Ադրբեջանը հաստատեց, որ գերեվարված է նաև Դավիթ Բաբայանը: Այս մասին իր տելեգրամ ալիքում գրել է թյուրքագետ, պատմական գիտությունների թենածու Վարուժան Գեղամյանը:
Հայաստանի տապալման բոլոր հիմքերն այլևս առկա են, այս մասին հայտարարել է պրոդյուսեր Ռուբեն Մխիթարյանը:
Օրերս ֆեյսբուքյան ամենաակտիվ խմբերից մեկում՝ «Հարթակ-22»-ում զետեղվեց Կարեն Վրթանեսյանի հետևյալ գրառումը. «Տեղեկություններ ունեմ, որ նիկոլաթուրքական վարչակարգի ներկայացուցիչները Գորիսում խոչընդոտում են, ամեն կերպ արգելում են միջազգային մեդիաների ներկայացուցիչներին շփվելու Արցախից դուրս եկող մեր հայրենակիցների հետ։ …Չեն թողում արտասահմանյան լրագրողներին նաև հիվանդանոցներ, որտեղ արցախցի քաղաքացիական վիրավորներն են։ Սա չենք կարող դիտարկել որպես այլ բան, քան Երևանից գործուն օգնություն Բաքվին՝ կոծկելու Արցախում մեր հայրենակիցների ցեղասպանությունը։ Կրկնում. իմ ունեցած տվյալներով նիկոլաթուրքական օկուպացիոն վարչակարգը չի թողնում, որ միջազգային մեդիայի ներկայացուցիչները տեղում լուսաբանեն իրավիճակը, խոսեն արցախցիների հետ, ներկայացնեն իրականությունն աշխարհին»։
Որքան էլ պարադոքսալ է, բայց Փաշինյանը սեպտեմբերի 28-ին կառավարության հերթական նիստում հայտնագործեց նաև լավ նորություն, այն է՝ արցախցի տանջահար փախստականները, իր կարծիքով, կկարողանան արագ աշխատանք գտնել Հայաստանում՝ օգտվելով «աշխատաշուկայի ակտիվությունից»։ Արցախից գաղթածները, նրա մտահղացմամբ, պետք է իրենց, ինչպես ընդգծեց՝ «արժանապատիվ աշխատանքով» հոգան իրենց կարիքները։ Ըստ երևույթին, արժանապատիվ աշխատանք ասելով նկատի ունի ծանր և պետության կողմից ոչ մի կերպ չվերահսկվող ստրկական աշխատանքը՝ 100-120 հազար դրամ աշխատավարձով, քանզի հենց այդ պայմաններում է այսօր աշխատում մեր երկրում ապրող քաղաքացիների ճնշող մեծամասնությունը…
Այսօրվա դրությամբ գլխավոր հարցը, որը հուզում է մեր հասարակության գերակշիռ մասին, այն է, թե հնարավո՞ր է արդյոք առանց կորուստների դուրս գալ ներկայումս ստեղծված օրհասական իրավիճակից և, նույնիսկ ավելին՝ առաջ շարժվել: Ինչպես վստահ է էկոնոմիկայի նախկին նախարար Կարեն ՃՇՄԱՐԻՏՅԱՆԸ, Արցախը կորսված չէ, և կան դիվանագիտական լուծումների իրական հնարավորություններ (այն փաստը, որ իշխանության ղեկին ընդ որում պետք է լինեն բոլորովին այլ մարդիկ, քննարկման ենթակա չէ)։
Ազգային ժողովի պետական-իրավական հարցերի մշտական հանձնաժողովն այսօր դրական եզրակացություն է տվել Հռոմի կանոնադրության վավերացման նախագծին: Ակնհայտ է, որ կառավարող մեծամասնությունը մտադիր է այն շուտափույթ վավերացնել: Նախկինում (ս. թ. մարտի 28-ին) Հանրապետական կուսակցությունը հայտարարությամբ անդրադարձել է Հռոմի կանոնադրության` ՀՀ Սահմանադրությանը հակասելու հանգամաքին և այն փաստին, որ Սահմանադրական դատարանն ակնհայտորեն վերազանցել է իր լիազորությունները` այն ճանաչելով սահմանադրական:
Արցախի պաշտպանության բանակում հարյուրավոր սպաներ կային, որոնք արդեն այստեղ են, պետությունը նրանցից յուրաքանչյուրի հետ պետք է խոսեր, նրանցից շատերը ուզում եմ ծառայել Հայոց բանակում։ Այս մասին ֆեյսբուքյան իր էջում գրել է «Հետք»-ի գլխավոր խմբագիր Էդիկ Բաղդասարյանը։
Պատերազմ, մահեր, հաշմանդամներ, փախստականներ, փորված գերեզմաններ, Ադրբեջանին հանձնված եկեղեցիներ, գյուղեր, քաղաքներ, պատմական հուշարձաններ: Սա սարսափ ֆիլմի սցենար չէ, սա այն իրականությունն է, որում մենք ապրում ենք արդեն մի քանի տարի, իսկ սեպտեմբերի 19 – ից դժոխքը դարձել է մշտական, և դրա վերջը չի երևում ։Եվ, եթե հետ նայենք, ապա կարող ենք տեսնել, որ առնվազն, 2020 թվականից, այսինքն ՝ 44-օրյա պատերազմի ավարտից ի վեր, մենք ունեցել ենք մի քանի իրական շանսեր ՝ կասեցնելու «հայոց պետականության ազատ անկումը»:
Արցախի Հանրապետության նախագահ Սամվել Շահրամանյանը հրամանագիր է ստորագրել 2023 թվականի սեպտեմբերի 19-ից հետո ստեղծված իրավիճակից բխող գործողությունների մասին։
«Փաստ» օրաթերթը գրում է. «Մեր ունեցած տեղեկություններով, վերջին օրերին տեղի ունեցող ողբերգական իրադարձությունների ֆոնին հանգիստ չէ նաև պետական համակարգում։ Չնայած Նիկոլ Փաշինյանի մեծագույն ջանքերին, որ պետական համակարգը ներսից ճաքեր չտա, այնուամենայնիվ, ստեղծված իրավիճակով պայմանավորված, այս փուլում ոչ մի վերահսկողական մեխանիզմ չի աշխատում։