Շուրջ 700 բեռնատար սպասում է սահմանի ռուսական կողմից Վերին Լարսի անցակետը հատելուն: Այս մասին Հյուսիսային Օսիայի փոխվարչապետ Իրբեկ Տոմաևը հայտնել է ՀՕՀ-Ալանիայի ղեկավար Սերգեյ Մենյայլոյի նախաձեռնած խորհրդակցության ժամանակ։
Ադրբեջանի գլխավոր դատախազությունը հայտարարել է Լաչինի միջանցքի անցակետից երեք հայ ֆուտբոլիստների ձերբակալության մասին, ովքեր մեղադրվում են «Ադրբեջանի դրոշը պղծելու» մեջ։
Ֆրանսիայի նախագահ Էմանուել Մակրոնը հայտնել է, որ այս շաբաթ բանակցություններ կվարի Հայաստանի և Ադրբեջանի ղեկավարների հետ և հանդես կգա Լեռնային Ղարաբաղի հակամարտության կարգավորման նոր դիվանագիտական նախաձեռնությամբ:
Այժմ դրված է ոչ միայն Արցախի հարցը, այլև մեր պետությունն ու ողջ հայությունն է կանգնած ոչնչացման վտանգի առաջ։ «Ազգային ժողովրդավարական միություն» կուսակցության նախկին և ներկա անդամներին ու համախոհներին ուղղված բաց նամակում այս մասին ասել է կուսակցության նախագահ, ՀՀ նախկին պաշտպանության նախարար, ՀՀ նախկին վարչապետ Վազգեն Մանուկյանը։
Եվրոպայի խորհրդի մարդու իրավունքների հանձնակատար Դունյա Միյատովիչը կոչ է անում վերականգնել Լաչինի միջանցքով ազատ տեղաշարժը և ապահովել մարդասիրական օգնության արագ և անարգել առաքումը Լեռնային Ղարաբաղ: Նրա կոչը ներկայացված է Եվրոպայի խորհրդի կայքում։
«Մայր Հայաստան» դաշինքը՝ առաջնորդ Անդրանիկ Թևանյանի գլխավորությամբ, բնակիչների հետ հանդիպման 6-րդ օրն անցկացնում է Մալաթիա-Սեբաստիա համայնքում։ Դաշինքի՝ ընտրապայքար մտնելու հիմնական դրդապատճառն է Հայաստանի ադրբեջանականացումից խուսափելը։
Այս պահին հայտնի չէ, թե ադրբեջանցիները Լաչինի միջանցքում տեղադրված անցակետից քանի հայ երիտասարդի են ձերբակալել։ Այս մասին Tert.am-ին հայտնել է ԱՀ Մարդու իրավունքների պաշտպան Գեղամ Ստեփանյանը։
Լաչինի միջանցքում ադրբեջանցիների կողմից ապօրինի տեղակայված անցակետից ադրբեջանիցները բացի 22-ամյա Ալեն Սարգսյանից առևանգել են ևս երկու երիտասարդի։ Տեղեկությունը NEWS.am-ի հետ զրույցում ասաց Արցախի մշտական ներկայացուցչության մամուլի քարտուղար Արմինե Հայրապետյանը։
Ռուսաստանի արտգործնախարար Սերգեյ Լավրովի և Թուրքիայի արտգործնախարար Հաքան Ֆիդանի բանակցությունները տեղի կունենան Մոսկվայում մոտ ժամանակներս: Այս մասին ՏԱՍՍ-ին հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Ռուս խաղաղապահների ուղեկցությամբ Հայաստան տեղափոխվող 22-ամյա ուսանողին Լաչինի միջանցքում գտնվող ապօրինի անցակետից Ադրբեջանի կողմից առևանգելու մասին տեղեկություն ստանալուց հետո ՀՀ մարդու իրավունքների պաշտպանի աշխատակազմում դեպքի առնչությամբ սկսվել են ուսումնասիրություններ։ Տեղեկությունը հայտնում է ՄԻՊ մամուլի ծառայությունը ֆեյսբուքյան պաշտոնական էջում։ Նշվում է, որ Անահիտ Մանասյանն անմիջապես կապ է հաստատել իրավասու մարմինների գործընկերների հետ։