Եվրասիական տնտեսական հանձնաժողովի (ԵՏՀ) առևտրի հարցերով նախարար Անդրեյ Սլեպնյովը և ԱՄԷ արտաքին առևտրի հարցերով պետնախարար Թանի բեն Ահմեդ Ալ Զեյուդին հայտարարել են տնտեսական գործընկերության համաձայնագրի կնքման շուրջ բանակցությունների ավարտի մասին։ Այս մասին հայտնում է ԵՏՀ մամուլի ծառայությունը։
Մենք հասել ենք Ադրբեջանի և Հայաստանի միջև խաղաղության ապահովման վերջին փուլին, այս մասին հայտարարել է Թուրքիայի արտգործնախարար Հաքան Ֆիդանը` ելույթ ունենալով Թուրքիայի Ազգային մեծ ժողովում (GNA), գրում է Haber Global-ը։
ԱՄՆ նորընտիր նախագահ Դոնալդ Թրամփը մեղադրել է ամերիկացի ներկայիս առաջնորդ Ջո Բայդենին Ուկրաինային հատկացված ամերիկացի հարկատուների միջոցները յուրացնելու մեջ։
Հումանիտար փոխգործակցության ընդլայնման համատեղ աշխատանքը թույլ է տալիս ամրացնել վստահությունը Ռուսաստանի և Հայաստանի միջև արագ փոփոխվող աշխարհի պայմաններում։ Այս մասին նշվել է Մոսկվայի միջազգային հարաբերությունների պետական ինստիտուտի (ՄԳԻՄՕ) ռեկտոր Անատոլի Տորկունովի նամակում, որը «Հայաստանը և Ռուսաստանը գլոբալ և տարածաշրջանային վերափոխման պայմաններում. դասերը և ռազմավարական ընտրությունը» թեմայով կոնֆերանսում ընթերցել է բուհի պրոռեկտոր Ստանիսլավ Սուրովցևը։
Սիրիայում տեղի ունեցած իշխանափոխությունը վկայում է ԱՄՆ-ի, Իսրայելի և Թուրքիայի համատեղ ջանքերի հաղթանակի մասին՝ ուղղված Իրանի, Սիրիայի, «Հեզբոլլահի» և ՀԱՄԱՍ-ի ռազմավարական առանցքի կոտրմանը, չնայած ՀԱՄԱՍ-ը մի քանի հովանավոր պետություններ ուներ։ Այս մասին VERELQ-ի հետ զրույցում նշել է ԳԱԱ արևելագիտության ինստիտուտի Արաբական երկրների բաժնի վարիչ, պատմական գիտությունների թեկնածու, արաբագետ Արաքս Փաշայանը։
Նախնական ընտրությունների արդյունքների համաձայն Գյումրու քաղաքապետի պաշտոնակատար կնշանակվի Սարիկ Մինասյանը. նա ստացել է 273 ձայն:
Միացյալ Նահանգները 20 միլիարդ դոլարի վարկ է տրամադրել Ուկրաինային՝ որպես «Մեծ յոթնյակի» ծրագրի մաս՝ 50 միլիարդ դոլար ընդհանուր գումարով շտապ վարկեր տրամադրելու ծրագրով: Այս մասին հայտնում է ՌԻԱ Նովոստին՝ հղում անելով ԱՄՆ ֆինանսների նախարարության հայտարարությանը։
Արբանյակային պատկերները ցույց են տալիս, որ Սիրիայում Բաշար Ասադի տապալումից հետո ռուսական ռազմանավերը լքել են սիրիական ափին տեղակայված Տարտուս ռազմածովային բազան: Դրանցից ոմանք խարիսխ են գցել ծովը, գրում է «Ամերիկայի ձայն»-ը։
Դեկտեմբերի 10-ին ՀՀ պաշտպանության նախարարությունում անցկացվել են Հայաստան-Ֆրանսիա ռազմավարական պաշտպանական խորհրդակցությունները՝ ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի ու Ֆրանսիայի զինված ուժերի նախարարության միջազգային համագործակցության և ռազմավարության գլխավոր վարչության Եվրոպայի, Հյուսիսային Ամերիկայի ու բազմակողմ համագործակցության վարչության պետ Ալեքսանդր Էսկորսիայի գլխավորությամբ: Այս մասին հայտնում են ՊՆ-ից:
Հնդկաստանը մշտապես աջակցել է Ռուսաստանին և մտադիր է ապագայում շարունակել այդ գիծը։ Այս մասին հայտարարել է Հնդկաստանի պաշտպանության նախարար Ռաջնաթ Սինգհը Ռուսաստանի նախագահ Վլադիմիր Պուտինի հետ հանդիպման ժամանակ։ Նրա խոսքերը մեջբերում է ՌԻԱ Նովոստին` հղում անելով Հնդկաստանի պաշտպանության նախարարության մամուլի ծառայությունը։