ԵՄ անդամ երկրները կոչ են արել անհապաղ ՄԱԿ-ի Անվտանգության խորհրդի նիստ գումարել՝ նվիրված Լիբանանի իրավիճակին։ Այս մասին հայտարարություն է արել ԵՄ դիվանագիտության ղեկավար Ժոզեպ Բորելը միության անդամ 27 երկրների արտգործնախարարների արտակարգ տեսակոնֆերանսից հետո։
ԵԱՏՄ–ում էլեկտրաէներգիայի միասնական շուկայում առքուվաճառքի սակարկությունները պետք է սկսվեն 2027 թվականի հունվարի 1–ից։ Այս մասին Sputnik Արմենիային ասաց ՌԴ էլեկտրաէներգիայի մեծածախ շուկայի առևտրային համակարգի ադմինիստրատոր Ալեքսանդր Կոմիսարովը Երևանում ընթացող Եվրասիական տնտեսական համաժողովի շրջանակում։
ՌԴ վարչապետ Միխայիլ Միշուստինը աշխատանքային այցով ժամանել է Երևան, որտեղ, ըստ РИА Новости-ի՝ երեքշաբթի կմասնակցի Եվրասիական միջկառավարական խորհրդի նիստին և Եվրասիական տնտեսական ֆորումի լիագումար նիստին։
Սահմանադրագետ Գոհար Մելոյանը հայտարարել է, որ Սահմանադրական դատարանը հայ-ադրբեջանական սահմանի սահմանազատման հանձնաժողովների կանոնակարգի վերաբերյալ իր որոշման մեջ արձանագրել է Հայաստանի կողմից Արցախի հարցից հրաժարվելը։
Հայաստանը պետք է ստեղծի ապրանքային բորսա, որը կօգնի շուկայում արդար գներ հաստատել և առողջ մրցակցություն զարգացնել։ Այս մասին Sputnik Արմենիայի հետ զրույցում ասաց «Սանկտ Պետերբուրգի միջազգային ապրանքահումքային բորսայի» նախագահ Իգոր Արտեմևը։
ԱՄՆ նախագահ Ջո Բայդենը հայտարարել է, որ չի աջակցի Լիբանանում շիական «Հըզբոլլահ» շարժման դեմ իսրայելական հնարավոր ցամաքային ռազմական գործողությանը։
ՀՀ Սահմանադրական դատարանը վճռել է, որ Հայաստանի Անկախության մասին հռչակագրում հաստատագրված համազգային այն նպատակները, որոնք Սահմանադրության բուն տեքստում տեղ չեն գտել, չունեն իրավական ուժ։ Sputnik Արմենիայի հետ զրույցում նշեց սահմանադրագետ Վարդան Պողոսյանը։ Այդ մասին պարզ դարձավ այսօր, երբ Սահմանադրական դատարանը հրապարակեց Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգի սահմանադրականության վերաբերյալ որոշման ամբողջական տեքստը։
Եվրասիական տնտեսական միությունը (ԵԱՏՄ) իր հիմնադրման 10-րդ տարեդարձին հասել է որպես հինգ անդամ երկրների միջև սերտ տնտեսական համագործակցության հարթակ: Տնտեսագետ Սուրեն Պարսյանը, VERELQ-ի հետ զրույցում, անդրադառնալով ԵԱՏՄ-ի զարգացման ընթացքին, նշում է, որ թեև անդամ երկրները նախկինում էլ ունեին սերտ տնտեսական կապեր, միության ստեղծումը էապես խթանել է փոխադարձ առևտուրը և տնտեսական ինտեգրացիան:
ՀՀ ԱԳՆ-ի գնահատմամբ՝ Լիբանանից հայությանը տարհանելու անհրաժեշտություն չկա։ «Լիբանանի այն բնակավայրերը, որտեղ հիմնականում բնակվում են հայեր, անմիջականորեն վտանգված չեն, ուստի անվտանգության նկատառումով տարհանում իրականացնելու անհրաժեշտություն ներկայում չի նկատվում: Այս մասին «Փաստինֆո»-ին տեղեկացրեց ՀՀ ԱԳՆ խոսնակ Անի Բադալյանը։
ՌԴ նախագահ Վլադիմիր Պուտինը Բարեկամության շքանշանով է պարգևատրել ՌԴ-ում Հայաստանի նախկին դեսպան Վաղարշակ Հարությունյանին՝ երկու երկրների միջև կապերի ամրապնդման գործում մատուցած ծառայությունների համար։ Դրա մասին ասված է իրավական տեղեկությունների պաշտոնական պորտալում հրապարակված համապատասխան հրամանագրում։