Հոկտեմբերի 5-ին Գրանադայում կայացած քառակողմ հանդիպման արդյունքներով ընդունված հայտարարության առանցքային ուղերձները համահունչ բանակցային գործընթացը պետք է շարունակվի։ Այս մասին հայտարարել է ՀՀ արտաքին գործերի նախարար Արարատ Միրզոյանն Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարի հետ հանդիպման ժամանակ։ Հայտնում է ՀՀ ԱԳՆ մամուլի ծառայությունը։
Իսրայելը հրամայել է ՄԱԿ-ի անձնակազմին և Վադի Գազայից հյուսիս գտնվող բնակչությանը 24 ժամվա ընթացքում տարհանել Գազայի հատվածի հարավային հատված։ Իսրայելը ուղերձը փոխանցել է Գազայի հատվածում գտնվող ՄԱԿ-ի թիմին հինգշաբթի տեղական ժամանակով կեսգիշերից քիչ առաջ, հաղորդում է ՄԱԿ-ը:
ԱՄՆ նախագահ Ջո Բայդենը երկարաձգել է Սիրիայի հետ կապված արտակարգ դրությունը:
Հայաստանի Հանրապետությունում արձանագրվել է սուր շնչառական վարակներով պայմանավորված ակտիվության աճ, ինչպես նաև կորոնավիրուսային հիվանդությամբ (COVID-19) պայմանավորված հիվանդացության ակտիվություն։ Միաժամանակ ՀՀ-ում դետքային համաճարակաբանական հսկողության շրջանակներում իրականացված լաբորատոր հետազոտությունների արդյունքում գրիպի վիրուսի հարուցիչներ չեն հայտնաբերվել։ Տեղեկությունը հայտնում է ՀՀ առողջապահության նախարարությունը` պատասխանելով Sputnik Արմենիայի գրավոր հարցմանը։
ԵԽԽՎ-ում ՀՀ պատվիրակության անդամ Արմեն Գևորգյանի ելույթ է ունեցել ԵԽԽՎ աշնանային նստաշրջանի հոկտեմբերի 12-ի լիագումար նիստում «Եվրոպայի խորհրդի դերը հակամարտությունների կանխարգելման, միջազգային կառույցների վստահության վերականգնման և համընդհանուր խաղաղության խթանման գործում» թեմայով քննարկման ժամանակ։ Գևորգյանը, մասնավորապես, ասել է․
Հալիձորում հոկտեմբերի 11-ից գործում է համայնքային կենտրոն, որն ուղղված է կրթության, մշակույթի, սպորտի ոլորտներում ծրագրերի իրականացմանն ու համայնքային ներուժի ամրապնդմանը: Կենտրոնը կդառնա նաև համայնքի բնակիչների հանդիպումների, շփումների, գաղափարների քննարկման վայր, կխրախուսի Հալիձորում մշակութային բազմազանությունը՝ կազմակերպելով ցուցահանդեսներ, համերգներ և այլ միջոցառումներ։ Հայտնում են IDeA հիմնադրամի հանրային կապերի բաժնից:
Իսրայելը ցնցվել է աննախադեպ հարձակումից, որի հետևանքով զոհվեց ավելի քան 1200 մարդ և տասնյակ հազարավոր իսրայելցիներ ստիպված եղան լքել իրենց տները: ՀԱՄԱՍ-ի նպատակը, ինչպես նշված է նրա հիմնադիր փաստաթղթում, էթնիկ զտումն է և հրեական պետության վերացումը: Նույնիսկ այն բանից հետո, երբ Իսրայելի զենքերը կլռեն, իսրայելցի դիվանագետները կձգտեն Արևմուտքի ճնշման, եթե ոչ պատժամիջոցների, նրանց դեմ, ովքեր զենք են տրամադրում ՀԱՄԱՍ-ին, գրում է Մայքլ Ռուբինն իր National Interest հոդվածում:
ՀՀ Գեղարքունիքի մարզի Գավառ համայնքի Կարմիրգյուղ և Գեղարքունիք գյուղերի վարչական տարածքների սահմանագծին գտնվող Քանագեղ հնավայրի դամբարանադաշտում այս տարվա հոկտեմբերի սկզբից սկսվել և ընթանում են 11-րդ դամբարանի պեղման աշխատանքները։ «Արմենպրես»-ի տեղեկացմամբ՝ պեղումներն իրականացվում են ՀՀ ԿԳՄՍ նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ հնագիտական արշավախմբի կողմից, որը ղեկավարում է պատմական գիտությունների դոկտոր, հնագետ Աշոտ Փիլիպոսյանը։ Արշավախմբի կազմում են հնագետ Բեն Վարդանյանը, հնագետ-հնամարդաբան Հասմիկ Սիմոնյանը և հնագետ-վերականգնող Տիգրան Զաքյանը։
Անցյալ տարի հնագետները հայտնաբերել են հնագույն աթոռ, որը թվագրվում է մ.թ.ա 7-րդ դարով: Հայտնաբերումը տեղի է ունեցել Գերմանիայի Էնդսեե գյուղում միջնադարյան թաղման պեղումների ժամանակ, գրում է HeritageDaily-ն։
Սերժ Թանկյանը X-ի իր բլոգում դիմել է Բարաք Օբամային՝ հարցնելով՝ ինչո՞ւ վերջինը չի խոսել Արցախի հայերի բռնի տեղահանումների մասին, երբ դա տեղի էր ունենում երկու շաբաթ առաջ։ Աշխարհահռչակ ռոք երաժիշտը կիսվել է ԱՄՆ-ի 44-րդ նախագահի գրառմամբ, որում վերջինը նշում է, որ բոլոր ամերիկացիները պետք է սարսափած և վրդովված լինեն Իսրայելի վրա կատարված ահաբեկչական հարձակումներից և անմեղ քաղաքացիների սպանությունից։