Միանշանակ պետք է մեր ամբողջ ջանքը ներդրվի՝ հեռացնելու այս չարիքի իշխանությունը, ֆեյսբուքյան ուղիղ եթերում ասաց Բագրատ Սրբազանը։  

Առողջական խնդիրներ ունեցող զորակոչիկներին այսուհետ ոչ թե տարկետում տալու, այլ սահմանափակումներով ծառայության զորակոչելու կառավարության որոշումը կապված է երկրի սուղ զորահավաքային հնարավորությունների և ռեսուրսների հետ: Sputnik Արմենիայի հետ զրույցում նման կարծիք հայտնեց Ազգային ժողովի «Պատիվ ունեմ» խմբակցության պատգամավոր, ԱԺ և անվտանգության հանձնաժողովի անդամ Տիգրան Աբրահամյանը` անդրադառնալով կառավարության երեկվա որոշմանը։

«Ես լիովին համաձայն եմ, որ մենք պետք է փոխենք մեր կախվածությունը գազից և նավթից ավտոկրատ ռեժիմներից, ինչպիսին Ադրբեջանն է»: Այս մասին Alpha News-ին ասել է ավստրիացի Եվրախորհրդարանի անդամ Լենա Շիլինգը՝ պատասխանելով այն հարցին, որ չնայած Եվրախորհրդարանում ընդունված բազմաթիվ բանաձևերի, որոնք դատապարտում են Ադրբեջանի հանցագործությունները, ԵՄ-ն առաջնահերթություն է տալիս Ադրբեջանի հետ էներգետիկ գործընկերությանը, քան մարդու իրավունքների պաշտպանությանը։

Գերմանացի գործընկերոջ՝ Աննալենա Բերբոքի հետ բանակցություններում Թուրքիայի արտգործնախարար Հաքան Ֆիդանը, խոսելով Հարավային Կովկասի իրավիճակի մասին, հայտնել է, որ «երրորդ կողմերը պետք է Ադրբեջանի և Հայաստանի միջև խաղաղության գործընթացը խրախուսեն արդար և անաչառ», տեղեկացրել է ՏԱՍՍ-ը՝ հղում կատարելով Թուրքիայի ԱԳՆ աղբյուրին։

Իժևսկի օդանավակայանում մտցվել է «Գորգ» պլանը, թռիչքները ժամանակավորապես դադարեցվել են, թելեգրամում տեղեկացրել է Ուդմուրտիայի ղեկավար Ալեքսանդր Բրեչալովը։ «Ռոսավիացիան» հաստատել է, որ օդանավակայանը չվերթներ չի ուղարկում և չի ընդունում։

Գերմանիայի արևելքում գտնվող Մագդեբուրգ քաղաքում ավտոմեքենան մխրճվել է մարդկանց բազմության մեջ, ինչի հետևանքով 2 մարդ մահացել է, 68-ը` տուժել։ Տեղեկությունը հրապարակվել է Մագդեբուրգի քաղաքապետարանի կայքում։  

Չճանաչված Լեռնային Ղարաբաղի Հանրապետության (ԼՂՀ) նախկին պետնախարար Ռուբեն Վարդանյանը, որն ավելի քան մեկ տարի պահվում է ադրբեջանական բանտում, մեկուսացված է իր ընտանիքի վարձած փաստաբաններից։ Դրա մասին RTVI հեռուստաալիքին տված հարցազրույցում հայտարարել է Վարդանյանի որդին՝ Դավիթը:

Քարվաճառ քաղաքի մոտակայքում երկրաշարժ է գրանցվել, որը զգացվել է նաև Հայաստանի մի շարք բնակավայրերում։ Տեղեկությունը հայտնում է ՆԳՆ փրկարար ծառայությունը։

Ադրբեջանի նախագահ Իլհամ Ալիևի հարազատներն ու մերձավոր շրջապատը Մեծ Բրիտանիայում հարյուր միլիոնավոր դոլարների գույք են ձեռք բերել, հայտնում է OCCRP-ն։