Եվրամիության արտաքին գործերի և անվտանգության քաղաքականության հարցերով բարձր հանձնակատար Ժոզեպ Բորելը Ուզբեկստանում ԵՄ դեսպանի պաշտոնում առաջադրել է Հարավային Կովկասում և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարի թեկնածությունը։ Դրա մասին հայտնել է Եվրոպական արտաքին կապերի ծառայությունը (EEAS):
Ռուս քաղաքագետ Ալեքսանդր Կռիլովը չի բացառել ռուսական ռազմակայանի և սահմանապահների դուրսբերման սկիզբը Հայաստանից, եթե «Հայաստանի ղեկավարությունը որոշի գործել այս ուղղությամբ և գերադասի արևմտյան երկրների անվտանգության երաշխիքները»։
Թեև քաղաքապետների իմպիչմենտը իրավական մեխանիզմ է, սակայն Հայաստանի իշխող «Քաղաքացիական պայմանագիր» կուսակցության կողմից այն ուղեկցվում է տարբեր տեսակի ճնշումներով, շանտաժով և տեղական ինքնակառավարման շահերին հակասող քաղաքական շահերի առևտրով. Դա կասկածի տակ դնել այս գործընթացների օրինականությունը: Այս տեսակետն է արտահայտել Freedom House իրավապաշտպան կազմակերպությունն իր «Nations in Transit 2024» տարեկան զեկույցում։
Կիբերանվտանգության F.A.C.C.T. (նախկին Group-IB) մասնագետները VirusTotal հարթակում հայտնաբերել են վնասաբեր ֆայլ, որի հարձակման ենթադրյալ թիրախը Հայաստանում 102-րդ ռուսական ռազմաբազան է։
Ֆրանսիայի նախագահ Էմանուել Մակրոնը հայտարարել է, որ Եվրամիությունը պետք է ընդլայնի Իրանի դեմ պատժամիջոցները՝ Իսրայելի վրա հարձակման պատճառով:
ԱՊՀ մասնակից պետությունների պաշտպանության նախարարների խորհրդին առընթեր հակաօդային պաշտպանության (ՀՕՊ) հարցերով համակարգող կոմիտեն տվյալ պահին հիմնական ջանքերը կենտրոնացրել է համատեղ մարտական հերթապահության ընթացքում ՀՕՊ ուժերի և միջոցների կիրառման պլանավորման վրա: Այս մասին լրագրողներին հայտնել է Համակարգող կոմիտեի փոխնախագահ, Ռուսաստանի Օդատիեզերական ուժերի սպառազինության գծով գլխավոր հրամանատարի տեղակալ, գեներալ-գնդապետ Յուրի Գրեխովը։
Հարկային արտոնությունների պատճառով Հայաստանի բյուջեն 2024 թվականին չի ստանա 630 միլիարդ դրամ կամ ընթացիկ փոխարժեքով ավելի քան 1,5 միլիարդ դոլար։ Այս մասին ապրիլի 17-ին կայացած քննարկման ժամանակ ասել է տնտեսական գիտությունների դոկտոր Վարդան Բոստանջյանը։
Թյուրքագետ Վարուժան Գեղամյանը գրել է․
Հայաստանի տնտեսության աճը 2024 թվականին կկազմի 6,0 տոկոս, իսկ 2025 թվականին՝ 5,2 տոկոս (2023 թվականի 8,7 տոկոսի համեմատ)։ Տեղեկությունը նշված է Արժույթի միջազգային հիմնադրամի կողմից համաշխարհային տնտեսության 2024 թվականի կանխատեսման մեջ (World Economic Outlook)։
Ավարտվել է Ռուսական կայսրության, իսկ հետո՝ Խորհրդային Միության, ապա նաև Ռուսաստանի Դաշնության վերջին 300-350 տարիների պատմությունը Հյուսիսային Կովկասում, Անդրկովկասում և Կենտրոնական Ասիայում։ Այս մասին News.am-ի թղթակցի հետ զրույցում ասաց Մերձավոր Արևելքի ռուսական ինստիտուտի նախագահ Եվգենի Սատանովսկին։