Սուրեն Պարսյան․ ՀԷՑ-ում շուտով «ցնցուղ-2» օպերացիայի տեսքով շոուներ ենք տեսնելու

Այն մարդիկ, որոնք ստանձնել են ՀԷՑ–ի կառավարումը, փորձառություն չունեն, քաղաքական մարդիկ են, և նրանք առաջին հերթին իրենց առջև դնելու են քաղաքական շոուները։ Այս մասին NEWS.am–ի հետ զրույցում նշեց տնտեսագետ Սուրեն Պարսյանը։

«Ես վստահ եմ՝ մոտակա ժամանակներում կտեսնեինք իրավիճակներ, այսպես ասաց, «ցնցուղ–2» օպերացիայի տեսքով։ Աայսինքն նույն կառավարության նշանակած կամ հանձնաժողովի նշանակած մարդիկ կգնան ինչ-որ գնումներ ցույց կտան, որ ՀԷՑ–ը վատ, անարդյունավետ գնումներ է արել, բայց դրանք, որ գումարես իրար, կարող է մի քանի միլիոն դրամ կամ լավ միլիարդ դրամ լինի, որ էական ազդեցություն չի։ Այսինքն իրենք գնալու են շոուների, որ տեսեք, նախկինում այս–այս մարդիկ ընկերությունը անարդյունավետ են կառավարել, թալանել են, դրա համար սակագինը բարձր է։ Իրենք փորձելու են այս մեսիջը տալ հանրությանը, բայց այդ թալանածը այնքան չի լինելու, որ իրենք սակագին իջեցնեն։

Եվ մյուս կարևոր արձանագրումը անենք, որ ներդրումները ապագայում, որ պետք է կատարվեն, ևս կասկածի տակ է դրվում, թե ինչ աղբյուրների հաշվին է դա կատարվելու, և պետությունը, որ պետք է վերահսկեր ներդրումները, հիմա պետք է մտածի՝ փողը որտեղից է ճարելու։ Այսինքն ինքը պետք է և փողը գտնի, և պետք է այդ ներդրումները վերահսկի։ Սա մեծ բեռ է»,– հայտաևրարեց տնտեսագետը։

Նրա խոսքով, երրորդ կարևոր գործոնը աշխատատեղերի պահպանման հարցն է. «ՀԷՑ–ի ղեկավարությունը իր եկամուտի հաշվին աշխատատեղեր էր պահում։ Հիմա իրենք կարող են ասել՝ ոչ էլ չենք ուզում աշխատատեղեր պահել եկամուտի հաշվին։ Արդյունքում կարող է նաև որոշակի աշխատատեղերի կրճատում լինել։

Իսկ եթե աշխատավարձերի աճ լինի, որի մասին խոսում են, դա ևս դրվելու է սակագնի մեջ։ Ոչ մեկն իր գրպանից, վստահաբար ոչ էլ «Տաշիր Գրուպը» չի ֆինանսավորի նոր աշխատավարձերի աճը։ Կառավարությունը էլ պետական բյուջեից չի կարող տրամադրել գումար, որ ՀԷՑ–ի աշխատողների աշխատավարձերը բարձրացնեն։ Միակ աճը կարող է լինել, երբ որ սակագնի վերանայում կատարվի։ Այսինքն աշխատավարձի մասով էլ մենք չենք ունենալու էական ինչ-որ փոփոխություն»,–ասաց նա։