Եվրախորհրդարանում Լեռնային Ղարաբաղում տիրող իրավիճակի վերաբերյալ բանավեճը շատ կարևոր է այս ուղղությամբ ԵՄ հետագա գործողությունների համար։ Այս մասին Apha News-ին տված հարցազրույցում ասել է Գերմանիայից Եվրախորհրդարանի պատգամավոր Լարս Պատրիկ Բերգը։
Հաագայում ՄԱԿ-ի միջազգային դատարանը Լեռնային Ղարաբաղի իրավիճակի պատճառով Ադրբեջանի դեմ ներկայացված հայցի վերաբերյալ լսումների օր է նշանակել հոկտեմբերի 12-ը։ Ինչպես հայտնում է ՌԻԱ Նովոստին, այս մասին ասվում է դատարանի հայտարարության մեջ:
Հայաստանի Հանրապետության պաշտպանության նախարարությունը Ռուսաստանի Դաշնության ՊՆ պատվիրակության այցի վերաբերյալ որևէ տեղեկություն չունի։ Այս մասին Sputnik Արմենիայի հետ զրույցում հայտնեց ՀՀ ՊՆ մամուլի խոսնակ Արամ Թորոսյանը։
Երեկվա դրությամբ 250 բեռնատարներ դուրս են եկել Հայաստանից դեպի Ռուսաստան, որոնց մի մասը ճանապարհին է, մյուս մասը հասել է Վերին Լարս, ձևակերպվում է, գուցե մի մասը արդեն մտել է Ռուսաստան: Այս մասին NEWS.am-ի հետ զրույցում նշեց Ռուսաստանում ՀՀ դեսպանությանը կից մաքսային կցորդ Վահան Հակոբյանը:
Այս բանաձևերը մնում են ապարդյուն, եթե ԵՄ գործադիր իշխանությունը համապատասխան քայլեր չձեռնարկի «Արմենպրես»-ի փոխանցմամբ՝ այս մասին հայտարարել է ՀՅԴ Հայ դատի Եվրոպայի գրասենյակի նախագահ Գասպար Կարապետյանը՝ մեկնաբանելով Եվրոպական խորհրդարանի՝ հոկտեմբերի 5-ին ընդունված բանաձևը:
ԱՄՆ մի շարք կոնգրեսականներ, ինչպես նաև իրավապաշտպան և կրոնական կազմակերպություններ Կապիտոլիումի բլրի վրա տեղի ունեցած միջոցառման ընթացքում դատապարտել են Լեռնային Ղարաբաղում Ադրբեջանի կողմից իրականացված էթնիկ զտումը, ինչպես նաև ԱՄՆ նախագահ Ջո Բայդենի վարչակազմից պահանջել են պատասխանատվության ենթարկել Բաքվին։
Ռուսաստանի պաշտպանության նախարարության պատվիրակությունը ուրբաթ կայցելի Երևան՝ քննարկելու Լեռնային Ղարաբաղից ռուսական խաղաղապահ զորախմբի դուրսբերման ժամկետները։ Այս մասին ТАСС-ին հայտնել է դիվանագիտական աղբյուրը։
ԱՄՆ նախագահ Ջո Բայդենի վարչակազմն այլևս չի ձգտում ԱՄՆ Կոնգրեսից ստանալ Ուկրաինային 24 միլիարդ դոլար օգնություն հատկացնելու պահանջ և դիտարկում է Կիևին ֆինանսական աջակցության այլ տարբերակներ։ Այս մասին հայտնում է The Washington Post-ը։
Ինչո՞ւ է պետք պայքարի նոր ձևաչափ և որն է ճիշտ ճանապարհը Անունը դնենք կոմիտե, հարթակ, դաշինք. միայն թե՝ սկսենք ։ Շատ մեծ է հավանականությունը, որ Հայաստանում սկսվի պետականության անզուսպ փլուզում՝ Արցախի դատարկման ինտենսիվությամբ։ Շատ մեծ է անվերահսկելի զարգացումների հավանականությունը։ Արտաքին գործոնները և իշխանության որակն ու քայլերը դրան են տանում։ Հանրային նոր ձևաչափը չափազանց կարևոր է՝ պետականության անկման անկառավարելի, անզուսպ խուճապ թույլ չտալու և փոփոխությունների լայն պլատֆորմ ստեղծելու համար, որը կբերի տրամաբանական իշխանափոխության՝ միակ հնարավորությունը՝ պետությունը պահելու։
Վերջին օրերին ադրբեջանական իշխանության կողմից Արցախի պաշտոնաթող ու գործող առաջնորդների, հանրային-պետական գործիչների ազատազրկումներն ու առևանգումները բացահայտ անօրինական են և բացարձակ կամայական, հանցավոր արարքներ են: Այս մասին գրում է Հայաստանի մարդու իրավունքների նախկին պաշտպան Արման Թաթոյանը: