Մարինա ԳՐԻԳՈՐՅԱՆ

հոդվածներ 472

«ԳԱ» գլխավոր խմբագրի տեղակալ։

Ժուռնալիստիկայում է 1987 թվականից։ Մասնագիտական հետաքրքրությունները. Ղարաբաղյան հիմնախնդիր, Հայոց Ցեղասպանություն, հակամարտությունների կարգավորում և տարածաշրջանային քաղաքական խնդիրներ։ Աշխատել է հայկական և ռուսական մի շարք ԶԼՄ-ներում, կազմակերպություններում և գերատեսչություններում, եղել է Միջազգային ֆրանսիական ռադիոյի (RFI ) թղթակից։ 1995 թվականին առաջադրվել է ՀՀ ԱԺ պատգամավորության թեկնածու։ Ժուռնալիստական մի քանի մրցանակների դափնեկիր է, 2013 թվականին պարգևատրվել է Լեռնային Ղարաբաղի Հանրապետության «Վաչագան Բարեպաշտ» մեդալով։

1997 թվականից «Ընդդեմ իրավական կամայականության» ՀԿ-ի խորհրդի անդամ է։ 2009 թվականից ղեկավարում է «Սովորական ցեղասպանություն» նախագիծը, որն իրագործվում է ՀՀ նախագահի վարչակազմի Հասարակական կապերի և տեղեկատվության կենտրոնի կողմից և որի շրջանակներում ստեղծվում են փաստագրական ֆիլմեր, ինտերնետ-կայքեր և հրատարակվում են գրքեր, նվիրված ղարաբաղյան հակամարտության տարածաշրջանի 1988-1992թթ. իրադարձություններին։

Հետաքրքրությունները. գրականություն, կինո, ճանապարհորդություններ, թարգմանություններ։ Մոսկվայում հրատարակված դետեկտիվ վեպերի հեղինակ է։ Տիրապետում է հայերեն, ռուսերեն և անգլերեն լեզուներին։

Բոլոր հոդվածները

  • 2020-07-15 20:32
    1277
    анализ

    ՕՐՎԱ ՀՐԱՄԱՅԱԿԱՆԸ ՎԻԵՆՆԱՅԻ ԵՎ ՍԱՆԿՏ ՊԵՏԵՐԲՈՒՐԳԻ ՊԱՅՄԱՆԱՎՈՐՎԱԾՈՒԹՅՈՒՆՆԵՐԻ ՎԵՐԱԴԱՐՁՆ Է ՕՐԱԿԱՐԳ

    Հայ-ադրբեջանական սահմանի վրա ռազմական գործողությունների խորապատկերին Իլհամ Ալիևը հուլիսի 13-ին Անվտանգության խորհրդի նիստ հրավիրեց ու ճառ արտասանեց: Նրա խոսքերով՝ Հայաստանը սադրանք է իրականացրել և «դաժանաբար պատժվել»։ «Նրանք գնդակոծում են մեր գյուղերն ու քաղաքացիական բնակչությանը՝ իրականացնելով ռազմական սադրանքներ, ցանկանում են հարձակվել Ադրբեջանի տարածքների վրա և զավթել մեր դիրքերը։ Ողջ պատասխանատվությունն ընկած է Հայաստանի ղեկավարության վրա», - հայտարարեց Բաքվի տիրակալը։ Իսկ այնուհետ մխիթարեց ցեղակիցներին հավաստիացումներով, թե իբր՝ «Ադրբեջանը պաշտպանել է իր պետական սահմանը, և հայ զինվորները չեն կարողացել նույնիսկ մեկ սանտիմետր անցնել ադրբեջանական հող»։

  • 2020-07-14 17:37
    1100
    анализ

    ԹՈՒՐՔԻԱՆ ՎԱՐԿԱԲԵԿՈՒՄ Է ՄԻՆՍԿԻ ԽՄԲԻՆ. ԻՐ ԽՈՍՔԸ ՊԵՏՔ Է ԱՍԻ ԵՐԵՎԱՆԸ

    Հայ-ադրբեջանական սահմանին տեղի ունեցած վերջին իրադարձությունները կրկին, արդեն որերորդ անգամ միանգամայն միանշանակորեն առաջ մղեցին վաղուց հասունացած հարցը. ի՞նչ է անում Թուրքիան ԵԱՀԿ Մինսկի խմբում: Ամենացուցանշականն այն է, որ իրենք՝ թուրքերը, նույնքան վաղուց և միանշանակորեն պատասխանել են այդ հարցին.անվերապահորեն աջակցում է Ադրբեջանին։ Ուստի շատ ավելի արդիական է դառնում մեկ այլ հարց. ե՞րբ է, վերջապես, պաշտոնական Երևանը ոչ միայն բանավոր հայտարարելու այնտեղ Անկարայի ներկայության անընդունելիության մասին, այլև գործնականում պահանջելու բացառել թուրքերին ՄԽ կազմից։ Հենց այդպես. պահանջելո՛ւ։ Եվ պնդելու, դրանով պայմանավորելով բանակցությունների հետագա շարունակությունը։

  • 2020-07-08 09:12
    1285
    анализ

    ԱԼԻԵՎԸ ԼԿՏԻԱՆՈՒՄ Է, ԵՎՐՈՊԱՆ՝ ՀԱՆԴՈՒՐԺՈՒՄ. ՖՐԱՆՍԻԱ, ԴՈՒ ԳՈ՞Հ ԵՍ

    ԵԱՀԿ-ում սկանդալ է բռնկվել, որի կենտրոնում կրկին հայտնվել է Ադրբեջանը։ Այս անգամ Բաքվի դեմարշը կապված է ֆրանսիացի դիվանագետ Արլեմ Դեզիրի հետ, որի թեկնածությունը նոր ժամկետի է առաջադրվել որպես զանգվածային լրատվամիջոցների ազատության հարցերով ԵԱՀԿ ներկայացուցիչ։ Քանի որ Դեզիրը իր առաջին ժամկետի ընթացքում հետևողականորեն և սկզբունքայնորեն պաշտպանել է ադրբեջանական լրատվամիջոցների, լրագրողների իրավունքներն ու ազատությունները և «հանդգնել» է քննադատել իշխանություններին, Իլհամ Ալիևը վաղուց էր քեն պահում նրա դեմ։ Եվ ահա եկավ վրեժխնդիր լինելու ժամանակը։ Քանզի չի՛ կարելի ոտնձգություն կատարել մտքով անցածն անելու նախագահի սրբազան իրավունքի դեմ և սեփական ժողովրդավարական օյիններով խցկվել ալիևյան սուլթանություն։

  • 2020-07-07 09:55
    1116
    анализ

    CRRC-Ն ԱՌԱՋԱՐԿՈՒՄ Է ԱՐՑԱԽՅԱՆ ՀԻՄՆԱԽՆԴՐԻ ԿԱՐԳԱՎՈՐՄԱՆ ՆՈՐ ՏԱՐԲԵՐԱ՞Կ

    Սոցիոլոգիական հարցումներ վերջին ժամանակներս հազվադեպ են անցկացվում ինչպես Հայաստանում, այնպես էլ տարածաշրջանում։ Նախորդ տարիներին հասարակական կարծիքի ուսումնասիրություններ անցկացվում էին կանոնավորապես. այլ հարց է, որ բուն հասարակությունը առանձնապես չէր վստահում արդյունքներին, համարելով, որ հեղինակները վարձված են, իսկ արդյունքները՝ պատվիրված։ Ուստի առավելևս հետաքրքիր են սոցհարցման արդյունքները, որոնք ընդ որում անցկացվել են Արցախի հարցով, այն էլ ներկա պայմաններում, երբ կարգավորման գործընթացը բազմաթիվ հարցեր ու բավականաչափ տագնապ է ծնում հայ հասարակության մեջ։

  • 2020-06-01 16:13
    753
    анализ

    ԵՐԵՔ ԱՄԻՍ՝ ԱՌԱՆՑ ՄՇՏԱԴԻՏԱՐԿՄԱՆ. ԻՆՉՈ՞Ւ ԵՆ ՀԱՄԱՆԱԽԱԳԱՀՆԵՐԸ ԱՆՏԵՍՈՒՄ ՀԱՍԱՆՈՎԻՆ

    Մայիսի 31-ին, կիրակի օրը, Ադրբեջանի պաշտպանության նախարարությունը հանդես եկավ հայտարարությամբ, որը, ըստ էության, պետք է հարուցեր ինչպես հայկական կողմերի, այնպես էլ միջնորդների բուռն արձագանքը: Զաքիր Հասանովի գերատեսչությունը հայտարարեց, թե նախ՝ «բանակն անպայման կօգտվի ուժի կիրառման իրավունքից՝ գրավյալ տարածքներն ազատագրելու համար», և երկրորդ՝ «Հայաստանի հետ Ադրբեջանի բանակցություններն անիմաստ են»: Բացի այդ, ինչպես իր մեկնաբանության մեջ նշեց Հայաստանի Պաշտպանության նախարարության մամուլի քարտուղար Շուշան Ստեփանյանը, Հասանովը տվյալ հայտարարությամբ «ընդունեց, որ 2016-ի ապրիլյան գործողությունների նախաձեռնողը ադրբեջանական կողմն է՝ ի դեմս իրեն և իր գերագույն հրամանատարի»:

