Մեծ Բրիտանիայի թագավոր Չարլզ Երրորդն, ըստ ամենայնի, չի մասնակցի Ադրբեջանում նոյեմբերի 11-22-ն անցկացվելիք COP29 կլիմայական գագաթնաժողովին, գրում է բրիտանական PA Media-ն։
Հայաստանը պաշտոնապես հետ չի կանչում իր ստորագրությունը եռակողմ հայտարարությունից, որը ստորագրվել է 2020 թվականին Մոսկվայի, Բաքվի և Երևանի կողմից և նպաստել է Լեռնային Ղարաբաղում հրադադարի հաստատմանը։ Միևնույն ժամանակ, տարածաշրջանում հաղորդակցությունների ապաշրջափակման եռակողմ աշխատանքային խմբի շրջանակում մոտ մեկուկես տարի առաջընթաց չի գրանցվել, ըստ ТАСС-ի՝ հայտարարել է ՌԴ փոխվարչապետ Ալեքսեյ Օվերչուկը։
Ռուսաստանը չի միջամտում Հայաստանի և Ադրբեջանի երկկողմ հարաբերություններին։ «Արմենպրես»-ի հաղորդմամբ՝ այս մասին «Իզվեստիա»-ին ասել է ՌԴ նախագահի մամուլի քարտուղար Դմիտրի Պեսկովը:
Հինգ մարդ, նրանց թվում՝ երկու ոչ սիրիացի քաղաքացիներ, սպանվել են երեքշաբթի Դամասկոսում Իրանի Իսլամական հեղափոխության պահապանների կորպուսի և լիբանանյան «Հըզբոլլահ» շարժմանն առնչվող իսրայելական հարձակման հետևանքով, հայտնել է Al Hadath-ը:
Վրաստանի վարչապետ Իրակլի Կոբախիձեն հայտարարել է Հայաստանի, Ադրբեջանի և Թուրքիայի հետ հարաբերությունների խորացման կարևորության մասին՝ ներկայացնելով իշխող «Վրացական երազանք-Ժողովրդավարական Վրաստան» կուսակցության նախընտրական ծրագիրը, հայտել է BMG-ն։
Հակակոռուպցիոն դատարանը 2024 թվականի սեպտեմբերի 30-ին վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը:
Հայաստանի ամենահայտնի գործարարներից մեկին՝ ԱԺ նախկին պատգամավոր Սամվել Ալեքսանյանին, Ռուսաստանի իշխանությունները թույլ չեն տվել հատել այդ երկրի սահմանը։ Այս մասին հայտնում են 24News-ին մոսկովյան աղբյուրները։
Հարկադիր կատարումն ապահովող ծառայությունը քիչ առաջ կապարակնքեց Երևանի Հանրապետության հրապարակի մետրոյի գետնանցումում գտնվող սիրիահայերի 10-ից ավելի կրպակները։ «Հալեպի շուկա» անունով հայտնի առևտրային փոքրիկ հատվածի առևտրականներն ասում են, որ նախապես ծանուցված չեն եղել։ ՀԿԱԾ-ի աշխատակիցները եկել են, կես ժամ տվել խանութները դատարկելու համար, ապա սկսել են կապարակնքել դրանք։
ԱՊՀ-ում կան նոր խոշոր նախագծերի մեկնարկի հնարավորություններ։ Այս մասին Մոսկվայում ԱՊՀ գագաթնաժողովի ժամանակ հայտարարել է ՌԴ նախագահ Վլադիմիր Պուտինը։
2025 թվականի հունվարի 1–ից Հայաստան–Իրան և Հայաստան–Թուրքիա պետական սահմանի պահպանությանը ռուս սահմանապահների հետ համատեղ կմասնակցեն նաև ՀՀ ԱԱԾ սահմանապահ զորքերը, իսկ Հայաստան–Իրան պետական սահմանի հսկիչ–սահմանային կետում ծառայությունն ամբողջությամբ կիրականացվի ՀՀ ԱԱԾ սահմանապահ զորքերի ուժերով։ Այդ մասին «Ֆեյսբուքում» գրառում է արել ՀՀ վարչապետի մամուլի խոսնակ Նազելի Բաղդասարյանը։