«Հրապարակ» թերթը գրում է. «ՔՊ-ական պատգամավոր Հայկ Սարգսյանի հեղինակած և կառավարության հավանությանն արժանացած` գումարի դիմաց բանակից ազատվելու աղմկահարույց նախագծի շուրջ ՔՊ-ում նոր կրքեր են բորբոքվել։ Անցած շաբաթ ԱԺ-ում տեղի ունեցած փակ քննարկման ժամանակ ՔՊ-ականները բացահայտել են, որ ԶՈՒ գլխավոր շտաբը նախագծի վերաբերյալ բացասական կարծիք է հայտնել, գրել են` «Դեմ ենք»:
ԱՄՆ նախագահ Դոնալդ Թրամփը ստորագրել է գործադիր հրամանագիր, որով արգելվում է 12 երկրների քաղաքացիների մուտքը Միացյալ Նահանգներ: Հանրապետականը այս որոշման մասին հայտարարել է չորեքշաբթի՝ հունիսի 4-ին, իր TruthSocial սոցիալական ցանցում: Մանրամասն մամուլի հաղորդագրություն հրապարակվել է Սպիտակ տան կայքում:
ՀՀ արտաքին գործերի նախարարությունն իրավասու չէ անմիջականորեն միջամտել կամ վերահսկողություն իրականացնել ՀՀ-ում գործող դեսպանությունների կողմից ՀՀ քաղաքացիներին մուտքի վիզա տրամադրելուն: «Հյուպատոսական կապերի մասին» Վիեննայի կոնվենցիայի համաձայն՝ դեսպանություններն առաջնորդվում են իրենց երկրների օրենսդրությամբ: Այս մասին հայտնում է ՀՀ արտաքին քաղաքական գերատեսչությունը` պատասխանելով Sputnik Արմենիայի գրավոր հարցմանը։
ԱՊՀ գործընկերների հետ երկկողմ և բազմակողմ համագործակցության ամրապնդումը Ռուսաստանի համար բացարձակ առաջնահերթություն է։ Այս մասին հայտարարել է Ռուսաստանի կառավարության ղեկավար Միխայիլ Միշուստինը։
Դուշանբեում մեկնարկել է ԱՊՀ կառավարությունների ղեկավարների խորհրդի նիստը: Հայաստանը ներկայացնում է փոխվարչապետ Մհեր Գրիգորյանը։
Արմավիրի մարզի Աղավնատուն գյուղում պայթյունից քաղաքացի է տուժել, հայտնում է shamshyan.com-ը։
Հայաստանի Ազգային արխիվից Ադրբեջանին նյութեր տրամադրելու փաստով Հայաստանի քննչական կոմիտեի պետության, սահմանադրական կարգի և հասարակական անվտանգության դեմ ուղղված հանցագործությունների քննության գլխավոր վարչությունում քրեական վարույթ է նախաձեռնվել։ «Փաստինֆոյի» հարցմանը պատասխանելով հայտնել են Քննչական կոմիտեից։
«Գեղարդ» գիտավերլուծական հիմնադրամը պաշտոնական դիմում-բողոք է ներկայացրել Ռուսաստանի Դաշնության Տոմսկի պետական համալսարանի ռեկտորատին և ՏՊՀ գիտական ամսագրերի խմբագրական խորհուրդներին՝ ամսագրերում հակահայկական հրապարակումների համար։
ԱՄՆ նախագահ Դոնալդ Թրամփը Truth Social սոցցանցի իր էջում հայտնել է, որ հեռախոսազրույց է ունեցել Ռուսաստանի նախագահ Վլադիմիր Պուտինի հետ: Թրամփի խոսքով՝ զրույցը տևել է մոտ մեկ ժամ 15 րոպե:
Իրանի և Ադրբեջանի նախագահներ Մասուդ Փեզեշքիանը և Իլհամ Ալիևը հեռախոսազրույցի ընթացքում հայտարարել են երկու երկրների հարաբերություններում «շրջադարձային պահի» մասին, հայտնում են ադրբեջանական լրատվամիջոցները՝ հղում անելով Ալիևի մամուլի ծառայությանը: