2021-08-13 08:05
Гаспар АДАМЯН
0
ՈՐՏԵՂ ԵՎ ԻՆՉՊԵՍ ԵՆ ԴԱՎԱՃԱՆՆԵՐ ՊԱՏՐԱՍՏՈՒՄ
Շոյգուն՝ տեղեկատվական գրոհների պատրաստման ռազմավարական կենտրոնների մասին
ՌԴ պաշտպանության նախարար Սերգեյ Շոյգուն օրերս հայտարարեց, որ Ռիգայում, Տալլինում, Վարշավայում և այլ քաղաքներում գործում են Ռուսաստանի դեմ տեղեկատվական գրոհների նախապատրաստման ռազմավարական կենտրոններ: Այդ գրոհները վարելու համար ներգրավում են ռուսաստանցիների. ընտրությունը կատարվում է սոցցանցերում, հիմք ընդունելով ՌԴ քաղաքացիների արտահայտությունների բովանդակությունը։ Այդ արտահայտությունները հստակ հեռարձակում են համապատասխան վճարի դիմաց ազգային շահերին դավաճանելու այս կամ այն անձի պատրաստակամությունը։
ԴԱՍԸՆԹԱՑՆԵՐԻ ՈՒՆԿՆԴԻՐՆԵՐԻՆ ԿՐԹԱԹՈՇԱԿ է ՏՐՎՈՒՄ: ԱՄԵՆ ԻՆՉ ԱՐՎՈՒՄ Է ՇԱՏ ԼՐՋՈՐԵՆ։ Նախարարն ընդգծեց, որ արևմտյան կենտրոններում Ռուսաստանի համար ընդդիմություն են պատրաստում հենց Ռուսաստանի քաղաքացիներից։ Նրա խոսքերով՝ տեղեկատվական գրոհների արագացված դասընթացների տասնյակ շրջանավարտներ ամեն եռամսյակ վերադառնում են հայրենիք՝ արտաքին ուժերի առաջադրանքով աշխատելու համար։
Այսօր հարկ չկա տարիներով դիվերսանտներ պատրաստել և ապահովել լեզվի լավ իմացությամբ լրտեսների ներդրումը՝ գաղտնի միկրոսխեմաների առևանգման և ռազմական օբյեկտներում դիվերսիաների համար։ XXI դարում շատ ավելի կարևոր է գրոհը մարդկային ուղեղների վրա, մենք մտել ենք մի դարաշրջան, երբ մեկ արտահայտությունը կարող է առաջացնել հարյուրավոր կիլոգրամ տրոտիլի գործողության հետ համեմատելի ավերածություններ: Խառնակչության գծով գործակալների առաքելությունը վաղուց արդեն կատարում են նրանք, ովքեր քաղաքական տրամադրություններ են սերմանում վիրտուալ տարածքում։
Շոյգուի հայտարարությունը կարելի է կապել Պետդումայի սեպտեմբերի 19-ին կայանալիք ընտրությունների հետ, բայց արևմտյան հատուկ ծառայությունների ակտիվացման պատճառը չի սահմանափակվում ընտրությունների նախապատրաստմամբ: Ընտրությունների ելքը մեծ հաշվով կանխատեսելի է, Ռուսաստանն առհասարակ կանխատեսելի պետություն է, որտեղ փոքր է այնպիսի արտառոց իրադարձությունների հավանականությունը, ինչպիսին Կապիտոլիումի շենքի գրավումն էր ԱՄՆ-ում՝ ի նշան ընտրությունների պաշտոնական արդյունքների դեմ բողոքի։ ԱՄՆ-ում դեռևս բռնաճնշումներ են ընթանում Թրամփի կողմնակիցների դեմ…
Հայ հանրությանը զոմբիացրել են տեղում
Հայաստանում 2018թ. գարնանը հակասահմանադրական իշխանափոխության նախապատրաստման փուլում գործում էր զանգվածային գիտակցության մշակման նույն սկզբունքը, սակայն ազդեցության հայ գործակալների պատրաստմամբ զբաղվում էին ոչ միայն ԱՄՆ-ի ու Եվրոպայի հատուկ ռազմավարական կենտրոններում, այլև բուն Հայաստանում։
ՌԴ տարածքում նման նախապատրաստում անցկացնել հնարավոր չէ, ուստի հավանական դավաճաններին սովորելու են հրավիրում այլ երկրների ռազմավարական կենտրոններ: Մեզանում դեռահասի գիտակցությամբ երիտասարդների մոլորեցումը ժողովրդավարական կարգախոսներով իրականացվում էր գլխավորապես Սորոսի հետևորդների և նախագահի նախկին խորհրդական Ժիրայր Լիպարիտյանի ջանքերով։ Արցախի ապագայի մասին Երևանում նրա կարդացած դասախոսություններին մենք ժամանակին անդրադարձել ենք բազմաթիվ հրապարակումներով…
Այլ կերպ ասած՝ հայ երիտասարդներին զոմբիացրել են տեղում, նոր սերնդի դավաճաններ պատրաստելով անմիջական կամ սոցցանցային շփումների միջոցով։ 2018-ի գարնան փողոցային ակցիաների ավանգարդի մեծ մասը Տեր-Պետրոսյանի ՀԱԿ-ի և «Հիմա՛» շարժման ծոցից ելածներն էին, այդ հարությունը վաղ տարիքից ներծծված էր այն մտքով, թե Արցախը մեզ պետք չէ…
Երբ տեղեկատվական գրոհների կարգի երևույթի մասին խոսում է ռազմական առումով ամենից անխոցելի տերության պաշտպանության նախարարը, դա նշանակում է, որ երկիրը պատրաստ է իրեն պաշտպանել ոչ միայն նորագույն սպառազինությունների միջոցով հարձակումներից, այլև նոր գլոբալ զենքից։
Հայաստանը պատրաստ չէր դիմակայել վիրտուալ գրոհներին։ Երկրում իսպառ բացակայում էր պետության ծրագրերում քաղաքացիների ներգրավման համակարգը, իսկ տեղեկատվական-քարոզչական համակարգը բնավ լավագույն վիճակում չէր։ Պետական շահի և ազգային արժեքների հանրահռչակման ասպարեզում բնակռել էին ստահակներն ու դիլետանտները, ինչը բազմիցս մատնանշվել է «Գոլոս»-ի հրապարակումներում։ Արդյունքում նախկին իշխող ընտրախավը անպատրաստ գտնվեց տեղեկատվական գրոհներին, ընդ որում ընդդիմության ճամբարում նրա գործունեության 3 տարիների ընթացքում առանձնապես ոչինչ չի փոխվել...
Ռուսաստանում քաղաքացիների ուղեղի համար պայքարի անհրաժեշտության մասին խոսում է պաշտպանության նախարարը: Դա պետության պաշտպանական քաղաքականության մասն է։ Պետությունը փորձում է իրեն պաշտպանել օտար տարրերի ներթափանցումից, պետության ներսում պառակտման ու թշնամանքի քաղաքականության սերմանումից։
Արտաքին հետախուզության ծառայություն
Հայաստանում բանն այնտեղ է հասել, որ կապիտուլյացիայի և պետական շահերին դավաճանելու մեջ մեղադրում են ոչ թե 44-օրյա պատերազմի պահի դրությամբ ինքնահռչակ «գերագույն գլխավոր հրամանատարին», այլ նախկին իշխանությանը։
Այսօր մեր բազմաթիվ համաքաղաքացիներ լիովին համոզված են, թե Արցախի Հանրապետության 75%-ը հանձնել է ոչ թե Նիկոլը, այլ Ռոբերտ Քոչարյանն ու Սերժ Սարգսյանը։ Նաև հավատում են, թե Նիկոլը 30 հազար կյանք է փրկել, իսկ պատերազմը տանուլ ենք տվել այն պատճառով, որ դավաճանություն է եղել ներսից, իբր՝ Վազգեն Մանուկյանը մարտական գործողությունների թեժ պահին զանգել է առաջնագիծ՝ գեներալներին, և առաջարկել գալ Երևան ու վերցնել իշխանությունը։
Իսկ վերջերս անցումային կառավարության վարչապետի պաշտոնում Հայրենիքի փրկության շարժման թեկնածուն դիմեց դատարան՝ չհեռանալու մասին ստորագրության տեսքով խափանման միջոցը չեղարկելու համար, սակայն նրան մերժեցին։ Իշխանական քարոզչամեքենան անմիջապես սկսեց ճղավել, թե իբր՝ Մանուկյանն ուզում էր փախչել երկրից, բայց իշխանությունը կանխեց այդ փորձը։ Փաշինյանի քարոզչամեքենայի առանցքային թեզերը վերապատմել կարելի է անվերջ։ 8-րդ գումարման խորհրդարանում իրական ընդդիմության ներկայությունը՝ գրպանայինի փոխարեն, ինչպիսին նստած էր 7-րդ գումարման խորհրդարանում, լոկ ուժգնացրել է իշխանական քարոզչամեքենայի գրոհները զանգվածային գիտակցության վրա։
Իշխանությանը մերկացնելու ընդդիմության մարտավարությունը խթանակի դեր խաղաց, ինչին հաջորդեց զանգվածային գիտակցության վրա իշխանությունների գրոհի նոր ալիքը երկրի ամենաբարձր ամբիոնից։ Այդ մարտերը ոչինչ չտվեցին. այն ամենը, ինչի մասին խոսվեց 8-րդ գումարման խորհրդարանի ամբիոնից, վաղուց ու լավ հայտնի է մտածող հանրությանը, իսկ քաղքենի զանգվածը շարունակում է հետևել իշխանական քարոզչամեքենայի առանցքային թեզերին։
