«Ռազմինֆո» մասնագիտացված կայքի համակարգող, տեղեկատվական անվտանգության փորձագետ Կարեն Վրթանեսյանը գրում է.

Ադրբեջանը փորձում է ոչ ակտիվ պատերազմական գործողությունների միջոցով Արցախը հայաթափել: Նման կարծիք News.am-ի հետ զրույցում հայտնեց ռազմական փորձագետ Կարեն Հովհաննիսյանը՝ անդրադառնալով վերջին օրերին Արցախի տարբեր բնակավայրերի ուղղությամբ Ադրբեջանի ԶՈՒ կողմից հրադադարի ռեժիմի խախտումներին:

Politik.am-ը գրում է. «ՄԻԵԴ քարտուղարության հայազգի աշխատակից Մարգարիտա Թովմասյանը ամեն բան անում է, որպեսզի միջազգային այս կառույցը ամբողջական և ճիշտ պատկերացում չունենա երկրորդ նախագահ Ռոբերտ Քոչարյանի գանգատների վերաբերյալ։ Այս մասին էլեկտրոնային փոստի միջոցով մեզ տեղեկացրել է քարտուղարության մեկ այլ աշխատակից։ Սրանով է բացատրվում նաև այն հանգամանքը, որ ՄԻԵԴ-ում շատ դանդաղ է առաջ գնում նախագահ Քոչարյանի գանգատների քննությունը։

Օգոստոսի 7-ին ՀՅԴ կենտրոնական գրասենյակում տեղի ունեցավ առցանց խորհրդակցություն, որին մասնակցում էին Հայ Դատի տարածաշրջանային հանձնախմբերի և գրասենյակների ներկայացուցիչներ աշխարհի ավելի քան 30 երկրներից: Հիմնական օրակարգը վերաբերում էր Արցախի հետ կապված մի շարք հարցերի։ «Հաշվի առնելով 44-օրյա պատերազմից հետո ստեղծված նոր իրավիճակը և անցած ամիսների զարգացումները՝ կատարվել են քաղաքական առաջնահերթությունների հստակեցումներ ու մարտավարական ճշգրտումներ, որոնք միտված են շուրջ մեկ տասնյակի հասնող ուղղություններում իրազեկման (լոբբիստական) գործիքակազմի համալիր կիրառությամբ առաջ մղել Արցախի ժողովրդի իրավունքներն ու օրինական շահերը»,- ասված է պաշտոնական հաղորդագրության մեջ:

Նախօրեին ՌԴ ԱԳՆ-ն մերժեց Նիկոլ Փաշինյանի՝ հայ-ադրբեջանական սահմանին սահմանապահներ տեղակայելու առաջարկը: «Ռուսաստանը չի տեղակայում սահմանապահներ հայ-ադրբեջանական սահմանին` կողմերի միջև միջազգային իրավական ակտերի և վստահության բացակայության պատճառով»,- այս մասին հայտարարել է ՌԴ ԱԳՆ Տեղեկատվության և մամուլի դեպարտամենտի փոխտնօրեն Ալեքսանդր Բիկանտովը:

Հայաստանի գործող իշխանությունը Ոսկեպարում ռուսական սահմանապահների տեղակայման գործոնն օգտագործելու է՝ պատրանք ստեղծելու համար, թե ապավինում է Ռուսաստանի օգնությանն ու բարելավում է հարաբերությունները նրա հետ, իսկ հետո, տարածքային ենթադրյալ զիջումների գնալուց հետո, Ռուսաստանից պահանջելու է դուրս բերել իր ռազմաբազաները մեր երկրից, Հ2 հեռուստաընկերության եթերում ասել է ռազմական փորձագետ Դավիթ Ջամալյանը։

«Փաստ» թերթը գրում է. «Շարունակվում են փոփոխությունները դիվանագիտական համակարգում, այդ թվում՝ փոփոխվում են տարբեր երկրներում Հայաստանի դեսպանները։

Բոլոր ԶԼՄ-ները, բայց առանձնակի ընդգծված ոգևորությամբ՝ իշխանամետները, տեղեկատվություն են տարածել այն մասին, թե ինչպես է մեր պաշտպանության նոր նախարարը ՊՆ կոլեգիայի նիստի ժամանակ խիստ հրաման տվել Հայաստանի սահմանն անցնել փորձող ադրբեջանցի զինծառայողներին ոչնչացնելու մասին:

Նախ, խնդիրն այն է, որ պաշտպանության նախարարությունը Տավուշի մարզում ռուսական ուղեկալի տեղակայման մասին խոսում է այն ժամանակ, երբ մամուլը վերջին 4-5 օրերին տեսանյութեր ու լուսանկարներ էր հրապարակում: Այս մասին ԱԺ-ում News.am-ի հետ զրույցում նշեց «Պատիվ ունեմ» խմբակցության պատգամավոր Տիգրան Աբրահամյանը: