Ադրբեջանի վերջին ագրեսիայի հետ կապված Իրանը շատ հստակ արտահայտել է իր դիրքորոշումը. Խոսքը ոչ միայն հոգևոր առաջնորդի, նախագահի, Իրանի ԱԳՆ-ի հայտնի հայտարարությունների մասին է, այլև Իրանի խորհրդարանի անվտանգության և միջազգային հարաբերությունների հանձնաժողովի ընդունած փաստաթղթի, որը վկայում է տարածքային ամբողջականության պահպանման կարևորության մասին։ Այս մասին News.am-ի թղթակցի հետ զրույցում ասաց Ֆինանսավարկային և բյուջետային հարցերի մշտական ​​հանձնաժողովի նախագահ, ՀՀ-ում իշխող «Քաղաքացիական պայմանագիր» կուսակցության պատգամավոր Գևորգ Պապոյանը՝ ներկայացնելով Իրան կատարած այցի մանրամասները։  

Մոտ մեկ ամիս առաջ՝ 2022 թ․ սեպտեմբերի 19-ին, Թուրքիայում հայտարարվեց «Գյոյչա-Զանգեզուրի Հանրապետության» ստեղծման մասին, Անկարայում բացվեց դրա ներկայացուցչությունը։ Հանրապետությունն ստեղծողները հայտարարում են, որ այն ունենալու է խորհրդարան, իսկ մայրաքաղաքի հետ կապված դեռ չեն կողմնորոշվել՝ կա՛մ հայկական Կապան քաղաքը (ՀՀ Սյունիքի մարզ), կա՛մ Վարդենիսը (ՀՀ Գեղարքունիքի մարզ)։ Ավելի ուշ՝ 2022 թվականի հոկտեմբերի 1-ին, «Հարավային Ադրբեջանի» ակտիվիստները հավաքվեցին Անկարայում և հռչակեցին «Հարավային Ադրբեջանի ժամանակավոր Ազգային ժողովի» ստեղծումը։

Հայրենիքի վերքերը դարմանող մայրս հեռացավ՝ մեծ երազանքը սրտում. Արդի հայոց պատմության ու իրավունքի ռահվիրա հայրս ապրեց՝ տեսնելու համար իր կյանքի ողջ նվիրումի հակադարձումը՝ պետականության վերակերտումից հետո իրական եղեռնի կրկնությունը: Այս մասին Facebook-ի իր էջում գրել է Հայաստանի արտաքին գործերի նախկին նախարար Րաֆֆի Հովհաննիսյանը:

Հիքմեթ Հաջիևը երեկ բաց տեքստով ներկայացրեց պաշտոնական Բաքվի ծրագրերը։ Ավելի բաց տեքստ միջազգային հարաբերություններում դժվար է պատկերացնել։ Նա ասում է.

ՀԱԿ փոխնախագահ Լևոն Զուրաբյանը ֆեյսբուքյան իր էջում գրառում է արել՝ անդրադառնալով Հայաստանի և Ռուսաստանի արտգործնախարարների երեկվա հանդիպմանն ու դրան հայ հասարակության արձագանքին։ Գրառումը ներկայացնում ենք ստորև․

Հոկտեմբերի 2-ին սոցցանցերում կայծակնային արագությամբ տարածվեցին ադրբեջանցի զինվորականների կողմից անզեն հայ գերիների մահապատժի կադրերը։ Անմեղության կանխավարկածը բացառող ռազմական հանցագործության տեսագրությունը բուռն արձագանք առաջացրեց միջազգային հանրության շրջանում, այդ թվում՝ նրանց, ովքեր որպես միջնորդ են ներկայանում տարածաշրջանում խաղաղության հաստատման և այսպես կոչված խաղաղության պայմանագրի շուտափույթ, շնչակտուր ստորագրման, իսկ հայ հասարակության ողջամիտ մասի համոզմամբ՝ ՀՀ իշխանությունների կրկնակի կապիտուլացման գործում:

Երկու օր առաջ համացանցում հայտնվեց մի փաստաթուղթ, որն իբր քննարկվում Երևանի, Բաքվի, Անկարայի և Վաշինգտոնի միջև։ Ինչպես հաղորդվում է, փաստաթուղթը քննարկվել է 2022 թվականի սեպտեմբերի 27-ին Վաշինգտոնում՝ Հայաստանի Անվտանգության խորհրդի քարտուղար Արմեն Գրիգորյանի, Ադրբեջանի նախագահի օգնական Հիքմեթ Հաջիևի և ԱՄՆ նախագահի ազգային անվտանգության հարցերով խորհրդական Ջեք Սալիվանի միջև կայացած հանդիպման ժամանակ։ Ենթադրվում է նաև, որ վերոնշյալ փաստաթուղթը եղել է նաև Պրահայում Փաշինյանի, Ալիևի և Էրդողանի միջև կայացած խոսակցության առանցքային թեման։ Որպես քննարկումները հյուրընկալող կողմ նշվում է Միացյալ Նահանգները։ Հնարավոր համաձայնագրի հնարավոր կետ որպես ներառված է հետևյալ պայմանը. «Ադրբեջանի կառավարությունը կնշանակի ներկայացուցիչ, ով կաշխատի Լեռնային Ղարաբաղի հայ էթնիկ համայնքի ներկայացուցչի հետ և կքննարկի Լեռնային Ղարաբաղի բնակիչների իրավունքներն ու անվտանգությունը։ Ներկայացուցիչները կապահովեն քննարկումների թափանցիկությունը միջազգային հանրության համար։ Կողմերը համատեղ կքննարկեն նաև միջազգային դիտորդների դերը՝ չխախտելով Ադրբեջանի ինքնիշխանությունը, ինչպես նաև ապաովելով Լեռնային Ղարաբաղի փոքրամասնությունների պաշտպանությունը»։

Չեխիայի մայրաքաղաքում Թուրքիայի նախագահ Ռեջեփ Թայիփ Էրդողանի և Հայաստանի վարչապետ Նիկոլ Փաշինյանի միջև հանդիպման մանրամասներ է հայտնել թուրքական Al Monitor–ը։

Օգտվելով Թուրքիայի անվերապահ աջակցությունից՝ Ադրբեջանը ձգտում է ոչ միայն բացառել Երևանին Լեռնային Ղարաբաղի հարցի շուրջ ամեն տեսակի քննարկումներից, այլև նվազագույնի հասցնել միջազգային հանրության և ուժի կենտրոնների դերն այդ հարցում: