2023 թ. ապրիլի 20-ին ՀՀ Ազգային ժողովում տեղի ունեցած միջադեպի առնչությամբ Հայաստանի Հանրապետության Ազգային ժողովում սովորական երևույթ են դարձել իշխող «Քաղաքացիական պայմանագիր» խմբակցության և ընդդիմադիր խմբակցությունների միջև լեզվակռիվները, փոխադարձ վիրավորանքները, քաշքշուկները, ծեծկռտուքը: Այս մասին հայտարարություն են տարածել շուջ մեկ տասնյակ իրվապաշտպան ՀԿ-ներ:
Ազատ գյուղի զինվորական կացարանում զոհված զինծառայողների ծնողները այսօր պարբերաբար փակում են Հանրապետության հրապարակի հարակից փողոցները։ Նրանք պահանջում են հանդիպում ՀՀ վարչապետ Նիկոլ Փաշինյանի և պաշտպանության նախարար Սուրեն Պապիկյանի հետ։
Ստամբուլի նահանգապետարանը կրկին արգելել է Հայոց ցեղասպանության հիշատակի միջոցառում անցկացնել։
Հայաստանի ու Ադրբեջանի միջև և հատկապես Լեռնային Ղարաբաղում հրադադարի ռեժիմի պահպանումը շարունակում է մեծ նշանակություն ունենալ ԱՄՆ պետքարտուղար Էնթոնի Բլինկենի համար: Այս մասին ճեպազրույցի ժամանակ հայտարարել է Պետդեպարտամենտի ներկայացուցիչ Վեդանտ Պատելը։
ՆԱՏՕ-ին անդամակցության վերաբերյալ բանակցությունների փակուղի մտնելու համատեքստում և ակնհայտորեն ձգտելով չվրդովեցնել Թուրքիային՝ Շվեդիայի արտաքին գործերի նախարարությունը՝ Թոբիաս Բիլսթրյոմի գլխավորությամբ, ճնշում է գործադրել Ռիկսդագում (խորհրդարան- խմբ.) շվեդ-հայկական բարեկամության խմբի վրա՝ մասնավոր կարգով դիմելով բարձրաստիճան կառավարական պաշտոնյաներին՝ այս տարի Հայոց ցեղասպանության զոհերի հիշատակին նվիրված ամենամյա հիշատակումը չեղարկելու խնդրանքով, գրել է Europeanconservative-ը։
Կառավարությունն իր այսօրվա՝ ապրիլի 21-ի նիստում որոշեց գումար հատկացնել Արմավիրի Մեծամոր համայնքի Մարգարա բնակավայրում (հայ-թուրքական սահման) մաքսակետ կառուցելու համար նախագծանախահաշվային փաստաթղթերի կազմման աշխատանքների համար:
ՀՀ պաշտպանության նախարարությունը փոփոխություններ և լրացումներ է առաջարկել «Պաշտպանության մասին» և «Զինվորական ծառայության և զինծառայողի կարգավիճակի մասին» օրենքներում, որոնց արդյունքում ՀՀ իգական սեռի քաղաքացիներին կամավոր հիմունքներով պարտադիր զինվորական ծառայություն անցնելու իրավունք կտրվի։
Բազմաթիվ պարբերականներում հրապարակումներ լինում են, թե ՌԴ-ն շրջանցում է պատժամիջոցները՝ այդ թվում նաև Հայաստանի օգնությամբ, բայց պետք է նկատի ունենալ, որ դրա գլխավոր շարժառիթն այն է, որ Հայաստանը ՌԴ-ի հետ գտնվում է նույն մաքսային և տնտեսական գոտում, ինչը նշանակում է, որ ապրանքների տեղաշարժը երկրների միջև ազատ է, կառավարության նիստից հետո լրագրողների հետ զրույցում ասաց ՀՀ էկոնոմիկայի նախարար Վահան Քերոբյանը։
ԱՄՆ-ն Ուկրաինային զգուշացրել է Արտյոմովսկում նրա զորքերի հնարավոր շրջափակման մասին և առաջարկել է թողնել այն։ Տեղեկությունը հայտնում է «Washington Post»-ը՝ հղում անելով ամերիկյան հետախուզության՝ համացանցում հայտնված գաղտնի փաստաթղթերին:
Արցախի պաշտպանության բանակի նախկին հրամանատար, գեներալ-լեյտենանտ Միքայել Արզումանյանի գործը Հակակոռուպցիոն դատարան ուղարկելուց հետո իրավապահ մարմինները նրա կնոջը թույլ են տվել տեսակցել ամուսնուն։ Տեղեկությունը հայտնում է «Ժողովուրդ» օրաթերթը։