Բարձրագույն դատական խորհրդի նախագահի ընտրությանն այսօր որևէ թեկնածու չի հավաքել բավարար ձայների քանակ։ Տեղեկությունը հայտնում է դատական իշխանությունը։

Սիրիայի Զինված ուժերը շարունակում են դիմակայել զանգվածային ահաբեկչական գրոհին, որը ձեռնարկել են ահաբեկչական կազմակերպությունները Հալեպում և Իդլիբում, ինչը հանգեցրել է տեխնիկայի ծանր կորուստների և մարդկային զոհերի։ Այս մասին տեղեկացրել է SANA-ն։

Ռուսաստանի նախագահ Վլադիմիր Պուտինը ՀԱՊԿ անդամ երկրների ղեկավարներին և զինվորական հաշվարկներին հրավիրել է Մոսկվա՝ Մեծ Հաղթանակի 80-ամյակին նվիրված հանդիսավոր միջոցառումներին մասնակցելու համար։

ՀՀ երկրորդ նախագահ Ռոբերտ Քոչարյանը կասկածում է, որ Հայաստանում դատական համակարգն անկախ է: Նա այդ մասին հայտարարեց այսօր դատական նիստի ժամանակ՝ խոսելով Բարձրագույն դատական խորհրդի (ԲԴԽ) նախագահ Կարեն Անդրեասյանի հրաժարականի մասին։

Իրանի և Ադրբեջանի համատեղ զորավարժությունները ցույց են տալիս փոխադարձ վստահության աճը երկու երկրների միջև, «և եթե Աստված տա, դա կդառնա շրջադարձային պահ Իրանի և Ադրբեջանի պատմության մեջ, այս զգայուն տարածաշրջանում խաղաղության և անվտանգության հաստատման հարցում»։ Այս մասին հայտնել է Իրանի հոգևոր առաջնորդի միջազգային գործերի գծով խորհրդական Ալի Աքբար Վելայաթին, տեղեկացրել է NourNews-ը։

Աստանայում ՀԱՊԿ գագաթնաժողովում Հայաստանի ներկայացուցչի բացակայությունը բնութագրում է տարածաշրջանի աշխարհաքաղաքական իրավիճակը։ Ինչպես հայտնում է ԲԵԼՏԱ–ն, գագաթնաժողովում այս մասին հայտարարել է Բելառուսի նախագահ Ալեքսանդր Լուկաշենկոն։

Ռուսաստանի միջուկային «հովանոցը», համաձայն նոր միջուկային դոկտրինի, տարածվում է առաջին հերթին ՀԱՊԿ երկրների վրա։ Այս մասին հայտնել է ՌԴ Անվտանգության խորհրդի քարտուղար Սերգեյ Շոյգուն, տեղեկացրել է «Ինտերֆաքսը»։

ՀՀ օրհներգի վերջին քառատողը կդառնա 2–րդ, իսկ 2–րդ և 3–րդ քառատողները համապատասխանաբար կդառնան 3–րդ և 4–րդ։ Համապատասխան որոշումն ընդունվեց կառավարության այսօրվա նիստում։

Կառավարությունը որոշել է ID bank-ին օտարել Ջրային կոմիտեին պատկանող ավելի քան 1000 քմ մակերեսով շենքը, որը գտնվում է բանկի գլխամասային գրասենյակի հարևանությամբ։ Գործարքի արժեքը կազմում է շուրջ 2.05 մլն դոլար, իսկ բանկը պարտավորվել է լրացուցիչ 385 հազար դոլարի ներդրումներ կատարել մինչև 2026 թվականը։