Լավագույն ֆուտբոլիստները հրաժարվում են խաղալ Հայաստանի հավաքականում, ավելորդ է խոսել, որ Հենրիխ Մխիթարյանը չի խաղում ազգային հավաքականում, ինչն անձամբ ինձ համար շատ ցավալի է: Պատճառը բոլորն էլ հասկանում են, սակայն Հենրիխը չի ցանկանում բարձրաձայնել. դա իր անձնական որոշումն է: Այս մասին NEWS.am-ին տված հարցազրույցում ասել է «Փյունիկ» ակումբի նախկին նախագահ, «Փյունիկ» ակադեմիայի սեփականատեր Արթուր Սողոմոնյանը:

Հռոմի պապ Ֆրանցիսկոսի առողջական վիճակը փոքր-ինչ բարելավվել է, սակայն բժիշկները պահպանում են զգուշավոր կանխատեսումը։ Այս մասին հայտնել է Սուրբ աթոռի մամուլի ծառայությունը:

Ուկրաինացի պաշտոնյան Axios-ին ասել է, որ Ուկրաինայի և ԱՄՆ-ի միջև գործարքը կարող է ստորագրվել արդեն երկուշաբթի, իսկ վերջնական փոփոխությունները դեռ հնարավոր են: Ուկրաինայի փոխվարչապետ Օլգա Ստեֆանիշինան հաստատել է, որ բանակցությունները մոտենում են ավարտին՝ այն անվանելով երկարաժամկետ պարտավորություն։

Կանադան դիտարկում է հակամարտության ավարտից հետո Ուկրաինայի անվտանգության ապահովմանը մասնակցելու բոլոր հնարավոր տարբերակները՝ չբացառելով զինծառայողներ ուղարկելու հնարավորությունը: Ինչպես հայտնում է ՌԻԱ Նովոստին, Կիևում կայացած ասուլիսի ժամանակ այդ մասին հայտարարել է վարչապետ Ջասթին Թրյուդոն։

Ֆրանսիայի նախագահ Էմանուել Մակրոնը ժամանել է Սպիտակ տուն՝ բանակցություններ վարելու ԱՄՆ նախագահ Դոնալդ Թրամփի հետ, հայտնում է Reuters-ը։

Շինծու դատավարություններ են ընթանում Ադրբեջանում կամայականորեն կալանավորված ՀՀ 23 քաղաքացու նկատմամբ։ Այս մասին Ժնևում ՄԱԿ մարդու իրավունքների խորհրդի նստաշրջանում ելույթի ժամանակ ասաց ՀՀ արտգործնախարար Արարատ Միրզոյանը։

2025 թվականի 8-րդ շաբաթվա (17.02-23.02.2025թ) ընթացքում ՀՀ-ում արձանագրվել է սուր շնչառական վարակներով պայմանավորված ակտիվության նվազում: Այս մասին NEWS.am-ին տեղեկացնում են Հիվանդությունների վերահսկման և կանխարգելման ազգային կենտրոնից:

Լոնդոնն ու Փարիզը ծրագիր են մշակում Ուկրաինայում մինչև 30 հազար եվրոպացի խաղաղապահ տեղակայելու մասին, եթե Մոսկվան և Կիևը համաձայնության գան հրադադարի մասին: Դրա մասին գրում է The Wall Street Journal պարբերականը՝ վկայակոչելով եվրոպացի պաշտոնյաներին։

Եվրամիության երկրների արտգործնախարարներն ընդհանուր հայտարարի չեն եկել 2025 թվականին Ուկրաինային ռազմական օգնություն տրամադրելու հարցում։ Ինչպես հայտնում է ՌԻԱ Նովոստին, այդ մասին ասել է Եվրոպական դիվանագիտության ղեկավար Կայա Կալասը։