  • 2019-10-04 20:18
    1009
    мнение

    Ի ԳԻՏՈՒԹՅՈՒՆ ԱԼԻԵՎԻ. ԲԱՑԱԿԱՆՉԱԿԱՆ ՆՇԱՆԸ ՎԱՂՈՒՑ Է ԴՐՎԵԼ ՀԱՅ ԺՈՂՈՎՐԴԻ ԿՈՂՄԻՑ

    Իլհամ Ալիևի ելույթը «Վալդայ» միջազգային ակումբի Սոչիում կայացած նիստում իսկական էքստազ առաջացրեց Բաքվի ԶԼՄ-ներում։ Թվում է՝ ոչ մի նոր բան չէր ասվել, ադրբեջանական քարոզչության նույն սովորական թեզիսները… բացառությամբ մի բանի. Ալիևը արձագանքեց Նիկոլ Փաշինյանի այն հայտարարությանը, որ «Արցախը Հայաստան է, և վե՛րջ»։ Այստեղ երկու տարբերակ կա. կա՛մ նրա աշխատակազմի վերլուծաբաններին անհրաժեշտ եղավ ավելի քան երկու ամիս մտածել, որպեսզի վերջապես պատասխան գտնեն, կա՛մ էլ Ալիևը համարձակվեց հայտարարել. «Ղարաբաղը դա Ադրբեջանն է։ Եվ բացականչական նշան», միայն Սերգեյ Լավրովի մեկնաբանությունից հետո, որ արել էր նույն ակումբի նիստի նախօրեին։

  • 2019-09-16 21:04
    1770
    анализ

    ԱԶԴԱՆՇԱՆՆԵՐ ԲԱՔՎԻՑ։ ԿԼՍԵ՞Ն ԱՐԴՅՈՔ ԴՐԱՆՔ ԵՐԵՎԱՆՈՒՄ

    Սեպտեմբերի 11-ին Բաքվում կազմակերպվեց կլոր սեղան՝ «Արտաքին միջամտությունների անթույլատրելիությունը Ադրբեջանի քաղաքական գործընթացներին» փքուն անվանումով։ Նկատի առնելով, որ միջոցառումը կազմակերպել էր «Անա Վետեն» (Մայր հայրենիք) իշխանամետ կուսակցությունը և այնտեղ ելույթ ունեցավ փոխվարչապետ և «Ենի Ազերբայջան» իշխող կուսակցության գործադիր քարտուղար Ալի Ահմեդովը, հիմքեր կան ենթադրելու, որ ալիևյան ռեժիմը լրջորեն անհանգստացած է այն գործընթացներից, որ տեղի են ունենում Բաքվի ԶԼՄ-ների ճնշող մեծամասնության պաշտոնական հաղորդումների և հրապարակումների երփներանգ ճակատամասի հետևում։

  • 2019-09-12 07:08
    2021
    текущие события

    «ՎԱՇԻՆԳՏՈՆՅԱՆ ԲԱԶԵՆ» ՀԵՌԱՑԱՎ, ՓՈԽԱՐԵՆԸ Ի՞ՆՉ

    Ազգային անվտանգության հարցերով Դոնալդ Թրամփի խորհրդական Ջոն Բոլթոնի պաշտոնազրկումը դարձավ սեպտեմբերի 11-ի տեղեկատվական գլխավոր թեման, ստվերում թողնելով վշտալի տարելիցը. 18 տարի է անցել ԱՄՆ-ում տեղի ունեցած ահաբեկչական գործողություններից, որոնք գրեթե 3 հազար մարդկային կյանք խլեցին և սկիզբ դրեցին նոր աշխարհակարգի ձևավորմանը։

  • 2019-09-10 19:54
    2322
    анализ

    ԻՆՉԻ ՄԱՍԻՆ ԵՆ ԼՌՈՒՄ ԾԵՐԵԹԵԼԻՆ ԵՎ ԶԱԽԱՐՈՎԱՆ

    Ադրբեջանական քարոզչական մեքենան չի ննջում։ Այն բանից հետո, երբ Նիկոլ Փաշինյանը օգոստոսի 5-ին Ստեփանակերտի իր ելույթում կրկնեց Լեոնիդ Ազգալդյանի հայտնի բառերը՝ «Արցախը Հայաստան է, և վե՛րջ», խնդիր է դրվել հասնել այն բանին, որ այդ հայտարարությունը դատապարտեն առաջին հերթին բանակցային գործընթացում ներգրավված կողմերը։ Այդ նպատակով օրերս համապատասխան հարց տրվեց Մարիա Զախարովայի ճեպազրույցում, նույն հարցով ադրբեջանական ԱՊԱ գործակալությունը դիմեց ԵԱՀԿ խորհրդարանական վեհաժողովի նախագահ Գեորգի Ծերեթելիին։

  • 2019-09-09 19:52
    2296
    перечень фактов

    ԵՐԿՈՒՍԸ ԳԵՏԱՇԵՆՈՒՄ, ԹԵ՞ ԵՐԿՈՒՍԸ ԳԵՏԱՇԵՆԻՑ

    Սեպտեմբերի 6-ին ադրբեջանական աղբյուրները հաղորդեցին, որ երբեմնի հայկական Գետաշեն գյուղում ձերբակալվել են ծագումով հայ ՌԴ երկու քաղաքացիներ, ենթադրաբար՝ ամուսիններ։ Համաձայն բավական ժլատ տեղեկատվության, նրանք Ադրբեջան են եկել որպես զբոսաշրջիկներ և կանգ առել Գյանջայում (Գանձակ)։ Ձերբակալելով, նրանց տարել են Գյոյգյոլ շրջկենտրոն, մեղսագրելով լրտեսություն. ամուսինները, նախնական տեղեկատվությամբ, ֆոտոլուսանկարահանումներ էին անցկացնում Գետաշենում։