Ամենայն հայոց կաթողիկոս Գարեգին Երկրորդը ՀՅԴ գերագույն մարմնի նորընտիր անդամների հետ քննարկել է Հայաստանի և Արցախի առջև ծառացած անվտանգային խնդիրները։ Տեղեկությունը հայտնում է Մայր աթոռի տեղեկատվական համակարգը` նշելով, որ կաթողիկոսը նրանց ընդունել է Մայր աթոռ Սուրբ Էջմիածնում։
Կապիտուլյանտների ռեժիմն ունի երկու փեշակ, դրանցից մեկն օդում շոուներ անելն է, մյուսը թուրքերի ու ադրբեջանցիների հետ քիրվայություն անելն է, Քննչական կոմիտեի դիմաց լրագրողների հետ զրույցում ասաց «Հանրապետական» կուսակցության անդամ Էդուարդ Շարմազանովը՝ անդրադառնալով ՀՀԿ փոխնախագահ Արմեն Աշոտյանի ձերբակալությանը։
«Իրականում ոստիկանությունում բազմամիլիարդանոց ծախսեր են միայն մեկ բանի համար, որ Նիկոլ Փաշինյանը Երևանի մի փողոցից մյուսն անցնի, Հայաստանի մի գյուղից մյուսը գնա»,-ԱԺ-ում ելույթ ունենալիս ասաց «Հայաստան» խմբակցության պատգամավոր Գեղամ Մանուկյանը և նշեց, թե քաղաքացիները գիտեն, որ երբ Սևան-Երևան մայրուղում ամեն 2 մետրի վրա ոստիկան է կանգնած, ուրեմը այն փակելու են, Փաշինյանն է անցնում:
ՀՀԿ փոխնախագահ Արմեն Աշոտյանը ձերբակալվել է 24 ժամով, 12 ժամվա ընթացքում պետք է ներկայացվի դատարան նրա նկատմամբ կալանքը որպես խափանման միջոց ընտրելու հարցը: Այս մասին այսօր՝ հունիսի 15-ին, ՔԿ-ի բակում լրագրողների հետ զրույցում ասաց Աշոտյանի փաստաբան Տիգրան Աթանեսյանը:
Արդյունաբերական կոոպերացիայի նախագծերի ֆինանսական աջակցության մեխանիզմը, ռուսական կողմի հաշվարկներով, կգործի 2024 թվականից: Խոսքն այն նախագծերի մասին է, որոնք կանդրադառնան Եվրասիական տնտեսական միության (ԵԱՏՄ) երեք և ավելի մասնակից երկրների վրա։ Այս մասին Պետերբուրգի միջազգային տնտեսական համաժողովում ասել է ՌԴ կառավարության փոխնախագահ Ալեքսեյ Օվերչուկը, հայտնում է ՏԱՍՍ-ը:
Վերջին տարիների ընթացքում բնակարարների գների աննախադեպ աճը նպաստել էր, որ օտարերկրացիները մեծ քանակությամբ անշարժ գույք ձեռք բերեին Հայաստանում։ Սակայն վերջին ամիսների ընթացքում անշարժ գույքի առքուվաճառքի ծավալների անկումը, ինչպես նաև անվտանգությամբ պայմանավորված բացասական սպասումները նպաստել են, որ օտարերկրացիները դեռևս բարձր գներով վաճառեն իրենց անշարժ գույքը, և Հայաստանից դուրս հանեն իրենց գումարները։ Այս մասին գրում է տնտեսագետ Սուրեն Պարսյանը:
ԱՄՆ-ն ստիպում է Լեռնային Ղարաբաղի ներկայացուցիչներին հանդիպել Ադրբեջանի ներկայացուցիչների հետ, մերժման դեպքում սպառնում են հակաահաբեկչական գործողությամբ։ Այս մասին «ՌԻԱ Նովոստի»-ին հայտնել է Վաշինգտոնում դիվանագիտական աղբյուրը։ Աղբյուրը նաև նշում է, որ «խաղաղապահ նախաձեռնության» լոբբինգն իրականացնում է Լեռնային Ղարաբաղի արտգործնախարար Սերգեյ Ղազարյանը, ում շահերը լիովին համընկնում են Ադրբեջանի շահերի հետ։
Մետալուրգիական գործարանը Հայաստանի այլ հատվածներում կառուցելու տարբեր առաջարկներ են եղել, բայց նպատակաուղղված կերպով ընտրվել է Երասխը երկրի սահմանամերձ գոտին զարգացնելու համար։ Այս մասին այսօր՝ հունիսի 15-ին, Երասխ բնակավայրում լրագրողների հետ զրույցում ասաց GTB հոլդինգի տնօրեն Տիրան Հակոբյանը` նշելով, որ նման պնդում է արել ընկերության սեփականատերերից Գրիգոր Տեր–Ղազարյանը։
Ադրբեջանը փորձել է առաջ գալ Հակարիի կամրջի հատվածով, որ մեծացնի շրջափակումն Արցախում և ինքնուրույն սահմանազատում անել։ Այս մասին այսօր՝ հունիսի 15-ին, լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը։
Այս պահին ընթանում է քննչական գործողություն՝ Արմեն Աշոտյանի հետ կապված, Քննչական կոմիտեի դիմաց լրագրողների հետ զրույցում ասաց «Հանրապետական» կուսակցության անդամ Հայկ Մամիջանյանը։