Կարծում եմ, որ Հայաստանի իշխանությունների հասցեին Ադրբեջանի մեղադրանքների շրջանակը կընդլայնվի, և եթե իշխանությունները չպայքարեն դրա դեմ, ապա ստեղծված իրավիճակը կարող է հանգեցնել նոր ռազմական բախումների։ Այս մասին մարտի 5-ին լրագրողների հետ զրույցում ասել է «Հայաստան» խորհրդարանական խմբակցության ղեկավար Սեյրան Օհանյանը։
«Ապրելու երկիր» կուսակցության համահիմնադիր Մանե Թանդիլյանին քիչ առաջ շտապօգնության մեքենայով տեղափոխեցին թիվ 1 համալսարանական հիվանդանոց: Նրա մոտ սրտի հետ կապված խնդիրներ են առաջացել: Թանդիլյանին հիվանդանոց ուղեկցեց «Ապրելու երկիր» կուսակցության համահիմնադիր Մեսրոպ Առաքելյանը: Այս մասին հայտնում է NEWS.am–ի թղթակիցը Ազատության հրապարակից։
Հայաստանը կմիանա Հաագայի մշտական արբիտրաժային դատարանին։ Հաագայի համապատասխան խաղաղության կոնվենցիաները (1899 և 1907 թվականներ) վավերացնելու մասին օրինագիծը ՀՀ ազգային ժողովում ներկայացրեց միջազգային իրավական հարցերով Հայաստանի ներկայացուցիչ Եղիշե Կիրակոսյանը։
Հայաստանի Հանրապետության ԱԳ նախարարի տեղակալ Մնացական Սաֆարյանի և Չինաստանի Ժողովրդական Հանրապետության արտաքին գործերի նախարարի տեղակալ Լիու Բինի գլխավորած պատվիրակությունները Պեկինում քաղաքական խուրհրդակցություններ են անցկացրել:
Մեծն շանսոնյե Շառլ Ազնավուրի որդին՝ «Ազնավուր» հիմնադրամի համահիմնադիր Նիկոլա Ազնավուրը, X-ում հիմնադրամի էջում կոչ է արել աշխարհասփյուռ հայությանը համախմբվել և տեր կանգնել Բաքվի բանտում գտնվող Լեռնային Ղարաբաղի նախկին պետնախարար Ռուբեն Վարդանյանի պաշտպանությանը։ Նա նաև անձամբ Վարդանյանին կոչ է արել դադարեցնել հացադուլը։
Հիվանդությունների գլոբալ բեռի հետազոտության գիտնականների միջազգային խումբը եզրակացրել է, որ մինչև 2050 թվականը աշխարհի չափահաս բնակչության կեսից ավելին (3,8 միլիարդ մարդ) և երեխաների և դեռահասների մեկ երրորդը (746 միլիոն մարդ) կլինեն ավելորդ քաշ կամ կտառապեն ճարպակալումից: Դա աննախադեպ վտանգ կստեղծի հանրային առողջության համար՝ մեծացնելով վաղաժամ հիվանդության և մահվան վտանգն ամբողջ աշխարհում: Զեկույցը հրապարակվել է The Lancet բժշկագիտական հանդեսում։
Ռուս քաղաքագետ Բոգդան Բեզպալկոն Alpha News-ի հետ զրույցում մեկնաբանել է Նիկոլ Փաշինյանի նոր հոդվածը կոմունիկացիաների բացման վերաբերյալ:
ԱԺ նախագահ Ալեն Սիմոնյանն այսօր հայտարարել է. «Եթե տեսանելի քայլեր անենք, գերիները կարող է երբևիցե չվերադառնան»: Անդրադառնալով այս հայտարարությանը ադրբեջանագետ Տաթևիկ Հայրապետյանը գրում է.
Արարատի մարզի Այգավան գյուղի մոտակայքում՝ բենզալցակայանում, տեղի ունեցած պայթյունի հետևանքով տուժած 3 քաղաքացի է հոսպիտալացվել: Տեղեկությունը հայտնում է ՀՀ առողջապահության նախարարությունը:
Ադրբեջանի նախագահի աշխատակազմը կարգադրություն է ուղարկել երկրի նախարարների կաբինետին և արտաքին գործերի նախարարությանը՝ անհրաժեշտ միջոցներ ձեռնարկել միջազգային կազմակերպությունների գրասենյակները փակելու համար, հայտնում են ադրբեջանական լրատվամիջոցները։