Հոկտեմբերի 21-ին ԱԳ նախարար Արարատ Միրզոյանին է փոխանցվել Արցախի ոչ կառավարական կազմակերպությունների կողմից ԵԱՀԿ գործող նախագահ Յան Բորգին 2024 թվականի սեպտեմբերի 2-ին ուղղված դիմումի պատճենը։ Արարատ Միրզոյանին ուղղված նամակը ստորագրել են Արցախի քաղաքացիական հասարակության 60 կազմակերպություններ:
ՀՀ փոխվարչապետ Մհեր Գրիգորյանը չունի մտավախություն, որ Ադրբեջանը կամ կձգձգի, կամ չի ստորագրի ՀՀ-ի հետ սահմանազատման կանոնակարգը։
«Տրոյկա Դիալոգ» ներդրումային ընկերության հիմնադիր Ռուբեն Վարդանյանն այլևս մասնաբաժին չունի «Ավտոինվեստ» ՍՊԸ-ում, որը բեռնատարներ արտադրող ռուսական «Կամազ» ընկերության բաժնետերն է: Ինչպես տեղեկացնում է ՌԻԱ Նովոստին, այդ մասին են վկայում Իրավաբանական անձանց միասնական պետական ռեգիստրի, «ԲԻՌ-Անալիտիկ»–ի և «Կոնտուր.Ֆոկուս»–ի տվյալները։ «Կամազը» բաժնետիրական կապիտալի վերաբերյալ թարմ տվյալներ չի հրապարակել: 2023 թվականին հիմնական բաժնետերերը եղել են «Ռոստեխ» կորպորացիան (47,1%), «Ավտոինվեստ» (23,54%) և «Daimler AG» ընկերությունները(15%)։
ԱՄՆ պաշտպանության նախարար Լլոյդ Օսթինը ժամանել է Կիև երկուշաբթի առավոտյան։ Նա նախատեսում է քննարկել Ուկրաինայի հետագա օգնության հեռանկարները՝ հաշվի առնելով այն, որ ամերիկյան աջակցության ապագան շատ բանով կախված է ԱՄՆ գալիք նախագահական ընտրությունների ելքից, տեղեկացրել է CNN-ը։
«Բանակցային գործընթացում ստեղծված իրավիճակի շուրջ իշխանության վերնախավի մոտեցումները խիստ հակասական են: Այս մասին իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը։
Քարոզիչ Ֆեթուլլահ Գյուլենը, ով Թուրքիայում մեղադրվում էր 2016 թվականին հեղաշրջման փորձ կազմակերպելու մեջ, մահացել է, գրում է Hürriyet թերթը։
Մոլդովայում ընտրությունների նախնական արդյունքներով՝ նախագահ Մայա Սանդուն դուրս է եկել երկրորդ փուլ Ալեքսանդր Ստոյանոգլոյի հետ միասին։ Եվրամիությանն անդամակցելու հանրաքվեի արդյունքը երկուշաբթի առավոտյան դեռ պարզ չէր. կողմնակիցների և հակառակորդների միջև տարբերությունը չնչին է։
Իրանը սկսել է պատնեշ կառուցել իր արևելյան սահմաններին՝ անվտանգության սպառնալիքներին դիմակայելու համար, հայտարարել է երկրի սահմանային ոստիկանության հրամանատար, բրիգադի գեներալ Ահմադ Ալի Գուդարզին, հայտնում է Mehr-ը։
ԱՄՆ պաշտոնյաները հետաքննում են ամերիկյան երկու հույժ գաղտնի փաստաթղթերի ակնհայտ արտահոսքը, որոնք ցույց են տալիս, որ ԱՄՆ հետախուզական ծառայությունները հետևում են Իսրայելի հնարավոր նախապատրաստություններին Իրանի վրա հարձակման համար, հաղորդում է NBC News-ը՝ վկայակոչելով պաշտոնական աղբյուրները:
Հայաստանն անընդունելի է համարում արտատարածքային որևէ միջանցքի առկայությունը, իսկ հաղորդակցային ցանկացած ուղի պետք է գտնվի տվյալ երկրի ինքնիշխանության և իրավազորության ներքո, գործի հավասարության և փոխադարձության սկզբունքների հիման վրա: