Նախնական ընտրությունների արդյունքների համաձայն Գյումրու քաղաքապետի պաշտոնակատար կնշանակվի Սարիկ Մինասյանը. նա ստացել է 273 ձայն:

Միացյալ Նահանգները 20 միլիարդ դոլարի վարկ է տրամադրել Ուկրաինային՝ որպես «Մեծ յոթնյակի» ծրագրի մաս՝ 50 միլիարդ դոլար ընդհանուր գումարով շտապ վարկեր տրամադրելու ծրագրով: Այս մասին հայտնում է ՌԻԱ Նովոստին՝ հղում անելով ԱՄՆ ֆինանսների նախարարության հայտարարությանը։

Արբանյակային պատկերները ցույց են տալիս, որ Սիրիայում Բաշար Ասադի տապալումից հետո ռուսական ռազմանավերը լքել են սիրիական ափին տեղակայված Տարտուս ռազմածովային բազան: Դրանցից ոմանք խարիսխ են գցել ծովը, գրում է «Ամերիկայի ձայն»-ը։

Դեկտեմբերի 10-ին ՀՀ պաշտպանության նախարարությունում անցկացվել են Հայաստան-Ֆրանսիա ռազմավարական պաշտպանական խորհրդակցությունները՝ ՀՀ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի ու Ֆրանսիայի զինված ուժերի նախարարության միջազգային համագործակցության և ռազմավարության գլխավոր վարչության Եվրոպայի, Հյուսիսային Ամերիկայի ու բազմակողմ համագործակցության վարչության պետ Ալեքսանդր Էսկորսիայի գլխավորությամբ: Այս մասին հայտնում են ՊՆ-ից:

Հնդկաստանը մշտապես աջակցել է Ռուսաստանին և մտադիր է ապագայում շարունակել այդ գիծը։ Այս մասին հայտարարել է Հնդկաստանի պաշտպանության նախարար Ռաջնաթ Սինգհը Ռուսաստանի նախագահ Վլադիմիր Պուտինի հետ հանդիպման ժամանակ։ Նրա խոսքերը մեջբերում է ՌԻԱ Նովոստին` հղում անելով Հնդկաստանի պաշտպանության նախարարության մամուլի ծառայությունը։

ԵԱՏՄ անդամ բոլոր երկրներում 2024 թվականի հունվար-սեպտեմբեր ամիսներին միջին ամսական անվանական և իրական (ճշգրտված ապրանքների և ծառայությունների սպառողական գների ինդեքսով) աշխատավարձերը 2023 թվականի համապատասխան ժամանակահատվածի համեմատ աճել են։

ՀՀ Արարատի մարզի Մխչյան գյուղի և հարակից մի շարք բնակավայրերում ջերմոցային տնտեսությունների ջեռուցման հետևանքով գերազանցվում են գազասպառման ծավալների թույլատրելի սահմանաչափերը: Այս հայտարարությունը տարածել է «Գազպրոմ Արմենիա» ընկերությունը` արձագանքելով բնակիչների դժգոհություններին։

Եվրամիությունը 1,5 միլիոն եվրոյի դրամաշնորհ է հատկացրել Հայաստանի կառավարությանը՝ Լեռնային Ղարաբաղից բռնի տեղահանվածների կարիքները հոգալու համար, հաղորդել է Երևանում ԵՄ պատվիրակության մամուլի ծառայությունը։

Թբիլիսիում հակակառավարական ցույցերի կազմակերպիչները փորձելու են խափանել Վրաստանում դեկտեմբերի 14-ին նշանակված նախագահական ընտրությունները։ Այս մասին ասվում է Վրաստանի Պետական ​​անվտանգության ծառայության (ԱԱԾ) հայտարարության մեջ։