Թուրքիայի նախագահ Ռեջեփ Թայիփ Էրդողանի մամուլի քարտուղար Իբրահիմ Քալընը մեկնաբանել է Թուրքիայի օդային տարածքը հայկական օդանավերի համար փակելու փաստը՝ Հայաստանի գործողությունները (Երևանում «Նեմեսիս» գործողության հերոսների հուշարձանի բացումը ) անվանելով «Թուրքիայի պատմական հիշողությանը հակասող»։ Նրա խոսքերը մեջբերում է Star.com-ը։
Բելգրադի դպրոցում տեղի ունեցած հրաձգության հետևանքով զոհերի թիվը հասել է 9-ի, ևս 7-ը վիրավոր են։ Այս մասին հայտնում է Սերբիայի ՆԳՆ–ն։
Մայիսի 1-ին և 2-ին Արցախում տեղացած կարկուտ զգալի վնաս է հասցրել ցանքատարածություններին, պղտատու ծառերին, տնամերձ հողատարածքներին։ Առավելապես տուժել են Մարտակերտի ու Ասկերանի շրջանները։ Վնասի չափը ճշգրտել առայժմ չեն հասցրել ո՛չ Մարտակերտում, ո՛չ Ասկերանում, քանի որ կարկուտին հետևել են անձրևները, բայց միայն Մարտակերտի շրջանում 13 գյուղ այն աստիճան է կարկտահարվել, որ ամբողջական ցանքատարածություններ են ոչնչացվել։
2022 թվականին Հայաստանում թմրամիջոցների ապօրինի շրջանառության արձանագրված դեպքերի թիվն աճել է 743-ով կամ 76.3%-ով՝ կազմելով 1717՝ 2021 թվականի 974-ի դիմաց։ Այս մասին այսօր՝ մայիսի 3-ին, ԱԺ-ում Դատախազության 2022 թվականի գործունեության մասին հաղորդումը ներկայացնելիս նշել է գլխավոր դատախազ Աննա Վարդապետյանը:
Ադրբեջանը գազի համաեվրոպական մատակարար է։ Այս մասին Twitter-ի իր էջում գրել է Էներգետիկայի հարցերով եվրահանձնակատար Կադրի Սիմսոնը։
Երևանում և մարզերում ապրիլի 29-ին Քաղաքացու օրը նշելու համար Կառավարությունը ծախսել է շուրջ 27 միլիոն 600 հազար դրամ։ Այս մասին NEWS.am-ի գրավոր հարցմանն ի պատասխան հայտնեցին վարչապետի աշխատակազմից։
Ռուսաստանը շարունակում է հավատարիմ մնալ Հայաստանի, Ադրբեջանի և ՌԴ ղեկավարների ՝ 2020-2022 թվականներին ընդունված եռակողմ հայտարարությունների իրագործմանը։ Այսօր լրագրողների հետ ճեպազրույցի ժամանակ այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Վաշինգտոնում ԱՄՆ պետքարտուղար Էնթոնի Բլինկենի միջնորդությամբ Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հանդիպումը։
Սենատի արտաքին հարաբերությունների հանձնաժողովի նախագահ Բոբ Մենենդեսը քննադատել է ԱՄՆ Միջազգային զարգացման գործակալության ղեկավար Սամանթա Փաուերին՝ նշելով, որ ԱՄՆ ՄԶԳ-ն չափազանց դանդաղ է արձագանքում Լեռնային Ղարաբաղում հայերի առջև ծառացած հումանիտար ճգնաժամին: Այս մասին հաղորդում է Ամերիկայի Հայ դատի հանձնախումբը:
2022 թվականի ընթացքում Հայաստանում գրանցվել է հանցագործության 37 612 դեպք՝ 2021 թվականի 30 245 դեպքի դիմաց։ Այս մասին մայիսի 3-ին Ազգային ժողովի նիստում հայտարարեց Հանրապետության գլխավոր դատախազ Աննա Վարդապետյանը՝ գլխավոր դատախազության 2022 թվականի գործունեության հաշվետվության ներկայացման ժամանակ։
ՀՀ քաղավիացիական ավիացիայի կոմիտեն թուրքական կողմից պաշտոնական հաղորդագրություն չի ստացել օդային տարածքի փակման մասին։ Տեղեկությունը Sputnik Արմենիային հայտնեցին ՀՀ քաղավիացիայի մամուլի ծառայությունից։