Ուկրաինայի նախագահ Վլադիմիր Զելենսկին ԱՄՆ պետքարտուղար Էնթոնի Բլինքենին է փոխանցել Ռուսաստանում հարձակումների համար թիրախների ցանկը, որոնց վերաբերյալ Կիևը խնդրում է չեղարկել հեռահար ամերիկյան զենքի կիրառման սահմանափակումները, ABC News-ին հայտնել է Ուկրաինայի ղեկավարի խորհրդականներից մեկը։

Աշխարհահռչակ հայ դիրիժոր, դաշնակահար, պրոդյուսեր, «Գրեմմի» մրցանակի քառակի հավակնորդ, Հայերի ասամբլեայի անդամ Կոնստանտին Օրբելյանը նշանակվել է Նյու Յորքի օպերայի գործադիր տնօրեն և երաժշտական ղեկավար:

Իշխող քաղաքական ուժի ներկայացուցիչները ՍԴ-ի վերաբերյալ քաղաքական նպատակադրումներով քննադատություններ առավելապես սկսեցին հնչեցնել և անձնավորված մոտեցումներ դրսևորել այն ժամանակ, երբ ՍԴ-ում մուտքագրվեց կոնկրետ անձի կողմից ներկայացված կամ նրան առնչվող դիմումները և դրանցով ընդունվեցին համապատասխան որոշումներ: Այս մասին, այսօր՝ սեպտեմբերի 12-ին, դատարանում հայտարարեց ՍԴ նախկին նախագահ, այժմ ՍԴ դատավոր Հրայր Թովմասյանը՝ ներկայացնելով իր պաշտպանական ճառը:

Սեպտեմբերի 10-ին, ԱՄՆ Հելսինկիի հանձնաժողովում կայացած «Աջակցություն Հայաստանի ժողովրդավարությանը և արևմտյան ապագային» վերնագրով լսումների ընթացքում` ԱՄՆ Սենատի արտաքին հարաբերությունների հանձնաժողովի նախագահ Բեն Քարդինը դատապարտել է Ադրբեջանի կողմից Արցախի էթնիկ զտումները և Հայաստանի դեմ շարունակական ագրեսիան։ Լսումներին մասնակցելու էին հրավիրված երեք փորձագետ-ականատեսներ՝ ԵԱՀԿ-ում ԱՄՆ նախկին դեսպան Դան Բիըրը, Միջազգային ճգնաժամային խմբի Հարավային Կովկասի հարցերով նախկին վերլուծաբան Օլեսյա Վարդանյանը, Երևանում գործող «Ժողովրդավարության և անվտանգության տարածաշրջանային կենտրոնի նախագահ Տիգրան Գրիգորյանը։ Այս մասին հայտնում են ՀՅԴ Բյուրոյի Հայ դատի կենտրոնական գրասենյակից։  

Ռուսական կողմը սպասում է Իրանի նախագահ Մասուդ Պեզեշիկյանին ԲՐԻԿՍ-ի գագաթնաժողովում, որը կանցկացվի հոկտեմբերին Կազանում, հայտարարել է ՌԴ նախագահ Վլադիմիր Պուտինը, փոխանցում է РИА Новости-ն։

Բելառուսի նախագահ Ալեքսանդր Լուկաշենկոն ասել է, որ «հանդես է գալիս Հայաստանի հետ լավ հարաբերություններ պահպանելու օգտին»։ Այս մասին նա հայտարարել է Բելառուսում բնակվող տարբեր ազգությունների ներկայացուցիչների հետ հանդիպմանը, փոխանցում է ԲԵԼՏԱ-ն։

Երևանում շուրջ 30 միջոցառում կանցկացվի Եվրասիական տնտեսական համաժողովի շրջանակում։ Տեղեկությունը հայտնում է ՀՀ էկոնոմիկայի նախարարությունը։

Հայ–չինական ռազմական համագործակցությունը վերջին տարիներին նկատելիորեն առաջընթաց է ապրել։ Ինչպես հայտնում է ՀՀ պաշտպանության նախարարությունը, այս մասին հայտարարվել է ՀՀ պաշտպանության նախարար Սուրեն Պապիկյանի և ՉԺՀ պաշտպանության նախարար, ծովակալ Դուն Ցզյունի հանդիպման ժամանակ։

ՀՀ նախկին ոստիկանապետ Վլադիմ Գասպարյանի փաստաբաններ Ալեքսանդր Կոչուբաևը և Էրիկ Ալեքսանյանը հանդես են եկել հայտարարությամբ։