«Հրապարակ» թերթը գրում է. «Հոկտեմբերի 31-ին Սոչիում կայանալիք եռակողմ հանդիպումը, ըստ իշխանական շրջանակների, բեկումնային չի լինելու, լինելու է հերթականը։ Նիկոլ Փաշինյանը նեղ թիմին անոնսել է, որ ոչ մի դեպքում չի ստորագրելու «խաղաղության պայմանագրի» ռուսական տարբերակը, եթե անգամ սպառնան Հայաստանում իշխանափոխությամբ։ Փաշինյանն ասել է, որ ժողովուրդն իշխանության հետ է, ինքն էլ չի վախենում ՌԴ-ի սպառնալիքներից։

ՀՀ կառավարությունը չեղարկել է 24 մլն դրամով բանակից ազատվելու, ավելի ճիշտ՝ ընդամենը 4 ամիս ուսումնական փուլ անցնելու վերաբերյալ նախագիծը, գրում է «Հրապարակը»։

Միջազգային համաժողովի փորձագիտական նիստը կանցկացնի Հայաստանում Ռոսսոտրուդնիչեստվոյի ներկայացուցչությունը (Ռուսական տուն), Եվգենի Պրիմակովի անվան Համաշխարհային տնտեսության և միջազգային հարաբերությունների ազգային հետազոտական ինստիտուտի, Հայաստանի Հանրապետության Գիտությունների ազգային ակադեմիայի Արևելագիտության ինստիտուտի (ՀՀ ԳԱԱ) հետ համատեղ՝ Ռազմավարական հետազոտությունների և նախաձեռնությունների վերլուծական կենտրոնի կազմակերպչական աջակցությամբ՝ Գիտությունների ազգային ակադեմիայում:

«Հրապարակ» թերթը գրում է. «Հոկտեմբերի 21-ին «Դուրս ՀԱՊԿ-ից համախմբում» նախաձեռնող խումբը դիմում է հղել ԱԺ նախագահ Ալեն Սիմոնյանին` խորհրդարանական լսումներ կազմակերպելու առաջարկով: Թեման «ՀՀ անվտանգային հարցերն» են, մասնավորապես՝ ՀԱՊԿ կառույցից Հայաստանի դուրս գալու «հանրային պահանջի» քննարկումը։

ՀՀ քննչական կոմիտեի նախկին նախագահ Հայկ Գրիգորյանը ՀՀ գլխավոր դատախազությունից հետ է վերցրել իր՝ ՀՀ գլխավոր զինդատախազ դառնալու դիմումը. թեկնածուն միայն նա էր: Այս մասին գրում է «Ժողովուրդ» օրաթերթն իր այսօրվա համարում։

Հայաստանում 500 000 մարդ թերսնվում է։ Այս մասին ասվում է ՄԱԿ-ի Պարենի համաշխարհային ծրագրի «Սովի քարտեզ»-ում, հաղորդում է «Նովոստի-Արմենիա»-ն: Հայաստանի բնակչությունը, ըստ աղբյուրի, կազմում է 3 մլն։ Ընդ որում վերջին մեկ ամսում թերսնմամբ տառապողների թիվն ավելացել է 10 000-ով։ Ըստ քարտեզի՝ երկրում մինչև 5 տարեկան երեխաների մոտավորապես 4,4% -ը բախվում է սուր թերսնման, իսկ 9,4%-ը՝ քրոնիկ թերսնման: ՀԲ-ի կանխատեսմամբ՝ 2022 թվականին Հայաստանում աղքատության մակարդակը կարող է հասնել բնակչության 39,6%-ի։

Հայաստանի ինքնիշխանությունը «մատաղ անողներ»,դուք՝ ու՞ր,ինքնիշխանությունն՝ ու՞ր։ Նիկոլիզմի ջատագովներն երկիրն հանձնելուն զուգահեռ ինքնիշխանության բացարձակության թեզ են շրջանառում։

Նիկոլ Փաշինյանին 4 տարվա ընթացքում հաջողվեց հաղթող ազգին դարձնել պարտված ու վախեցած ժողովուրդ։ Այս մասին իր ֆեյսբուքյան էջում գրել է ԱԺ «Հայաստան» խմբակցության պատգամավոր Անդրանիկ Թևանյանը:

«Հրապարակ» թերթը գրում է. «Չնայած ՔՊ-ում շատերը մեծ ախորժակ ունեն առաջիկայում ստեղծվելիք ներքին գործերի մեգանախարարի պաշտոնի համար, սակայն Փաշինյանը, ըստ իշխանական աղբյուրների, որոշել է նշանակել իր համերկրացի և ընկեր ոստիկանապետին` Վահե Ղազարյանին։