Ես սպասում եմ իմ գործընկեր Մատվիենկոյի այցին. նախնական համաձայնություն ունենք հունիսի 5-6-ի վերաբերյալ։ Այս մասին, այսօր՝ մարտի 4-ին, խորհրդարանաում լրագրողների հետ զրույցի ընթացքում ասել է ԱԺ նախագահ Ալեն Սիմոնյանը:

Հայաստանն ունի տվյալներ ԱՄՆ-ից արտաքսման ենթակա ավելի քան 2000 քաղաքացու վերաբերյալ։ Այս մասին հայտարարել է սփյուռքի գործերի գլխավոր հանձնակատար Զարեհ Սինանյանը։

ԴՕԿ կուսակցության հիմնադիր նախագահ Վարդան Ղուկասյանը ԱՄՆ մաքսային և միգրացիոն ծառայության աշխատակիցների կողմից ձերբակալվել է և կալանքի տակ է գտնվում Նևադա նահանգի Լաս Վեգաս քաղաքում. նրան սպառնում է արտաքսում։ Այս մասին «Արմենպրես»-ի հարցմանն ի պատասխան հայտնել է ԱՄՆ մաքսային և միգրացիայի վարչության Հյուսիս-արևմտյան տարածաշրջանի հաղորդակցության տնօրեն Ալաթեա Սմոքը։

«Հանրապետական» կուսակցության գործադիր մարմնի անդամ Էդուարդ Շարմազանովը ճիշտ չի համարում մեկնաբանել Արցախի նախկին նախագահ Արայիկ Հարությունյանին վերագրվող հայտարարությունները։

Պետական գերատեսչություններին՝ Ազգային ժողովին, արտգործնախարարությանը, մյուս բոլոր նախարարություններին և այլ մարմիններին, որոնք Ռուսաստանի Դաշնության հետ որևէ գործառույթ ունեն՝ համատեղ հանձնաժողովների, աշխատանքային խմբերի կամ ցանկացած այլ ֆորմատով, հանձնարարված է մաքսիմալ ինտենսիվացնել շփումները ռուս գործընկերների հետ:

ԱՄՆ նախագահ Դոնալդ Թրամփը կարգադրել է դադարեցնել Ուկրաինային տրամադրվող ռազմական օգնությունը, հայտնում են AFP-ն, Reuters-ը և այլ լրատվամիջոցներ՝ վկայակոչելով Սպիտակ տան պաշտոնյային, ով ցանկացել է անանուն մնալ:

Հռոմի պապ Ֆրանցիսկոսի մոտ, որը բուժում է ստանում թոքաբորբի դեմ, այսօր սուր շնչառական անբավարարության երկու դրվագ է տեղի ունեցել, թոքերի ոչ ինվազիվ արհեստական օդափոխությունը վերսկսվել է: Այս մասին հայտնում է ՌԻԱ Նովոստին՝ հղում անելով Սուրբ աթոռի մամուլի ծառայությունը։

«Փյունիկ»-«Արարատ-Արմենիա» թիմերի՝ մարտի 1-ին կայացած խաղի ժամանակ ձերբակալված 9 երկրպագուներն ազատ են արձակվել, հայտնել է First Armenian Front (FAF) ֆան շարժումը։

Բաքվում շարունակվել է Արցախի ռազմաքաղաքական նախկին 7 ղեկավարների և ևս 8 հայ գերիների շինծու դատավարությունը։