Իրանը Իսրայելի հետ հրադադարի մասին ոչ մի համաձայնագիր չի ստորագրել։ Այս հայտարարությունն արել է Իրանի Իսլամական Հանրապետության արտաքին գործերի նախարարի տեղակալ Սաիդ Խաթիբզադեն։
«Հեղաշրջման պլան» հատուկ տեղեկատվական օպերացիան շատ ավելի խորքային նպատակներ է հետապնդում, քան կարող է թվալ առաջին հայացքից: Այս տեսակետը հայտնել է էներգետիկ անվտանգության հարցերով փորձագետ Վահե Դավթյանը։
«Սրբազան շարժման» առաջնորդ Բագրատ սրբազանին բերման ենթարկեցին։ Sputnik Արմենիայի կադրերում երևում է, թե ինչպես է նա դիմակավորված անձանց ուղեկցությամբ դուրս գալիս իր կեցավայրից։
Բագրատ Սրբազանի տանը խուզարկությունը դեռ շարունակվում է։ Նա մի պահ դուրս եկավ պատշգամբ և երբ լրագրողները հեռվից խնդրեցին պարզաբանել, թե ինչ է կատարվում տան ներսում, նա հեգնանքով պատասխանեց. «Ահաբեկչություն ենք արել»։
Իրանի խորհրդարանը հաստատել է Ատոմային Էներգիայի միջազգային գործակալության (ՄԱԳԱՏԷ) հետ համագործակցությունը դադարեցնելու մասին օրինագիծը: Ինչպես տեղեկացնում է PressTV–ն, այս մասին հայտնել է Իսլամական խորհրդատվական վեհաժողովի նախագահության ներկայացուցիչ Ալիրեզա Սալիմին։
ԱԱԾ-ն բերման է ենթարկել նաև Արցախի Հանրապետության ԱԺ պատգամավոր Դավիթ Գալստյանին։
«Երեկ թղթի կտոր հրապարակեցին («հեղաշրջման պլան»․ խմբ․) ու դրա շրջանակներում հանձնարարել են խուզարկություններ կատարել։ Եթե մի քանի օր առաջ մարդկանց տանում էին ոստիկանություն, հիմա արդեն ԱԱԾ են տանում»,- Բագրատ Սրբազանի կեցավայրի մոտ լրագրողների հետ զրույցում ասաց ԱԺ ընդդիմադիր պատգամավոր Գառնիկ Դանիելյանը՝ հավելելով, որ այլ տեղեկությոններ չունեն։
Այս պահին ապօրինի խուզարկություններ են իրականացվում ՀՅԴ Հայաստանի Գերագույն մարմնի անդամ Իգոր Սարգսյանի, ՀՅԴ Աբովյանի կոմիտեի անդամ Վարդան Ավագյանի, Հրազդանի կոմիտեի անդամ Արտաշես Հունանյանի և Նոյեմբերյանի կոմիտեի անդամ Վարազդատ Ամիրաղյանի բնակարաններում։ Այս մասին NEWS.am–ը տեղեկանում է ՀՅԴ Հայաստանի Գերագույն մարմնից։
ԱՄՆ նախագահ Դոնալդ Թրամփի Մերձավոր Արևելքի հարցերով հատուկ բանագնաց Սթիվ Ուիտկոֆը երեքշաբթի Fox News-ին ասել է, որ Միացյալ Նահանգների և Իրանի միջև բանակցությունները «խոստումնալից» են եղել, և որ Վաշինգտոնը երկարաժամկետ խաղաղության համաձայնագրի հույս ունի։
ՀՀ քննչական կոմիտեն պնդում է, որ «Սրբազան պայքար» անվանումով շարժման մասնակիցները և ղեկավարները պլանավորել էին ՀՀ-ում իրականացնել ահաբեկչական և իշխանությունը զավթելուն ուղղված գործողություններ: ՔԿ–ն հաղորդագրություն է տարածել։