ՀՀ ԱԺ պատգամավոր Տիգրան Աբրահամյանը գրել է․ «Բյուջեի կատարողականի քննարկման այս օրերին բոլորը գովում են իրենց աշխատանքը, ճոռոմ խոսքեր հնչեցնում արդյունքների մասին, բայց բացում ես հաշվետվությունը` լրիվ հակառակի մասին է:

Վրաստանի նախագահ Միխեիլ Կավելաշվիլին ապրիլի 28-29-ը պաշտոնական այցով կլինի Հայաստանում:

Կալիֆորնիայի հայաբնակ Գլենդելի քաղաքապետը կրկին հայ է։ Գլենդելի քաղաքային խորհուրդը քաղաքապետ է ընտրել ամերիկահայ պետական և քաղաքական գործիչ Արա Նաջարյանին։

Թալիշ պատմաբան Զահիրադին Իբրահիմովն անհետացել է մարտի 26-ին Ռուսաստանի Եկատերինբուրգ քաղաքից: Կարճ ժամանակ անց Ադրբեջանի Լենքորանի շրջանում գտնվող նրա հարազատները նամակ են ստացել Ադրբեջանի Պետական անվտանգության ծառայությունից, որտեղ թվարկված են Իբրահիմովի դեմ ուղղված մի շարք մեղադրանքներ, այդ թվում՝ դավաճանություն։ Այդ մասին հաղորդում է OC-Media-ն:

Հայաստանի, Վրաստանի և Ադրբեջանի ԱԳ նախարարների տեղակալները եռակողմ հանդիպում կունենան Թբիլիսիում։ Այս մասին հայտնել է ՀՀ ԱԳՆ մամուլի խոսնակ Անի Բադալյանը։

Երևանի քաղաքապետ Տիգրան Ավինյանը հանդիպել է Դավթաշեն վարչական շրջանի Անաստաս Միկոյան 64 հասցեում կառուցված բազմաֆունկցիոնալ բնակելի համալիրի շահառուների և սնանկ ճանաչված կառուցապատող ընկերության ներկայացուցիչների հետ և հայտարարել, որ քաղաքապետարանն իր լիազորությունների շրջանակում կաջակցի բարեկարգման աշխատանքների իրականացման ու շահագործման թույլտվության տրամադրման հարցում: Այս մասին Ավինյանը հայտնել է սոցցանցերի իր էջերում։

Եվրասիական տնտեսական հանձնաժողովում ԵՏՀ Առևտրային քաղաքականության դեպարտամենտի տնօրեն Վլադիմիր Սերպիկովի և ԵՏՀ սանիտարական, բուսասանիտարական և անասնաբուժական միջոցառումների դեպարտամենտի տնօրեն Վլադիմիր Սինկևիչի գլխավորությամբ պետական ​​կառույցների, բիզնես ասոցիացիաների և ձեռնարկությունների ներկայացուցիչների հետ քննարկում է անցկացվել ԵՏՀ երկրների գյուղատնտեսական միության շուկայի հասանելիության հարցերի շուրջ։

Հունգարիան արգելափակել է Եվրամիության՝ Խաղաղության եվրոպական հիմնադրամի (ԵՀՀ) միջոցով Հայաստանին հավելյալ 20 միլիոն եվրո «ոչ մահաբեր» ռազմական օգնություն տրամադրումը։

Սահմանադրական դատարանը որոշել է, որ «Ապօրինի ծագում ունեցող գույքի բռնագանձման մասին» օրենքը համապատասխանում է ՀՀ Սահմանադրությանը։ Այս մասին հայտնում է ՍԴ մամուլի ծառայությունը։