Պետական կառավարման համակարգում օտարերկրյա գործակալների ճնշիչ ազդեցության խորապատկերին, ինչի մասին Փաշինյանը հայտարարեց վարչապետի կարգավիճակով Թեհրան կատարած առաջին այցի ընթացքում, Անդրանիկ Քոչարյանը հայտարարել է արտաքին հետախուզության ծառայություն ստեղծելու իշխանության ծրագրերի մասին: Եվ դա այն պայմաններում, երբ Հայաստանում ամենաբարձր մակարդակով գործում են օտարերկրյա պետությունների գործակալներ։ Ո՞վ կգնա ծառայելու արտաքին հետախուզության համակարգում, եթե ռեզիդենտների ցուցակները ցանկացած պահի կարող են հայտնվել օտարերկրյա պետությունների դեսպանների սեղանին։ Ի դեպ, պաշտպանության հանձնաժողովի ղեկավարը խորհրդարանի ամբիոնից պախարակեց պաշտպանության նախկին նախարարներ Միքայել Հարությունյանին ու Վիգեն Սարգսյանին այն բանի համար, որ նրանք գտնվում են ՌԴ-ում և ԱՄՆ-ում: «Չէ՞ որ նրանք տեղեկատվության հսկայական շերտի կրողներ են»,- բացականչեց Քոչարյանը։
Ընդդիմությունը պատասխանեց այն փաստի վկայակոչումով, որ ԱԱԾ ղեկավարի պաշտոնը զբաղեցրել էր վարչապետի ամենաերիտասարդ դրածո Արգիշտի Քյարամյանը, որից հետո «անսպասելիորեն» սկսվեց թուրք-ադրբեջանական ագրեսիան Արցախի Հանրապետության դեմ։ «Իսկ եթե այն սկսվել է ոչ «անսպասելիորեն», ապա պետք է արդեն այլ հարցեր տալ...»,- հայտարարեց Արամ Վարդևանյանը: Հիշեցնեմ, որ ընդդիմության ներկայացուցիչները Քյարամյանին մեղադրում են 44-օրյա պատերազմի ժամանակ հայերենին տիրապետող ադրբեջանցիներին հարյուրավոր հայկական անձնագրեր տալու մեջ։
ПОСЛЕДНИЕ ОТ АВТОРА
-
2024-04-29 11:08Реформа ВС РА при участии американских советников протекает параллельно с реформой СНБ. К этой службе принадлежат пограничные войска, которыми Пашинян планирует заменить армейские подразделения по всей длине будущей государственной границы на этапе ее делимитации. Из близких к структуре источников стало известно, что в скором времени подаст в отставку руководитель СНБ Армен Абазян, а его место займет реформатор, который ускорит процесс модернизации СНБ по лекалам американских спецслужб. Наш источник сообщил, что эта замена продиктована страхами Пашиняна по поводу того, что внутри страны ему противостоит "пятая колонна РФ" в лице парламентской оппозиции и ряда внепарламентских партий и общественных сил.
-
2024-04-25 11:24Лидер Европейской партии Тигран Хзмалян на днях сообщил, что последний раз лидеры неформальной внепарламентской коалиции встречались с Пашиняном в сентябре прошлого года. В кулуарах власти активно циркулируют слухи о том, что партии - бывшие члены неформального альянса больше не просят лидера правящего режима о встречах… Ранее эти встречи имели место на регулярной основе, лидеры карликовых сил выступали с предложениями, задавали Пашиняну вопросы. Сегодня эти деятели предпочитают дистанцироваться от персоны главаря режима и даже выступают с публичной критикой в адрес властей.
-
2024-04-25 10:30Спектакль с ревизией построенных и отремонтированных школ Пашинян недавно повторил в Лори, где снова дергал перед телекамерами крючки для вешалок, пробовал на прочность ворота на футбольном поле, давал ценные советы учителям по организации учебного процесса.
-
2024-04-24 10:02"Пашинян провалил все программы, с которыми ГД пришла к власти в 2021 г., а потому после подписания соглашения о мире с Алиевым он обязан подать в отставку и провести досрочные выборы в парламент", - заявил зампредседателя АНК Левон ЗУРАБЯН. По его словам, человек в кресле премьер-министра утратил контроль над текущими процессами, включая тот, который призван привести к миру между Арменией и Азербайджаном.
ПОСЛЕДНЕЕ ПО ТЕМЕ
-
2022-05-02 19:27Սերժ Սարգսյանի հրաժարականը վերջի՞նն էր Երևանը վերածվել է ոստիկանական մեծ բաժանմունքի. յուրաքանչյուր 100 մետրը մեկ անցորդները բախվում են ոստիկանների և քաղաքացիներին բաժանմունքներ տեղափոխելու համար նախատեսված միկրոավտոբուսների կուտակումների։ Այդ ավտոբուսներում մարդկանց ենթարկում են ծեծի ու նվաստացումների։ 2011թ.-ին Հայաստանի խորհրդարանն ընդունել է աշխարհի ամենաառաջադեմ (եվրոպացի փորձագետների գնահատմամբ) օրենքներից մեկը՝ հավաքների, հանրահավաքների և երթերի քաղաքացիների իրավունքի մասին: Օրենքում ամրագրված է նույնիսկ չարտոնված ակցիաներին ոստիկանության միջամտության արգելքը, եթե դրանք խաղաղ բնույթ են կրում։
-
ԿՅԱՆՔԻ ՏԵՐԵՐԸ, ԿԱՄ՝ ՄԱՅՐԱՔԱՂԱՔԱՅԻՆ ՄՈՆՈԼԻՏ. ՓԱՇԻՆՅԱՆԸ ՍԿՍԵԼ Է ՆԱԽԱՊԱՏՐԱՍՏՎԵԼ 2023-Ի ԸՆՏՐՈՒԹՅՈՒՆՆԵՐԻՆ2022-03-31 17:36Փաշինյանը ձևավորում է իր սեփական օլիգարխիան՝ մայրաքաղաքի ընտրությունների հեռանկարով Հայտնի է, որ խոշոր գործարարներ Սամվել Ալեքսանյանը, Խաչատուր Սուքիասյանը և Գագիկ Ծառուկյանը վերահսկում են Երևանի վարչական խոշոր միավորները։
-
2022-03-16 18:14Ինչո՞ւ Տավուշի մարզպետը չի արձագանքում տեղի բնակիչների բողոքներին Եթե նախկին օմբուդսմեն Արման Թաթոյանը չահազանգեր, մայրաքաղաքի հասարակայնությունը դժվար թե իմանար, որ Սյունիքում կառուցվող նոր հիմնական ճանապարհի հատվածները, որը կոչված է դառնալու Կապան–Ճակատեն ճանապարհի այլընտրանքը, նույնպես լինելու են ադրբեջանցիների վերահսկողության տակ:
-
2022-02-22 21:00Պախարակում՝ առանց փաստարկների և ապացույցների Անդրանիկ Քոչարյանը, ոչ դես, ոչ դեն, հայտարարեց, որ քննիչ հանձնաժողովը 44-օրյա պատերազմի հանգամանքների ուսումնասիրությունը սկսելու է բանակցային ժառանգությունից, որպեսզի բացահայտի այն պատճառները, որոնք հնարավոր են դարձրել թուրք-ադրբեջանական ագրեսիան Արցախի Հանրապետության դեմ: Նրա խոսքերով, հանձնաժողովի աշխատանքը բոյկոտելու որոշումը ընդդիմադիր պատգամավորներին թելադրված է «երկու հոգու» կողմից։ 4 տարի անց վարչախումբն առաջվա պես շարժվում է Ռոբերտ Քոչարյանին և Սերժ Սարգսյանին համակարգված կերպով վարկաբեկելու ուղեգծով։