ԱԺ պատգամավոր Թագուհի Թովմասյանը գրում է.

Ներքին Հանդը Հայաստանի Կապան համայնքի գյուղ է, որը 3 կողմից շրջափակված է ադրբեջանական 2 տասնյակից ավելի զինված դիրքերով, միայն այստեղ Հայաստանի տարածքից օկուպացված է 2,700 հեկտար:

ԵՄ արտաքին քաղաքականության պատասխանատու Խոսեպ Բորելը խոստացել է վերականգնել եվրոպական ֆինանսավորումը Վրաստանին՝ բոլոր հակադեմոկրատական ​​օրենքները հետ կանչելու դիմաց, որոնք ուղղված են հիմնականում գեյերի քարոզչության և օտարերկրյա գործակալների դեմ: Բորելը, ով պետք է թոշակի անցնի դեկտեմբերին, այս մասին հայտարարել է Ստրասբուրգում Եվրախորհրդարանի նիստում։

Իրանի արտաքին գործերի նախարար Աբբաս Արաղչին կմասնակցի Թուրքիայում կայանալիք «3+3» տարածաշրջանային հարթակի նիստին: Տեղեկությունը հայտնում է թուրքական «Sabah» թերթը՝ հղում անելով Անկարայում Իրանի դեսպան Մոհամմադ Հասան Հաբիբոլահզադեին:

Մեծ Բրիտանիայի թագավոր Չարլզ Երրորդն, ըստ ամենայնի, չի մասնակցի Ադրբեջանում նոյեմբերի 11-22-ն անցկացվելիք COP29 կլիմայական գագաթնաժողովին, գրում է բրիտանական PA Media-ն։

Հայաստանը պաշտոնապես հետ չի կանչում իր ստորագրությունը եռակողմ հայտարարությունից, որը ստորագրվել է 2020 թվականին Մոսկվայի, Բաքվի և Երևանի կողմից և նպաստել է Լեռնային Ղարաբաղում հրադադարի հաստատմանը։ Միևնույն ժամանակ, տարածաշրջանում հաղորդակցությունների ապաշրջափակման եռակողմ աշխատանքային խմբի շրջանակում մոտ մեկուկես տարի առաջընթաց չի գրանցվել, ըստ ТАСС-ի՝ հայտարարել է ՌԴ փոխվարչապետ Ալեքսեյ Օվերչուկը։

Ռուսաստանը չի միջամտում Հայաստանի և Ադրբեջանի երկկողմ հարաբերություններին։ «Արմենպրես»-ի հաղորդմամբ՝ այս մասին «Իզվեստիա»-ին ասել է ՌԴ նախագահի մամուլի քարտուղար Դմիտրի Պեսկովը:

Հինգ մարդ, նրանց թվում՝ երկու ոչ սիրիացի քաղաքացիներ, սպանվել են երեքշաբթի Դամասկոսում Իրանի Իսլամական հեղափոխության պահապանների կորպուսի և լիբանանյան «Հըզբոլլահ» շարժմանն առնչվող իսրայելական հարձակման հետևանքով, հայտնել է Al Hadath-ը:

Վրաստանի վարչապետ Իրակլի Կոբախիձեն հայտարարել է Հայաստանի, Ադրբեջանի և Թուրքիայի հետ հարաբերությունների խորացման կարևորության մասին՝ ներկայացնելով իշխող «Վրացական երազանք-Ժողովրդավարական Վրաստան» կուսակցության նախընտրական ծրագիրը, հայտել է BMG-ն։