջ շարժման գործընթացներ համազգային միասնության ճիշտ հակառակ ուղղությամբ։ Դրան հասնելու համար բավականին լուրջ ջանքեր են գործադրվում։ Եվ մենք տեսնում ենք, որ նման մարտավարությունն ունի որոշակի հաջողություններ, ինչի համար ցավում եմ»,- եզրափակել է Արեշևը:
