«ԳԱ»-ի քաղաքական մեկնաբանն է 2002 թվականից։
Կրթությամբ պատմագետ է, աշխատել է «Ռեգնում», «Նոյան տապան» գործակալություններում, «Երկիր» թերթի գլխավոր խմբագիր։
Թեմատիկան. հոդվածներ ներքին և արտաքին քաղաքականության մասին, վերլուծություն, հրապարակախոսություն, ակնարկներ, պատմվածքներ։ Մամուլում ռուս-հայկական հարաբերությունների լուսաբանման համար 2004 թվականին գրանցվել է «Ռուսկի միր» մրցանակաբաշխության հաղթողների ցանկում։
Թրամփի ու Մասքի թեթև ձեռքով հայրենի ռուսատյացները հայտնվել են ֆինանսավորման կորստի վտանգի տակ։ Ի՞նչ անել։ Սկզբում նրանք հույսեր էին փայփայում, թե իրենց ֆինանսավորմամբ կզբաղվի կառավարությունը։ Բայց ինչ-ինչ, փող հաշվել Փաշինյանի կառավարությունը կարողանում է, և դժվար թե որոշի ծախսել դա մի թայֆայի վրա, որը վերջին իրադարձությունների լույսի ներքո ցույց տվեց իր քաղաքական սնանկությունը։
Պուտինի և Թրամփի մեկուկես ժամ տևած զրույցը շատերին հույս ներշնչեց, որ հնարավորություն կա առաջիկա ամիսների ընթացքում վերջ տալ Ուկրաինայում ընթացող պատերազմին։ Եվ դրանով իսկ վերջ տալ ոչ այնքան ռուս-ուկրաինական հակամարտությանը, որքան Արևմուտքի և Ռուսաստանի գլոբալ դիմակայությանը։ Դիմակայություն, որը մեծ աղետի եզրին հասցրեց աշխարհը: Դիմակայություն, որի արձագանքն ակնհայտ էր բազմաթիվ այլ տեղային հակամարտություններում։ Հայաստանն ու Արցախը իրենց վրա զգացին դա լիակատար չափով, քանզի Երևանում իշխանության ղեկին այն մարդն է, որի ականջին մշտապես շշնջում էին, թե Ռուսաստանը ուր որ է կփլուզվի, և ինչ-որ փուլում նա լրջորեն հավատաց դրան։
Ինչպես արդեն հաղորդվել է, դատարանը հինգուկես տարվա ազատազրկման է դատապարտել Արցախի Պաշտպանության բանակի նախկին հրամանատար Ջալալ Հարությունյանին: Հիշեցնենք, որ Հարությունյանը Արցախի Պաշտպանության բանակի հրամանատարն էր 44-օրյա պատերազմի սկզբից մինչև 2020 թվականի հոկտեմբերի 27-ը. պատերազմական գործողությունների միայն վերջին օրերին, ստացած վիրավորումից հետո նրան փոխարինեց Միքայել Արզումանյանը:
Բարի քեռի Փաշինյանը Վաշինգտոնում ԱՄՆ հայ համայնքի ներկայացուցիչների հետ հանդիպման ժամանակ բարձրացրեց ևս մեկ «նշաձող». հայտարարեց, թե 44-օրյա պատերազմում պարտությունը թույլ է տվել Հայաստանին անկախ ինքնիշխան պետություն կառուցելու հնարավորություն ստանալ: Դե, իսկը Օրուելի ոգով, ո՞նց չհիշես…
Թրամփն ու Մասքը փակեցին USAID-ի թթվածինը: Իլոն Մասքը հայտարարեց, որ «USAID-ը հանցավոր կազմակերպություն է. ժամանակն է, որ այն մեռնի»: Նա հավելեց, որ կազմակերպությունը ղեկավարում էր «արմատական խելագարների կույտը», և Կառավարման արդյունավետության դեպարտամենտի (DOGE) ներկայացուցիչները, որը ղեկավարում է Մասքը, հսկողության տակ են առել գործակալության գրասենյակները, ներառյալ դրա հիմնական համակարգերի հասանելիությունը:
Փորձելով հարթել Ցեղասպանության վերաբերյալ Շվեյցարիայում վարչապետի հնչեցրած հայտարարությունների գործած տպավորությունը, այսօր Փաշինյանն ու նրան սպասարկող թիմը ամեն քայլափոխի վստահեցնում են, թե իրենց մտքով անգամ չի անցնում կասկածի տակ առնել Ցեղասպանության փաստը։ Իբր՝ Շվեյցարիայում վարչապետը նկատի է ունեցել լոկ այն, որ 30-ական թվականներին ԽՍՀՄ-ում Ցեղասպանության թեման չէր բարձրացվում, քանի որ դա ձեռնտու չէր, իսկ 1950-ականներին սկսեց շրջանառվել, քանի որ շահավետ դարձավ Խորհրդային իշխանության համար…
Նիկոլ Փաշինյանի այն հայտարարությունը, որ արտահերթ խորհրդարանական ընտրություններ չեն լինելու, իշխանությունների այն գիտակցման վկայությունն է, որ եթե ներկա պայմաններում գնան ընտրությունների, ապա կձախողվեն։ Ինչպես վկայում են տարբեր կառույցների վերջին սոցհարցումները, Փաշինյանի նկատմամբ վստահության վարկանիշը 10%-ից քիչ ավելի է։ Այլ հարց է, որ Փաշինյանին վստահելը միամտություն է. «ազնիվ» վարչապետը բազմիցս ապացուցել է դա, և եթե ընդհանուր իրավիճակը, այդ թվում՝ արտաքին, փոխվի այնպես, որ իշխող թիմը վերընտրվելու հնարավորություն ստանա, Փաշինյանն արագ կմտափոխվի։
Լուկաշենկոն որոշեց լիովին ոխը հանել Փաշինյանից և Մինսկում բլոգերների, ԶԼՄ-ների ներկայացուցիչների, տարբեր երկրների հասարակական գործիչների հետ հանդիպման ժամանակ մի շարք ուշագրավ հայտարարություններ արեց։ Մասնավորապես՝ այն մասին, որ Փաշինյանի հետ տարաձայնություններ է ունեցել դեռ նախքան 44-օրյա պատերազմը, առաջին իսկ օրերից, երբ Փաշինյանը սկսեց ներկայացնել Հայաստանը ՀԱՊԿ և ԵԱՏՄ հարթակներում։
Արարատ Միրզոյանը Մոսկվայում ասաց, թե իր ներկայիս այցը պատրաստվել է երեք ամիս շարունակ, սակայն հետաձգվել է տեխնիկական պատճառներով: Կարծում ենք՝ «տեխնիկական պատճառների» շարքում փոքր դեր չեն խաղացել նաև ընտրություններն Ամերիկայում։ Սկզբում Երևանը սպասում էր՝ փափագելով դեմոկրատների հաղթանակը, իսկ հետո՝ երկար կողմնորոշվում, թե ինչ դիրք ընդունի նոր վարչակազմի օրոք։ Արդյունքում եկան այն եզրակացության, որ ժամանակն է հիշել Ռուսաստանի հետ ռազմավարական դաշինքի մասին՝ ոչ միայն տնտեսական ոլորտում։
Վերջերս Հանրային հեռուստաընկերության եթերում հերթական բանավեճն էր, որի ընթացքում Նիկոլի գուրգուրած վայ-վերլուծաբանները կրկին փորձում էին համոզել բոլորին, թե Արցախը Ադրբեջանին է հանձնել ոչ թե Փաշինյանը, այլ Պուտինը... Գլխավոր բանախոսը մի զվարճալի կերպար էր, որը նախքան Փաշինյանի պալատական վերլուծաբան դառնալը ցրիչ է աշխատել Սարատովում։ Եվ հենց միայն դա արդեն վկայում է նրա արտակարգ ունակությունների մասին։