Վրաստանի Գեզի մաքսային տերմինալից այսօր բաց կթողնվի հայկական կոնյակով (հայկական բրենդի) բեռնված 55 բեռնատար ավտոմեքենա։ Տեղեկությունը հայտնում է ՀՀ էկոնոմիկայի նախարար Գևորգ Պապոյանը, որը ՀՀ պետական եկամուտների կոմիտե նախագահ Էդուարդ Հակոբյանի հետ գործուղվել է Թբիլիսի։
ՌԴ–ում ՀՀ դեսպանությանը կից մաքսային կցորդ Վահան Հակոբյանն ազատվել է պաշտոնից։ Ինչպես տեղեկանում ենք կառավարության մամուլի ծառայությունից, այսօր նման որոշում է կայացրել ՀՀ վարչապետ Նիկոլ Փաշինյանը:
Բարձրագույն դատական խորհուրդը (ԲԴԽ) մերժել է երեք դատավորների կարգապահական պատասխանատվության ենթարկելու Արդարադատության նախարար Սրբուհի Գալյանի միջնորդությունը։
Իրան-Իսրայել հակամարտությունը առանց Իրանի քաղաքական ներգրավվածության հնարավոր չէ լուծել։ Այս կարծիքը հայտնել է Ֆինլանդիայի արտաքին գործերի նախարար Էլինա Վալտոնենը։
Հունիսի 21-22-ին Ստամբուլում կայացած Իսլամական համագործակցության կազմակերպության (ԻՀԿ) Արտաքին գործերի նախարարների խորհրդի 51-րդ նստաշրջանի հռչակագրում տեղ են գտել Հայաստանին վերաբերող միակողմանի և անհիմն ձևակերպումներ։ Այս մասին հայտարարություն է տարածել «Գեղարդ» գիտավերլուծական հիմնադրամը։
Իրադարձությունները շատ արագ են զարգանում, և շատ պետություններ փորձում են հնարավորինս զգուշավոր լինել իրենց գնահատականներում, հնարավորինս բալանսավորված լինեն, հասկանալու համար, թե քամիները ուր են փչում, բացի այն պետություններից, որոնք ուղղակիորեն կամ անուղղակիորեն ներքաշված են այս գործընթացում։ Այս մասին լրագրողների հետ զրույցում նշեց միջազգայնագետ Սուրեն Սարգսյանը՝ անդրադառնալով Իրան–Իսրայել հակամարտությանը։
ՀՀ ԱԳՆ հանդես է եկել հայտարարությամբ. «ՀՀ ԱԳ նախարարությունը խորապես հիասթափված է Իսլամական համագործակցության կազմակերպության նախարարական վերջին համաժողովի շրջանակներում ընդունված «Ստամբուլի հռչակագրում» և Ադրբեջանի նախաձեռնությամբ ներկայացված բանաձևերում տեղ գտած խեղաթյուրված և ծայրահեղ միակողմանի ձևակերպումների առնչությամբ։ Տվյալ փաստաթղթերում արտահայտված շեշտադրումները հակասում են տարածաշրջանում տևական խաղաղության հաստատման շահերին և տրամաբանությանը։
Միացյալ Նահանգները վստահ է, որ շաբաթ օրը Իրանի հարստացված ուրանի պահեստարանների վրա իր հարվածները լիովին ոչնչացրել են իսլամական երկրի միջուկային ենթակառուցվածքը։ Այս մասին ասել է Սպիտակ տան մամուլի քարտուղար Քերոլին Լևիթը:
Երուսաղեմի ուղղափառ եկեղեցու պատրիարք Թեոփիլոս III-ն աջակցություն է հայտնել Հայ Առաքելական եկեղեցուն և Երևանում ձերբակալված գործարար Սամվել Կարապետյանին։
Ձերբակալվել է Վանաձորի նախկին քաղաքապետ Սամվել Դարբինյանը։ Տեղեկությունը Sputnik Արմենիային հայտնեց ՀՀ քննչական կոմիտեի մամուլի խոսնակ Կիմա Ավդալյանը: