Իրանի միջուկային ծրագիրը արդյունավետ կերպով առաջ է գնում և ոչ հեռու ապագայում այն դառնալու է փաստ: Միակ տարբերակն այն խաթարելու համար մնում է մեծ պատերազմը: Այս մասի իր ֆեյսբուքյան իր էջում գրել է քաղաքագետ Ստեփան Դանիելյանը` անդրադառնալով տարածաշրջանային զարգացումներին:

Նիկոլ Փաշինյանի նախաձեռնությունները հեռանկարային չեն: Այս մասին «Կոմերսանտ»-ին ասել է ռուս քաղաքագետ Արկադի Դուբնովը՝ մեկնաբանելով հայ-ադրբեջանական սահմանին ՀԱՊԿ մոնիթորինգային առաքելություն տեղակայելու անհրաժեշտության մասին Փաշինյանի հայտարարությունը:

Երբ Մինսկի Խումբը, կամ ավելի ճիշտ այդ խմբի համանախագահ երկրների ներկայացուցիչները հայտարարում են, որ Արցախ կոնֆլիկտը դեռ հանգուցալուծված չէ եւ Արցախի կարգավիճակը դեռ պետք է ճշտվի, Հայաստանում շատերը դրա հետ լուրջ հույսեր են փայփայում, կարծելով, որ խոսքը Արցախի ճանաչմանն է վերաբերվում։ Այս մասին ֆեյսբուքյան իր էջում գրել է քաղաքագետ Ստեփան Դանիելյանը։

Ստեղծված աննախադեպ բարդ իրավիճակից դուրս գալու միակ ճանապարհը «Արժանապատիվ խաղաղության» բանաձևն է։ Այս մասին իր հոդվածում գրել է Այլընտրանքային նախագծեր խմբի անդամ Վահե Հովհաննիսյանը:

ՀԱՊԿ դիտորդական առաքելությունը հայ-ադրբեջանական սահմանի երկայնքով տեղակայելու վերաբերյալ Հայաստանի վարչապետի պաշտոնակատար Նիկոլ Փաշինյանի առաջարկն ունի քաղաքական բնույթ, այդ մասին հայտարարել է Պետդումայի ԱՊՀ հարցերով հանձնաժողովի նախագահ Լեոնիդ Կալաշնիկովը, հայտնում է «Ինտերֆաքս»-ը:

Հայաստանի որևէ բարձրաստիճան պաշտոնյա այդպես էլ չպարզաբանեց, թե ինչ բանակցություններ էին նախատեսված Մոսկվայում, ինչի մասին երեկ պաշտոնական հաղորդագրությամբ տեղեկացրեց ՀՀ ՊՆ-ն և ինչի շուրջ էր այդ հանդիպումը։ Այս մասին Facebook-ի իր էջում գրել է «Պատիվ ունեմ» դաշինքից պատգամավոր ընտրված Տիգրան Աբրահամյանը:

Այն, ինչ կատարվում է այժմ Հայաստանի եւ Ադրբեջանի սահմանին, կոչվում է ցածր ինտենսիվության հակամարտություն: Այն գոյություն ուներ միշտ՝ սկսած 2000-ականների սկզբից կամ կեսերից եւ այդպես՝ մինչեւ անցյալ տարի՝ Ղարաբաղյան երկրորդ պատերազմը: Այս մասին հուլիսի 28-ին կայացած առցանց քննարկման ժամանակ ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Ընդ որում, փորձագետը նշեց, որ այն ժամանակ սահմաններն այլ էին: «Բայց նույնիսկ այդ ժամանակ պարբերաբար կրակոցներ էին լինում, լինում էին տարբեր տեսակի սրացումներ, ինչպես ադրբեջանական, այնպես էլ հայ զինվորականների տեղաշարժեր՝ որոշ տարածքների, հենակետերի, ճանապարհների գրավմամբ եւ այլն»,- ասաց Իսկանդարյանը:

Թուրքիան եւ Ադրբեջանը հավակնոտ ծրագրեր ունեն՝ ավելի սերտացնելու իրենց սերտ ռազմական կապերը, գրում է Forbes-ը: «Հունիսի 15-ին Թուրքիայի նախագահ Ռեջեփ Թայիփ Էրդողանը հանդիպեց Ադրբեջանի նախագահ Իլհամ Ալիեւի հետ: Նրանք այցելեցին Շուշի: Ադրբեջանը գրավեց Շուշին Լեռնային Ղարաբաղում անցյալ տարվա պատերազմի ընթացքում: (Այդ պատերազմից մի քանի ամիս առաջ Անկարան զգալիորեն ավելացրեց զենքի արտահանումը Բաքու՝ Bayraktar TB2 զինված անօդաչու թռչող սարքեր մատակարարելով դրան, որոնք Ադրբեջանն օգտագործում էր հայկական ցամաքային ուժերը ջախջախելու համար):

Ստեղծված իրավիճակում կարիք կա մեկ անգամ հիշեցնել միայն մեկ պարզ ճշմարտություն. ո´չ Թուրքիայի, ո´չ Ադրբեջանի պլաններում այս տարածքում անկախ հայկական պետության` ՀՀ գոյություն նախատեսված չէ: Այս մասին Facebook-ի իր էջում գրել է թուրքագետ Վարուժան Գեղամյանը: