2021-05-06 21:21
Ашот АРАМЯН
0
ԴՐԱՄԱՊԱՆԱԿՆԵՐԸ ԳՆԱԼՈՎ ԹԵԹԵՎԱՆՈՒՄ ԵՆ, ԳՈՏԻՆԵՐԸ՝ ԱՎԵԼԻ ՁԳՎՈՒՄ
Գների վերաբերյալ հարցին նախարարի պաշտոնակատարը պատասխանեց իշուկի պես. իա՜
Ս.թ. մայիսի 5-ին իրենց դարն ապրող ԱԺ պատգամավորների հետ ՀՀ կառավարության անդամների պաշտոնակատարների հերթական հարցուպատասխանի ընթացքում էկոնոմիկայի նախարար Վահան Քերոբյանին կշտամբեցին, որ նա խոստացել էր տնտեսության երկնիշ աճ, բայց առայժմ աճի երկնիշ տեմպեր նկատվում են միայն առևտրի ցանցերում ապրանքների գնապիտակներին: Գիտե՞ք, թե ինչ պատասխանեց սկանդալային համբավ վայելող նախարարի պաշտոնակատարը։
Սկզբում նա բարձր գնաճի պատասխանատվությունը հեշտությամբ գցեց Հայաստանի Կենտրոնական բանկի վրա, իսկ իր գլխավորած գերատեսչությանը թողեց լոկ հերթապահ «մտահոգվածությունը», չնայած դպրոցականին էլ հայտնի է, որ գները կարգավորվում են ոչ միայն և ոչ այնքան մոնետար մեթոդներով, որքան տնտեսության ընդհանուր վիճակով և զարգացմամբ, ինչի համար անմիջական պատասխանատուն հենց էկոնոմիկայի նախարարությունն է։
Հասկանալով, որ տվյալ թեմայով հարցերից խուսափել այս անգամ չի հաջողվի, Քերոբյանը չգտավ ավելի լավ բան, քան կապել գնաճի սանձահարումը ապագա բերքի հեռանկարի հետ, թեև այդ հեռանկարները, մեղմ ասած, ամենևին էլ ակնհայտ չեն։ Միաժամանակ նախարարը փորձեց հակադարձել ընդդիմադիր պատգամավորի հարցին, թե իբր՝ գնաճը մեզ մոտ այնուամենայնիվ երկնիշ չէ։
Ասես՝ ի հեճուկս իրեն, հենց նույն օրը, մայիսի 5-ին Հայաստանի վիճակագրական կոմիտեն հրապարակեց այս տարվա ապրիլի և ընդհանուր առմամբ հունվար-ապրիլ ամիսների սպառողական գների ինդեքսի (ՍԳԻ) թարմ ամփոփագիրը։ Իրեն չստի տեղ դնելով՝ նախարար Քերոբյանը, հղում անելով այդ վիճակագրությանը, նշեց, որ 12 ամսվա գնաճը (այսինքն 2021 թվականի ապրիլը՝ 2020 թվականի ապրիլի համեմատ) կազմել է «ընդամենը» 6,2% (հունվար-ապրիլին՝ նախորդ տարվա նույն ժամանակահատվածի համեմատ, կազմել է 5,4%)։
Մի փոքր դադար տանք և հիշեցնենք, որ մարտին 12-ամսյա գնաճը հավասար էր 5,8%-ի, այսինքն արդեն մեկ ամիս առաջ դա գերազանցել է գնաճի առավելագույնս թույլատրելի նշաձողը, որը կազմում է 5,5% (4% գումարած-հանած 1,5%): Էլ ուր մնաց ներկայիս 6,2%-ը։
Այո, պարոն պաշտոնակատար, 6,2%-ը, իհարկե, գների երկնիշ աճ չէ, բայց դուք երևի գիտեք (թեև դա էլ բնավ փաստ չէ), որ դա ընդհանուր գնաճն է։ Իսկ այ եթե անդրադառնանք առանձին ապրանքատեսակներին, մասնավորապես՝ պարենամթերքի մի շարք տեսակներին (և ոչ միայն), ընդ որում՝ առաջին անհրաժեշտության, ապա գների աճի տեմպերն իսկապես երկնիշ են։
Այսպես, համաձայն հիշյալ վիճակագրական ամփոփագրի, շաքարի գինը ս.թ. ապրիլին նախորդ տարվա ապրիլի համեմատ աճել է 41%-ով, կարագի և յուղերի գները՝ 28.6%-ով, որոնցից զատ արևածաղկի ձեթը մենք ստիպված ենք գնել ավելի քան 73.5%-ով ավելի թանկ, քան մեկ տարի առաջ։ Ինչպես ասում են, դրանից ավելի երկնիշ չի լինում։ Եվ առաջին անհրաժեշտության այդ ապրանքները մարդկանց հետաքրքրում են շատ ավելի, քան սպառողական ընդհանուր զամբյուղի մեջ «խցկածները», որոնցով հաշվարկվում է միջին գնաճը. բնավ ոչ առաջին անհրաժեշտության ապրանքներ:
Իհարկե, ոչ բոլոր ապրանքներն են թանկացել երկնիշ տեմպերով, բայց պետք է ասել, որ շատերն արդեն ընդհուպ մոտեցել են դրան։ Այսպես, մեկ տարում 8,3%-ով թանկացել են սննդամթերքն ու ոչ ալկոհոլային ըմպելիքները, իսկ այ ալկոհոլն ու ծխախոտը թանկացել են ամբողջ 8,8%-ով։ Առողջապահության ծառայությունները թանկացել են 6,5%-ով, կենցաղային պարագաները, կենցաղային տեխնիկան և տան ամենօրյա խնամքի միջոցները՝ գրեթե երկնիշ 9,6%-ով, տրանսպորտի ծառայությունները՝ արդեն հաստատ երկնիշ 10,7%-ով:
Ցուցանշական է, որ այս տարվա հունվար-ապրիլին ՍԳԻ-ի միջին ամսական աճը կազմել է 1,3%, մինչդեռ նախորդ տարվա նույն ժամանակահատվածում այդ ցուցանիշը կազմում էր ընդամենը 0,7%: Եվ էլի մի բան. ս.թ. ապրիլին՝ մարտի համեմատ բարձր գնաճի առումով աչքի է ընկել Գավառ քաղաքը։ Պատճառների մասին Վիճկոմիտեն չի զեկուցում։
Սաստիկ աճել են նաև ոչ պարենային ապրանքների գները. 8,5%-ով։ Առանձին ապրանքները տվյալ դեպքում չենք թվարկի։ Միևնույն է, սնունդ գնելուց հետո փող այլևս չի մնացել…
ПОСЛЕДНИЕ ОТ АВТОРА
-
2024-05-01 09:58И чем же так "хороша" стабилизация с/х вокруг… нуля Просто интересно, сколько еще правительство Пашиняна будет дурить головы согражданам в попытках всеми способами скрыть свою крайнюю некомпетентность в хозяйственных (и не только) делах. В частности, весьма жалкий вид имел на днях в интервью 1-му каналу ОТА замминистра экономики Армении, курирующий сельское хозяйство, Арман Ходжоян, который из кожи вон лез, чтобы опровергнуть очевидное: аграрную сферу страны несмотря на потраченные Министерством экономики десятки миллиардов драмов так и не удалось вытащить из хронически депрессивного состояния…
-
2024-04-29 11:54Кто в здравом уме передает контроль над магистралями другому государству? Правительство Пашиняна пытается внушить нам, что речь идет всего лишь о небольших территориальных уступках в Тавуше, которые, как было сказано и во многих других случаях, не имеют для Армении ключевого значения. Вспомним якобы "непритязательный" Шуши, "бесхозные" заснеженные вершины Ишханасара, "бесхозное" озеро Сев Лич…
-
2024-04-29 11:14"ГА" уже несколько раз обращался к загадочной истории взлета, начиная с ноября прошлого года, промышленности Армении, которая годами находилась в депрессивном состоянии. Промкомплекс по итогам 1-го квартала этого года продемонстрировал двузначный рост на уровне 130,4% и стал настоящим локомотивом армянской экономики…
-
2024-04-27 11:51Самый дешевый билет в Топ-1000 налогоплательщиков стоит 70 млн драмов Опубликованный 25 апреля Комитетом госдоходов Армении перечень тысячи крупнейших налогоплательщиков страны по итогам января-марта этого года простирается от захватившей лидерство компании-импортера модных гаджетов Mobile Center Art (выплатила в госбюджет в общей сложности чуть более 19,9 млрд драмов - в основном по линии НДС) до замкнувшей топ-1000 малоизвестной фирмы "Си Кью Джи Ай МА" с выплатой в госказну менее 70 млн драмов…
ПОСЛЕДНЕЕ ПО ТЕМЕ
-
2021-03-10 17:37ՌԴ վարչապետ Միխայիլ ՄԻՇՈՒՍՏԻՆԸ հրամանագիր Է ստորագրել, համաձայն որի՝ գերատեսչություններին և նախարարություններին հանձնարարվում է իրականացնել կոնկրետ ապրանքների գների մշտադիտարկում։ Այդ մասին հաղորդել է կառավարության մամլո ծառայությունը։ «Ռուսաստանում մտցվում է սպառողական ապրանքների և ծառայությունների գների մշտական մոնիտորինգ։ Այդ որոշումը հաստատվել է կառավարության կողմից։ Նոր գործիքը թույլ կտա կանոնավորապես իրականացնել շուկայի իրավիճակի համակարգային վերլուծություն, կանխատեսել նշանակալի արտադրանքի թանկացման ռիսկերը և յուրաժամանակ միջոցներ ձեռնարկել գների աճը զսպելու համար»,- ասված է հրամանագրում:
-
2021-01-21 19:37Հայաստանի տնտեսական մրցակցության պաշտպանության պետական հանձնաժողովը ուսումնասիրում է բենզինի, կարագի, շաքարավազի և մի շարք այլ ապրանքների գների փոփոխությունները, խորհրդարանում լրագրողներին ասել է գերատեսչության ղեկավար Գեղամ Գևորգյանը, հաղորդում է ԱՌԿԱ-ն: Նա նշել է, որ դեկտեմբերին փոփոխություններ են արձանագրվել մի քանի ապրանքային շուկաներում, մասնավորապես՝ արևածաղկի ձեթի և կարագի, ալյուրի, բենզինի և այլն: «Նախնական տվյալներով՝ համաշխարհային շուկաներում ունենք գների բարձրացում, բայց դրանք պատշաճ ձևով են մեզ մոտ արտացոլվել, թե՝ ոչ, ցույց կտա փորձաքննությունը»,– ասել է Գևորգյանը: Նա նշել է, որ ուսումնասիրությունները շարունակվում են, և արդյունքները կներկայացվեն արդեն հաջորդ շաբաթ ։
-
2019-08-01 19:41GTA-ի թարմ հետազոտությունը պսակազերծում է առասպելներն անշարժ գույքի մասին Ս.թ. հուլիսի 30-ին Grant Thornton Armenia (GTA) աուդիտորական-խորհրդատվական անկախ ընկերությունը հրապարակել է Հայաստանի անշարժ գույքի շուկայի օբյեկտիվ և հուսալի ուսումնասիրություն, հիմնված առավելապես պատմական տվյալների վրա։ Այդ վերլուծությունը թույլ է տալիս պատկերացում կազմել հետհեղափոխական ժամանակահատվածում աննշարժ գույքի շուկայի փոփոխությունների մասին՝ եռամսյակային կտրվածքով, իսկ միաժամանակ նաև պսակազերծել իշխանությունների կողմից քաղաքական նպատակներով մշակվող որոշ առասպելներ…
-
2019-06-17 20:34Օրինակը վարակիչ չդարձավ այլ նավթաթրեյդերների համար Վերջին շրջանի նորությունը, որը գործնականում աննկատ մնաց հայկական ԶԼՄ-ների կողմից. «Գազպրոմ նեֆտ» ռուսաստանյան ընկերությունը այս տարի սկսել է ռուբլու դիմաց նավթամթերքի մատակարարումները Հայաստան։