Համացանցում տեսանյութ է տարածվել, ըստ որի՝ Հայաստանում երթևեկող մեքենայի հետնամասից ծածանվել է Ադրբեջանի դրոշը։  

Քննարկումը հետաձգվել է ոչ թե երկու ամսով, այլ մինչև այս շաբաթվա վերջ կամ հաջորդ շաբաթվա սկիզբ, երբ հանձնաժողովի նիստը տեղի կունենա։ Այս մասին մարտի 3-ին լրագրողների հետ զրույցում հայտնել է «Հանրապետություն» արևմտամետ կուսակցության ներկայացուցիչ Արտակ Զեյնալյանը։

Հունգարիան արգելափակել է ԵՄ փաստաթղթի նախագիծը։ Այն ներառում էր Ուկրաինայի անվտանգության երաշխիքներ և ռազմական օգնության նոր փաթեթ, հաղորդում է Politico-ն։

Մարտի 3-ին Ժնևում ընթացող Մարդու իրավունքների խորհրդի 58-րդ նստաշրջանում ՄԱԿ Մարդու իրավունքների բարձր հանձնակատար Վոլկեր Տյուրկը պահանջել է անհապաղ ազատ արձակել Ադրբեջանում կամայականորեն պահվող հայազգի անձանց, հայտնել են Շվեյցարիայում Հայաստանի դեսպանության՝ Ժնևում ՄԱԿ-ի գրասենյակին կից մշտական ներկայացուցչությունից։  

Փետրվարին ԿԽՄԿ-ն այցելել է կալանավորներին, և դա եղել է Ռուբեն Վարդանյանի հացադուլի ժամանակ, լրագրողներին ասաց հայտնեց Կարմիր խաչի միջազգային կազմակերպության պատվիրակության հաղորդակցման ծրագրերի ղեկավար Զառա Ամատունին։

Economist Intelligence Unit-ը (EIU) հրապարակել է 2024թ. Ժողովրդավարության ինդեքսը, որը լույս է սփռում 2024թ. համաշխարհային ժողովրդավարության միտումների վրա: Հայաստանը 10-ից 5,35 միավորով ընդգրկված է հիբրիդային ռեժիմների խմբում՝ 167 երկրների մեջ զբաղեցնելով 82-րդ տեղը։ «Ընտրական գործընթաց և բազմակարծություն» բաժնում Հայաստանը հավաքել է 7.92 միավոր, «Պետական ​​կառավարման արդյունավետություն» բաժնում՝ 4.29, «Քաղաքական մասնակցություն» բաժնում՝ 6.11, «Քաղաքական մշակույթ» բաժնում՝ 3.13, «Քաղաքացիական ազատություններ» բաժնում՝ 5.29 միավոր։

Կարմիր Խաչի երևանյան գրասենյակի առջև անցկացվում է Ռուբեն Վարդանյանի կյանքի փրկության, հայ գերիների պաշտպանության ակցիա, որին մասնակցում են իրավապաշտպաններ, հանրային գործիչներ, քաղաքացիներ։  

Շրջանառության հարկ վճարող տնտեսվարողներն այսօր՝ մարտի 3-ին, կրկին հավաքվել են և բողոքի ակցիա են իրականացնում կառավարության շենքի դիմաց: Նրանք բողոքում են, որ շրջանառության հարկը հունվարի 1-ից բարձրացել է 5 տոկոսից դառնալով 10 տոկոս:  

ԱՄՆ-ը դադարեցրել է Ռուսաստանի դեմ կիբեռգործողությունները և դրանց պլանավորումը։ Այս քայլը «լուրջ հարված» է, մանավանդ որ նման գործողությունների պլանավորումը ժամանակ և հետազոտություններ է պահանջում, հաղորդել է CNN-ը: