Վարազդատ Լալայանը դարձավ Եվրոպայի կրկնակի չեմպիոն

Ծանրամարտի Եվրոպայի առաջնությունը Քիշնևում ավարտվեց գերծանր քաշային կարգում հայ ծանրորդ Վարազդատ Լալայանի (+109 կգ) փայլուն հաղթանակով։

Պոկում վարժությունում աշխարհի ու Եվրոպայի գործող չեմպիոն, օլիմպիական արծաթե մեդալակիր Լալայանը առաջին իսկ մոտեցումով ապահովեց փոքր ոսկե մեդալը՝ բարձրացնելով 200 կգ կշռող ծանրաձողը, իսկ վարժությունը մեր մարզիկը ավարտեց 210 կգ արդյունքով։ Հրում վարժությունում նույնպես Լալայանը առաջին իսկ մոտեցումով լուծեց բոլոր հարցերը՝ երկամարտի 450 կգ արդյունքով դառնալով կրկնակի չեմպիոն։

Ավելի վաղ Եվրոպայի չեմպիոն էր դարձել Գարիկ Կարապետյանը (109 կգ), Եվրոպայի փոխչեմպիոն՝ Լիանա Գյուրջյանը (87 կգ), Սիմոն Մարտիրոսյանը (109), Ռաֆիկ Հարությունյանը (81 կգ), Գոռ Սահակյանը (73կգ) և Ալեքսանդրա Գրիգորյանը (55 կգ), իսկ Դավիթ Հովհաննիսյանն (96 կգ) ու Գառնիկ Չոլակյանը (61 կգ) դարձել էին բրոնզե մեդալակիր։

Sputnik Արմենիա