Հայաստանում այսօր մեդիամանիպուլյացիա է արվում, թե ոչ մի վատ բան չի կատարվում, այս մասին Ֆրանսիայի հրապարակին հարակից Սարյանի անվան պուրակում այսօր հրավիրված քննարկմանն ասաց թուրքագետ Վարուժան Գեղամյանը՝ անդրադառնալով Արցախի շուրջ տեղի ունեցող գործընթացներին։  

Ռուսաստանը օգնեց Հայաստանին և Ադրբեջանին համաձայնության գալ Զանգեզուրի միջանցքում ավտոմայրուղու շուրջ, մնում է համաձայնեցնել 6 կմ փոքր հատվածը։ Այս մասին «Известия»-ին հայտնել է իրազեկ բարձրաստիճան աղբյուրը։

Հայաստանի արտգործնախարարությունը հայտնել է, որ հուլիսի 1-ին Վիեննայում տեղի կունենա Հայաստանի և Թուրքիայի հատուկ ներկայացուցիչների հերթական հանդիպումը՝ «Հայաստանի և Թուրքիայի միջև հարաբերությունների կարգավորման գործընթացի» շրջանակում։ Սա կլինի Ռուբեն Ռուբինյանի և Սերդար Քըլըչի չորրորդ հանդիպումը։ Հայաստանի արտգործնախարարությունը նախորդ հանդիպումը, որը տեղի է ունեցել Վիեննայում, անվանել է «անկեղծ և արդյունավետ» և վստահեցրել, որ կողմերը «հաստատել են առանց նախապայմանների գործընթացը շարունակելու իրենց համաձայնությունը»։

Թուրքական ավիացիոն իշխանությունները չեն տրամադրել իրենց երկրի օդային տարածքը FLYONE ARMENIA ավիաընկերությանը՝ դեպի Լիբանան չվերթների իրականացման (overflight) համար: Այս մասին ասվում է փոխադրողի հաղորդագրության մեջ։ Ստեղծված իրավիճակի հետևանքով ավիաընկերությունը ստիպված է մինչև հուլիսի 21-ը չեղարկել Երևան-Բեյրութ-Երևան չվերթները: Տվյալ երթուղով թռիչքների վերսկսման մասին կտրամադրվի համապատասխան տեղեկատվություն։ Ավիաընկերությունը ուղևորներին առաջարկում է հետևյալ այլընտրանքները. թռիչքի ամսաթվի փոփոխություն, չեղարկված թռիչքի գումարի ամբողջական վերադարձ: Եթե ավիատոմսը ձեռք է բերվել տուրիստական գործակալությունում, ավիաընկերությունն առաջարկում է կապ հաստատել գործակալության հետ՝ ներկայացված տարբերակներից մեկն ընտրելու համար: Միևնույն ժամանակ նշվում է, որ Երևան-Ստամբուլ-Երևան, Երևան-Փարիզ-Երևան և Երևան-Լիոն-Երևան չվերթները իրականացվում են ըստ չվացուցակի, հաղորդում է armeniatoday.news-ը։

«Զանգեզուրի միջանցքին» հասնելու թուրք-ադրբեջանական նոր սցենարը: Այս մասին Facebook-ի իր էջոըւմ գրել է արաբագետ Արմեն Պետրոսյանը:

Նիկոլ Փաշինյանն ասում է, որ Ադրբեջանը հրաժարվում է շարժվել խաղաղության օրակարգով և Հայաստանի դեմ նոր պատերազմ սկսելու լեգիտիմ հիմք է ձևավորում։ Այս մասին գրում է ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ շարունակելով.

Տեղյակ չեմ, թե այլընտրանքային ճանապարհի շուրջ ինչ պայմանավորվածություններ կան հայկական կողմի՝ մասնավորապես Արցախի իշխանությունների հետ, բայց մի բան հստակ է․ Բերձորով անցնող ճանապարհը, որը կապում է Արցախը Հայաստանի հետ, ռազմավարական կարևոր նշանակություն ունի և ամեն ինչ պետք է անել Բերձորի հանձնումը կանխելու համար։ Այդ մասին «Փաստինֆո»-ի հետ զրույցում ասաց Արցախի ԱԺ «ՀՅԴ» խմբակցության քարտուղար, պատմաբան Վահրամ Բալայանը։

Մոսկվայի Արևելքի պետական թանգարանում հունիսի 8-ին բացվել է «Էդմոնդ Պետրոսյան: Միստերիա Լեռնային Ղարաբաղից» խորագրով ցուցահանդեսը՝ ներկայացնելով արցախցի նկարիչ Էդմոնդ Պետրոսյանի 60 կտավներ։ Մոսկվայի հայկական թանգարանի կայքում գրված է, որ հունիսի 14-ին Արևելքի թանգարանի կայքում հայտնաբերել են՝ նկարչի ցուցահանդեսի անվանումը փոխվել է՝ «Էդմոնդ Պետրոսյան. Միստերիա», այսինքն՝ «Լեռնային Ղարաբաղ»-ը (Արցախի Հանրապետություն.-խմբ) հանվել է։

Հունիսի 17-ին Եվրոպայի Խորհրդի գլխավոր քարտուղար Մարիա Պեյչինովիչ-Բուրիչը Երևանում կայացած մամլո ասուլիսում հայտարարեց, որ Փաշինյանի և Ալիևի հանդիպումները, ինչպես նաև այդ կապակցությամբ հնչող հայտարարությունները ոգևորություն են ներշնչում իրեն, ուստի այդ բոլոր նախաձեռնություններում անհրաժեշտ է հասնել վստահության և հաշտեցման: «Այդ առումով ուրախ եմ, որ մայիսի 16-18-ին Վենետիկում Եվրոպայի խորհրդի հովանու ներքո տեղի ունեցավ վստահության կառուցման առաջին հանդիպումը՝ Հայաստանի և Ադրբեջանի քաղաքացիական հասարակությունների ներկայացուցիչների հանդիպումը։ Մասնակիցները պայմանավորվել են շարունակել երկխոսությունը և աշխատել հնարավոր համատեղ ծրագրերի ուղղությամբ: Ես շնորհակալ եմ Հայաստանի իշխանություններին այս նախաձեռնությանն աջակցելու համար»,- ասաց նա (Panorama.am):