Թուրքիայի նախագահ Ռեջեփ Թայիփ Էրդողանը հայտարարել է, որ ուշադիր հետևում է Հայաստանի և Ադրբեջանի միջև բանակցությունների ընթացքին։ Այս մասին նա հայտարարել է Ադրբեջանի նախագահ Իլհամ Ալիևի հետ հեռախոսազրույցում։

ԱԺ նախկին պատգամավոր, Հայաստանի ֆուտբոլի ֆեդերացիայի (ՀՖՖ) նախկին նախագահ Ռուբեն Հայրապետյանի դեմ նոր մեղադրանք է ներկայացվել, և գործն ուղարկվել է դատարան։ Այսօր հրավիրված մամուլի ասուլիսի ժամանակ ասաց նրա փաստաբան Ամրամ Մակինյանը։ Նրա խոսքով՝ ըստ էության նոր ոչինչ չկա, շարունակվում է Ռուբեն Հայրապետյանի և նրա ընտանիքի անդամների նկատմամբ դեռ 5 տարի առաջ սկսված քաղաքական հետապնդումները։

Թուրքիան կարող է Սիրիայի նոր իշխանությունների հետ համատեղ ռազմական գործողություն իրականացնել արաբական երկրի հյուսիսում Քրդստանի աշխատավորական կուսակցության (PKK, Անկարայի կողմից ահաբեկչական ճանաչված) ուժերի դեմ, եթե քուրդ զինյալները վայր չդնեն զենքը։ Այս մասին հայտնել է կառավարամետ Hürriyet թերթը։

Երևանի ավագանին նախագիծ է առաջ քաշել, որով աղբահանության վճարի հաշվարկումն այսուհետև կատարվի ըստ բնակարանի մակերեսի։ Այս նախագիծը ներկայացրեց Երևանի քաղաքապետարանի եկամուտների հաշվառման և գանձման վարչության պետ Դավիթ Հակոբյանը։

Վրաստանի նախագահը սպառնացել է իշխող «Վրացական երազանք» կուսակցությանը տապալել, եթե այն չհամաձայնի ընդդիմության հետ նոր խորհրդարանական ընտրություններ նշանակելու հարցում։ «ՌԻԱ նովոստի»-ն հայտնում է, որ այդ մասին նա հայտարարել է իր տեսաուղերձում։

Սանկտ Պետերբուրգում ՌԴ նախագահ Վլադիմիր Պուտինի և Հայաստանի վարչապետ Նիկոլ Փաշինյանի առանձին հանդիպում չի լինի, բայց շփման հնարավորություն նրանք կունենան, տեղեկացրել է ՌԴ նախագահի մամուլի քարտուղար Դմիտրի Պեսկովը, տեղեկացրել է «Ինտերֆաքսը»։

Բացահայտ ծաղր է խաղաղության քարոզն այն պայմաններում, երբ Ադրբեջանի նախագահը հայտարարում է, որ 300,000 ադրբեջանցի արդեն դիմել է Հայաստանի վարչապետին՝ «Հայրենիք վերադառնալու» նպատակով։ Ֆեյսբուքյան էջում գրել է ՀՀ նախկին ՄԻՊ Արման Թաթոյանը․

«Արմենիա» միջազգային օդանավակայաններ» ՓԲԸ-ն որակավորվել է որպես «Հիանալի աշխատավայր» միջազգային հեղինակավոր «Great Place to Work» ընկերության կողմից:

Ռուսաստանի Դաշնության նախագահ Վլադիմիր Պուտինը կմեկնի Լենինգրադի մարզ՝ դեկտեմբերի 26-ին մասնակցելու Հայաստանի Հանրապետության վարչապետ Նիկոլ Փաշինյանի նախագահությամբ անցկացվելիք Եվրասիական տնտեսական բարձրագույն խորհրդի նիստին։