Արցախի համար պայքարում դավաճանվեցին թե՛ Ռուբեն Վարդանյանը, թե՛ Արցախի ռազմաքաղաքական ամբողջ ղեկավարությունը: Այս մասին ասել է Սրբազան պայքարի առաջնորդ Բագրատ Սրբազանն իր ուղերձի ժամանակ, որում աջակցություն է հայտնել Բաքվի բանտերում ապօրինաբար պահվող Արցախի ռազմաքաղաքական ղեկավարությանը և բոլոր հայ գերիներին։

ԱՄՆ նախագահ Դոնալդ Թրամփը ևս մեկ տարով երկարաձգել է Ռուսաստանի դեմ մի շարք պատժամիջոցների ժամկետը։ Ինչպես հայտնում է Սպիտակ տունը, որոշումը կապված է Ուկրաինայում տիրող իրավիճակի հետ։

Իրանը չի հրաժարվում Վաշինգտոնի հետ բանակցություններից, սակայն չի պատրաստվում դրանք վարել իր համար ոչ շահավետ պայմաններով։ Այս մասին, ինչպես փոխանցում է ՌԻԱ Նովոստին, հայտարարել է երկրի նախագահ Մասուդ Փեզեշքիանը։

ՌԴ Դաշնության խորհրդի նախագահ Վալենտինա Մատվիենկոն Թուրքիայի նախագահ Ռեջեփ Թայիփ Էրդողանին է փոխանցել ՌԴ նախագահ Վլադիմիր Պուտինի բանավոր ուղերձը երկկողմ հարաբերությունների հարցերի և միջազգային արդիական օրակարգի վերաբերյալ։ Տեղեկությունը հայտնում է Դաշնության խորհրդի մամուլի ծառայությունը։

Քրդական աշխատավորական կուսակցության (ՔԱԿ) առաջնորդ Աբդուլլահ Օջալանը, որը ցմահ ազատազրկված է թուրքական բանտում, իր կողմնակիցներին կոչ է արել վայր դնել զենքը և ցրել ՔԱԿ-ը: Տեղեկությունը հայտնում են թուրքական լրատվամիջոցները։

Հայաստան ԱՄՆ մաքսային և սահմանապահ թիմի նախատեսվող այցը տեղի չի ունեցել։ Այս մասին հայտնել է ՊԵԿ նախագահի տեղակալ Ռաֆայել Գևորգյանը, հայտնում է «Արմենպրեսը»։

Այս իշխանության մեղքով է, որ այսօր Բաքվում գերիներ ունենք, որոնցից մեկն էլ իմ եղբայրն է։ Ամենամեծ գործողությունը պիտի իրականացնի հանրությունը, որովհետև մեր բոլոր գերիները թասիբի համար են պայքարում։ Բաքվում գտնվող մարդիկ ավելի մեծ պայքար են տանում հայ ազգի համար, քան այստեղ գտնվողները։ Այս մասին կառավարության շենքի մոտ լրագրողների հետ զրույցում ասաց «Վերածնվող Արցախ» հասարակական կազմակերպության նախագահ Անաստաս Իսրայելյանը։

Հայ գերիների Հայաստան վերադառնալու բանալին Նիկոլ Փաշինյանի մոտ է։ Այս մասին այսօր տեսաուղերձի միջոցով հայտարարել է ՀՀ ԱԳ նախկին նախարար Վարդան Օսկանյանը` պահանջելով ՀՀ վարչապետից դադարեցնել Ադրբեջանի հետ բոլոր տեսակի բանակցությունները։

Հայաստանում տեղի կունենա հանրահավաք՝ նվիրված Ադրբեջանի ցեղասպանական գործողությունների զոհերի հիշատակին։