Ի պատասխան լրատվամիջոցի հարցման՝ ԱՊՀ արտաքին գործերի նախարարների խորհրդի այսօրվա նիստի շրջանակներում Հայաստանը չի միացել «Եվրասիայում անվտանգության ապահովման սկզբունքների» և «միջազգային հարաբերություններում միակողմանի միջոցների անթույլատրելիության» վերաբերյալ հայտարարություններին: Այդ մասին «Լուրերին» հայտնել է ԱԳՆ մամուլի խոսնակ Անի Բադալյանը:
Հայաստանը մինչև COP29-ը ակնկալում է Ադրբեջանի հետ ստորագրել խաղաղության համաձայնագիրը, հաղորդում է Reuters-ը՝ հղում անելով Հայաստանի նախագահ Վահագն Խաչատուրյանին:
«Խաղաղության պայմանագիր» պայմանական անունը ստացած փաստաթղթի նախագիծն իրականում ոչ թե փաստաթուղթ է, այլ դիվանագիտական գործընթաց։ Sputnik Արմենիայի հետ զրույցում նման կարծիք է հայտնել միջազգային իրավունքի մասնագետ, փաստաբան Արա Ղազարյանը` անդրադառնալով բանակցվող առարկայի շուրջ գաղտնիության ու թվացյալ թափանցիկության հարցին։
«Հայաստանն առանց նավթի երկիր է, բայց երկիր է, որն ունի ջուր և խելացի մարդիկ, և այն մշտապես եղել է բարձր դիրքերում իր կրթությամբ։ Այս «Միջազգային Բակալավրիատ» ծրագիրը նախևառաջ հնարավորություն է տալիս հայ ուսանողներին, արցախցի ուսանողներին լինելու աշխարհի տարբեր անկյուններից եկած ուսանողների հետ միևնույն լսարանում, նրանց հնարավորություն է տալիս դուրս գնալու և աշխարհին պատմելու իրենց պատմությունը, բայց, միաժամանակ, այն հնարավորություն է տալիս նրանց դասընկերներին, որոնք աշխարհի տարբեր երկրներից են, կիսվելու իրենց պատմությամբ և միասնաբար ունենալու ընդհանուր մոտեցում՝ այս աշխարհն ավելի արդար դարձնելու համար»,- այսպես ներկայացրեց UWC Դիլիջանի առաքելությունը՝ դպրոցի տասնամյակի միջոցառումներին ժամանած հայկական արմատներով ամերիկացի գրող, նկարիչ, մարդաբան Դանա Մաշոյան-Վոլրաթը, ով ժամանել էր մասնակցելու UWC Դիլիջանի տասնամյակի միջոցառումներին:
ԱՄՆ-ն և մի շարք արևմտյան երկրներ փորձում են ներքաշվել Հայաստանի և Ադրբեջանի միջև խաղաղության պայմանագրի վրա աշխատանքի գործընթացին։ Այս մասին հայտարարել է ՌԴ նախագահի օգնական Յուրի Ուշակովը՝ մեկնաբանելով Բաքվի և Երևանի միջև հարաբերությունների կարգավորման հարցերը։
ՌԴ արտգործնախարար Սերգեյ Լավրովը և ԱՊՀ գլխավոր քարտուղար Սերգեյ Լեբեդևն ամփոփել են Համագործակցության արտգործնախարարների խորհրդի նիստի արդյունքները, գրում է РИА Новости-ն։
Իսրայելի պաշտպանության բանակը (ՑԱԽԱԼ) կետային հարված է հասցրել Լիբանանի մայրաքաղաքի Դահիա շրջանին։ Այս մասին հայտնում է իսրայելական բանակի մամուլի ծառայությունը։
Ռուսաստանի նախագահ Վլադիմիր Պուտինն առանձին հանդիպումներ կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ: Այս մասին ԱՊՀ երկրների ղեկավարների խորհրդի նիստից առաջ կայացած ճեպազրույցում հայտարարել է ՌԴ նախագահի օգնական Յուրի Ուշակովը։
ԱՊՀ երկրների ԱԳ նախարարները Մոսկվայում կայացած հանդիպմանը հայտարարություն են ընդունել եվրասիական տարածքում անվտանգության ոլորտում համագործակցության սկզբունքների մասին՝ ընդգծելով միջազգային իրավունքի համակարգի պահպանման կարևորությունը: Այս մասին հայտնել Է ԱՊՀ գործադիր կոմիտեի մամուլի ծառայությունը։
Ռուսաստանի նախագահ Վլադիմիր Պուտինը երկուշաբթի ոչ պաշտոնական զրույց կունենա ԱՊՀ երկրների ղեկավարների հետ, հայտնել է նախագահի մամուլի քարտուղար Դմիտրի Պեսկովը։