Հռոմի Ֆրանցիսկոս պապը վիճակը շարունակում է մնալ ծայրահեղ ծանր, բայց կայուն: Այս մասին հայտնում է Սուրբ Աթոռի մամուլի ծառայությունը։

Ադրբեջանը շուտով Պակիստանից կստանա JF-17 Thunder կործանիչների առաջին խմբաքանակը՝ հայտնել Է Պակիստանի տեղեկատվության նախարար Ատա Թարարը:

Միջազգային օլիմպիական կոմիտեն (ՄՕԿ) ձմեռային մարզաձևերի միջազգային ֆեդերացիաներին կոչ է արել ռուս և բելառուս մարզիկներին թույլ տալ մասնակցել 2026 թվականի օլիմպիական խաղերի որակավորման մրցումներին: Այս մասին հայտնում է SVT-ն։

«Հյուսիս-հարավ» միջազգային տրանսպորտային միջանցքի (ՄՏՄ) շրջանակներում Ռեշտ-Աստարա երկաթգծի կառուցման համար կհատկացվի ռուսական արտահանման վարկ։ Այս մասին հայտարարել է ՌԴ ԱԳ նախարար Սերգեյ Լավրովը:

Ադրբեջանական կողմն ավերել է բռնազավթված Արցախի Հադրութի շրջանի Ծամձոր գյուղի բնակելի տների զգալի մասը, հայտնում է Monument Watch-ը՝ հղում անելով 2025 թվականի փետրվարին արված արբանյակային լուսանկարներին։

Գերագույն Ռադան երկրորդ փորձով ընդունել է «Ռուսաստանի ագրեսիայի համատեքստում Ուկրաինայում ժողովրդավարությանն աջակցելու մասին» բանաձևը, որում ասվում է, որ նախագահ Վլադիմիր Զելենսկու լիազորությունները պետք է շարունակվեն մինչև ռազմական դրության ավարտը։ Փաստաթուղթը հավանության է արժանացել անհրաժեշտ 226-ից 268 ձայնով, հայտնել է ժողովրդական պատգամավոր Յարոսլավ Ժելեզնյակը։ Տեքստում ընդգծվում է, որ Զելենսկին ընտրվել է ազատ, թափանցիկ, ժողովրդավարական ընտրություններում, ուստի նրա մանդատը հարցականի տակ չէ, ինչպես նաև անհրաժեշտությունը, որ նա պետք է կատարի իր լիազորությունները, քանի դեռ Ուկրաինայի նորընտիր նախագահը չի ստանձնել իր պաշտոնը։

ՀՀ ԱԳ նախարարի տեղակալ Պարույր Հովհաննիսյանը ԵՄ-Հայաստան խորհրդարանական գործընկերության կոմիտեի 4-րդ նիստին անդրադարձել է Բաքվում պահվող հայ գերիներին՝ նշելով, որ Եվրոպական միության միջնորդական ձևաչափն այժմ չի աշխատում:

Թուրքիայի ԱԳ նախարար Հաքան Ֆիդանը փետրվարի 26-ին Անկարայում իր վրացի գործընկեր Մակա Բոճորիշվիլիի հետ բանակցությունների ժամանակ կհայտարարի «3+3» համագործակցության տարածաշրջանային հարթակին Վրաստանի միանալու՝ թուրքական կողմի ակնկալիքների մասին: Այս մասին ՌԻԱ Նովոստիին հայտնել է Թուրքիայի ԱԳՆ աղբյուրը։

Հակակոռուպցիոն դատարանում ընթանում են ՀՀ երկրորդ նախագահ Ռոբերտ Քոչարյանի և մյուսների գործով լսումները։ Դատարանում նախագահում է դատավոր Սարգիս Պետրոսյանը։